Ýurdumyzyň babadaýhanlarynyň bereketli topragymyzdan öndürýän gök we miwe önümleri içerki bazarlarymyzda haryt bolçulygyny emele getirip, halkymyzyň bu önümlere bolan isleglerini üpjün edýär. Bu önümleri gaýtadan işläp, ony ýokary hilli azyk önümi görnüşinde ilata ýetirmek ýurdumyzyň söwda ulgamynyň işgärleriniň esasy wezipeleri bolup durýar. Hormatly Prezidentimiziň önümi gaýtadan işleýän kärhanalaryň işlerini talabalaýyk ýola goýmak barada öňde goýýan aýdyň wezipelerini ýerine ýetirmekde Mary welaýat Alyjylar jemgyýetleriniň birleşiginiň Murgap önümçilik birleşiginiň gök we miwe önümlerini gaýtadan işleýän önümhanasynda birnäçe işler durmuşa geçirilýär.    Ilatymyzyň gök we miwe önümlerine bolan isleglerini kanagatlandyrmak, ýylyň bütin dowamynda alyjylary bu önümleriň gaplama görnüşleri bilen üpjün etmegi maksat edinip işleýän Murgap önümçilik birleşiginiň işçileri önümi gaýtadan işlemek işlerini guramaçylykly alyp barýarlar. Ýurdumyzyň önüm öndürijileri bilen işjeň hyzmatdaşlygyň ýola goýulmagy netijesinde önüm öndürmekde zerur bolan gök we miwe önümleri terligi bilen kärendeçilerden we ýer eýelerinden ylalaşykly baha esasynda satyn alynýar. Bu ýere getirilýän miwe we gök önümleriň saýlama görnüşleri ilki bilen hil barlagyndan geçirilip, soňra önümçilige goýberilýär. Önümleri gaýtadan işlemek işleri bolsa kämil tehnologiýaly enjamlaryň kömegi arkaly ýerine ýetirilýär. Birleşigiň gök we miwe önümlerini gaýtadan işleýän önümhanasynyň  işçileri şu günler hyýar we pomidor ýaly gök  önümleri gaýtadan işlemek işlerini guramaçylykly alyp barýarlar. Döwrebap hem göze gelüwli gaplara gaplanylýan önümleriň harytlyk derejesi hem üpjün edilýär. Işçileriň gündelik çekýän irginsiz zähmetleri ýerine-de düşýär. Bu ýerde pomidor, hyýar ýaly gök önümleri gaýtadan işlemek işlerem sazlaşykly alnyp barylýar. Gündelik kabul edilýän gök önümiň hasyllary talabalaýyk derejede arassalanylyp, olardan gaplama görnüşli ýokary hilli azyk önümleriň uly tapgyrlary taýýarlanylýar. Önümçilik kärhanasynda taýýarlanylýan gaplama görnüşli duzlanan gök önümler bolan hyýar we pomidor önümleri hem-de pomidor goýaltmasy özüniň ýokary hilliligi bilen tapawutlanyp, halkymyzyň uly isleglerine eýe bolýar. Bu kärhanada möwsümiň dowamynda şular ýaly döwrebap azyk önümleriniň her aýda ortaça 277,7 müň şertli gaby öndürilýär. Hormatly Prezidentimiziň önümi gaýtadan işleýän kärhanalaryň işlerini kämilleşdirmek barada edýän aladalaryndan ruhlanyp zähmet çekýän bu önümhananyň işçileriniň öndürýän gaplama görnüşdäki gök önümleri içerki bazarlarymyzda haryt bolçulygynyň emele getirilmegine uly ýardam berýär. Azyk ulgamynyň işgärleriniň öndürýän bu ýokary hilli önümleri daşary ýurtdan getirilýän azyk önümleriň ornuny tutup bilýän önümler bolmagy bilen bir hatarda ýurdumyzda geçirilýän azyk önümleriň sergilerinde-de mynasyp orunlara eýe bolýar. Birleşigiň gök we miwe önümlerini gaýtadan işleýän bu  önümhanasynyň işçileri şu günler halkymyzyň ösen isleglerini nazara almak bilen bu azyk önümleriniň täze görnüşlerini öndürmekligiň üstünde hem işleýärler.Birleşigiň işgärleri ýurdumyzda azyk bolçulygyny üpjün etmek barada alyp barýan döwlet bähbitli işleri üçin türkmen halkynyň Milli Lideri Gahryman Arkadagymyza we Hormatly Prezidentimiz Arkadagly Gahryman Serdarymyza alkyş sözlerini beýan edýärler.

Türkmen halkynyň Milli Lideri Gahryman Arkadagymyzyň ýiti zehininden, jöwher paýhasyndan dörän “Türkmenistan – parahatçylygyň we ynanyşmagyň Watany” atly ajaýyp goşgusynyň esasynda 2025-nji ýyl “Halkara parahatçylyk we ynanyşmak ýyly” diýlip yglan edildi. Şu ýylyň  şanly şygaryna bagyşlanylyp Mary welaýatynda hem dürli dabaraly çäreler giňden ýaýbaňlandyrylýar. Mary welaýat kitaphanasynda Türkmenistanyň Magtymguly adyndaky Ýaşlar guramasynyň Mary welaýat, Baýramaly şäher, Mary we Baýramaly, Garagum etrap geňeşleriniň, Mary welaýat kitaphanasynyň, S.A. Nyýazow adyndaky Mary lukmançylyk orta okuw mekdebiniň hem-de Türkmenistanyň Döwlet energetika institutynyň bilelikde guramagynda “Parahatçylyk, ynanyşmak – ýürek nurumyz” atly söhbetdeşlik duşuşygy geçirildi. Duşuşyga TMÝG-niň welaýat, şäher, etrap geňeşleriniň işjeň agzalary, welaýatyň jemgyýetçilik guramalarynyň wekilleri we talyp ýaşlar gatnaşdylar. Maslahatyň dowamynda hormatly Prezidentimiziň parasatly ýolbaşçylygynda Garaşsyz, baky Bitarap ýurdumyzda gazanylýan ösüşler dogrusynda täsirli gürrüň edildi. Şeýle hem bu ýerde çykyş edenler ýurdumyzda her ýylyň döwrebap atlandyrylmagynyň halkymyzyň abadançylygyny, raýatlarymyzyň watançylyk buýsanjyny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny has-da artdyrýandygy, ýylyň dowamynda alnyp barylýan işleriň şol şygaryň mazmuny bilen bir bitewi sazlaşygy emele  getirýändigi barada nygtadylar.

Halkara parahatçylyk we ynanyşmak ýylynda Hormatly Prezidentimiziň bimöçber tagallalary netijesinde telekeçiligi ösdürmek boýunça alnyp barylýan giň möçberli işler döwlet syýasatynyň ileri tutulýan ugurlarynyň biri bolmak bilen döwletimizde hususy ulgamyň ornuny ýokarlandyrmak barada edilýän aladalardan ruhlanyp zähmet çekýän Mary welaýatynyň Murgap etrabynyň çäginde ýerleşýän “Ak öý” haryt nyşanly konditer önümlerini öndürýän kärhanasyny hem ýurdumyzda konditer önümleriniň birnäçe görnüşlerini öndürmekde öndürijilikli işleýän kärhanalaryň hatarynda görkezmek bolar. Önümçilik binýady barha kämilleşýän bu kärhanada halkymyzyň azyk önümlerine bolan ösen isleglerini nazara almak bilen lezzetli kökeleriň birnäçe görnüşlerini öndürmek işleri ýola goýulýar. Bu ýerde dürli görnüşli konditer önümleri bolan kökeleriň 10-dan gowrak görnüşleri öndürilip, içerki bazarlarymyzda mynasyp orun berilýär. Kärhanada öndürilýän keks, krausan, ekler, keta we guradylan çörek ýaly birnäçe görnüşli önümler ilatyň ösen isleglerini kanagatlandyrýar. Karamel, dürli miwe tagamly mürepbeler, krem we birnäçe goşmaça tagamlar bilen öndürilýän konditer önümleri hil babatda hem özboluşly aýratynlygy bilen tapawutlanýar. Kärhananyň zähmetsöýer işgärleriniň günde 1 tonna barabar önüm öndürmekleri hem öndürüjilikli zähmet çekmekde üstünlügiň aýdyň nyşany bolup durýar. Bu ýerde önümçilik üçin zerur bolan çig mallary ýerli bazardan üpjün edilýär. Turkiýe döwletiniň enjamlary arkaly taýýarlanylýan bu ýokary hilli, talaba laýyk önümler halkymyz tarapyndan içerki bazarlarymyzda uly isleglere eýedir. 2023-nji ýyldan bäri halkymyza hyzmat edip gelýän bu kärhanada zähmet çekýänleriň aglaba bölegi ýaşlar bolmagy hem Gahryman Arkadagymyzyň, Arkadagly Gahryman Serdarymyzyň ýaşlara işlemäge, dürli kärlerde zähmet çekmäge döredip berýän giň mümkinçilikleriniň aýdyň subutnamasydyr. Türkmenistanyň Senagatçylar we telekeçiler partiýasynyň Mary welaýat komitetiniň agzalarynyň bu kärhanada yzgiderli wagyz - nesihat çärelerini geçirmeklerini hem bellemek bolar. Kärhananyň işçileri ýurdumyzda kiçi we orta telekeçiligi ösdürmekde alyp barýan döwlet bähbitli işleri üçin türkmen halkynyň Milli Lideri Gahryman Arkadagymyza hem-de Hormatly Prezidentimiz – Arkadagly Gahryman Serdarymyza alkyş sözlerini aýdýarlar. 

Çagalaryň häzirki dowam edýän tomusky dynç alyş möwsüminde çagalar sagaldyş we dynç alyş merkezlerinde dynç alýan çagalaryň arasynda guralýan dürli medeni-dynç alyş çäreleri ýurdumyzyň Mary welaýatynda hem yzygiderli geçirilip, oňa körpe nesiller ýokary ruhubelentlikde gatnaşýarlar. Mary welaýatyndaky ,,Arkadagyň bagtyýar nesilleri“ çagalar sagaldyş we dynç alyş merkezinde Mary welaýat häkimligi hem-de welaýat Baş bilim müdirligi tarapyndan guralan dürli medeni köpçülik we sport çäreleri hem örän täsirli boldy. Bu dabaraly çärä merkezde sapaly dynç alýan bagtyýar çagalaryň uly topary gatnaşdy. Olar çäräniň dowamynda merkeziň çägindäki oýun meýdançasynda çagalaryň arasynda sportyň estefeda görnüşli gyzykly bäsleşikler guraldy. Mundan başga-da çagalar meýdançasynda çagalara ruhy lezzet paýlaýan aýdym-sazly çykyşlar görkezilip, sportuň küşt görnüşi boýunça guralan oýun täsirli boldy. Merkezde çagalaryň wagtlaryny şadyýanlykda geçirmekleri üçin ýörite döredilen sport enjamlary bilen enjamlaşdyrylan sport zalynda türgenleşik geçmekleri hem ýaş nesilleriň beden taýdan sagdyn bolmaklaryna ýardam etdi. Merkezde dynç alyp wagtlaryny many-mazmuna besleýän bagtyýar çagalar özlerine döredilýän şeýle mümkinçilikler üçin türkmen halkynyň Milli Lideri Gahryman Arkadagymyza we Hormatly Prezidentimiz Arkadagly Gahryman Serdarymyza çyn ýürekde çykýan alkyş sözlerini aýdýarlar.

Bilşimiz ýaly, awgust aýynyň 4—8-i aralygynda «Awaza» milli syýahatçylyk zolagynda BMG-niň Deňze çykalgasy bolmadyk ösüp barýan ýurtlar boýunça üçünji maslahatyny we ugurdaş çäreleri guramaçylykly hem-de ýokary derejede geçirmek barada Karara gol çekilmegi mynasybetli welaýat kitaphanasynyň mejlisler zalynda welaýat häkimliginiň, TDP-niň, TAP-nyň welaýat komitetleriniň, TKA-nyň welaýat birleşmesiniň, TZB-niň welaýat bölüminiň, TMÝG-niň welaýat geňeşiniň, welaýat medeniýet müdirliginiň bilelikde guramagynda «Türkmenistan — Birleşen Milletler Guramasy: giň gerimli özgertmeler we beýik başlangyçlar» atly maslahat geçirildi. Maslahata Türkmenistanyň Mejlisiniň deputatlary, welaýat halk maslahatynyň agzalary, syýasy partiýalaryň we jemgyýetçilik guramalarynyň işgärleri, bilim we saglygy goraýyş ulgamlarynyň işgärleri, talyp ýaşlar gatnaşdylar.  Maslahatda welaýat häkiminiň orunbasary, TZB-niň welaýat bölüminiň başlygy Çemen Akyýewa, TMÝG-niň welaýat geňeşiniň başlygy, Türkmenistanyň Mejlisiniň deputaty Maksat Janmyradow, TDEI-niň mugallymy, Türkmenistanyň Mejlisiniň deputaty Merdan Orazmeredow, TAP-nyň welaýat komitetiniň bölüm müdiri Güljemal Nazarowa çykyş etdiler. Çykyş edenler «Awaza» milli syýahatçylyk zolagynda BMG-niň Deňze çykalgasy bolmadyk ösüp barýan ýurtlar boýunça üçünji maslahatynyň we ugurdaş çäreleriň geçirilmeginiň ähmiýetlidigi, bu halkara forumynyň geçirilmeginiň ýurtlaryň ykdysady, ulag we logistika ugurlarynyň ösmegine täsir etjekdigi dogrusynda täsirli gürrüň etdiler.  Aýparça AKYMOWA.

Hormatly Prezidentimiziň ýurdumyzyň oba hojalyk pudagyny düpli  özgertmek barada amala aşyrýan beýik maksatly işleri ýurdumyzyň zähmetsöýer daýhanlarynyň işleriniň barha öňe ilerlemegine uly badalga berýär. Döwletimiz tarapyndan döredilýän ýeňilliklerden, kömekdir goldawlardan ruhlanyp zähmet çekýän daýhan hojalyklaryň agzalary bilen bilelik-de  işewür telekeçiler hem oba hojalyk ekinlerinden bol hasyl almakda işjeňlik görkezýärler. Mary welaýatynda döredilen daýhan hojalyklarynyň babadaýhanlaryň bu ugurda çekýän asylly zähmetleri-de muňa aýdyň şaýatlyk edýär. Daýhan hojalyklaryň zähmetsöýer adamlary ýylyň-ýylyna gowaçanyň we bugdaýyň şeýle-de beýleki oba hojalyk ekinleriniň ýokary hasyl berýän we biziň howa we toprak şertlerimize durnukly tohumlaryny ekip, olara göwnejaý ideg edip, oňat iş netijelerini gazanýarlar. Şeýle daýhan hojalyklaryň biri-de Mary etrabyndaky Akmyrat Nursähedowyň daýhan hojalygydyr. Akmyrat aga öz daýhançylyk tejribesine daýanyp, bu daýhan hojalygyna köp ýyllardan bäri ýolbaşçylyk edýär. Ol oba hojalyk ekinlerinden bol hasyl almak işlerinde oba ýaşulylary bilen hem ýzygiderli maslahatlaşyp durýar. Daýhan hojalygynyň medeni zonadan uzakda ýerleşen 100 gektar kärende ýerinde häzirki wagtda gowaçanyň bol hasyl berýän görnüşi ýetişdirilýär. Göwnejaý ideg edilýän gowaçalar häzirki wagtda bol hasyl toplaýar. Daýhan hojalygynyň şu ýylky galla oragy möwsüminde hem döwlete bugdaý tabşyrmak baradaky şertnamalaýyn borçnamasyny ýerine ýetirendigini-de aýratyn bellemek gerek. Hormatly Prezidentimiz Arkadagly Gahryman Serdarymyzyň ýurdumyzyň babadaýhanlaryna tohum, tehnika, dökün babatda berýän goldawlary bilen ruhlanýan bu daýhan hojalygynyň daýhanlary häzirki wagtda 250 gektara güýzlik bugdaý we gant şugundyryny ekmegi meýilleşdirýärler. Olar ýerleri ekiş möwsümine taýýarlamak işlerini gowşamaýan depginde alyp barýarlar. Mary etrabynyň çägindäki daýhan hojalygynyň zähmetkeş adamlary ýurdumyzyň babadaýhanlarynyň gujurly zähmet çekmekleri üçin giň mümkinçilikleri döredýän türkmen halkynyň Milli Lideri Gahryman Arkadagymyza we Arkadagly Gahryman Serdarymyza alkyş sözlerini aýdýarlar.

Berkarar döwletiň täze eýýamynyň Galkynyşy döwründe ýurdumyzyň milli ykdysadyýetiniň  batly depginler bilen ösmeginde döwletimiziň hususy ulgamyna möhüm orun degişlidir. Öz maddy enjamlaýyn binýadyny dünýäniň öňdebarjy önüm öndürjileriniň iň täze tehnologiýaly enjamlary, tilsimatlary bilen barha pugtalandyrýan işewürlik kärhanalary, hojalyk jemgiýetleri bu gün ýurdumyzda azyk önümleriniň bolçulygynyň döredilmegine saldamly goşantlaryny goşýarlar. Mary welaýatynyň Wekilbazar etrabynyň “Akgoňur” geňeşliginiň çäginde ýerleşýän Türkmenistanyň Senagatçylar we telekeçiler birleşmesiniň agzasy bolan “Yhlasa ynam” hususy kärhanasam şolaryň biridir.Bu telekeçilik kärhanasynda öndürilýän azyk harytlar hili, harytlyk görnüşi boýunça daşary ýurtlardan getirilýän önümler bilen bäsleşige ukyply, ekologiýa taýdan arassa, alyjylaryň ösen islegini kanagatlandyrýan önümlerdir.2020-nji ýylda esaslandyrylan bu kärhana Türkiýäniň azyk önümçiliginde ulanylýan kämil tehnologiýaly enjamlary bilen enjamlaşdyrylandyr. Kärhananyň önümçiliginiň yola goýulmagy bilen bu ýerde obanyň ýaşlary üçin täze iş orunlary döredi. Indi olaryň her biri hünärini birkemsiz ele alan ýaşlardyr. Bu ýerde häzir “Ewa” haryt nyşanly kökeleriň bäş görnüşi öndürilýär. “Mello”görnüşli Gündogar süýjüligi hem öndürilip, gelşikli gaplara gaplanylyp, kärhanada alyjylara ýetirilýär. Hususy kärhanada döwrebap enjamlar bilen enjamlaşdyrylan hil barlaghanasy bolup, onda öndürilýän önümleriň hili pugta gözden geçirilýär. Işewür telekeçiler geljekde önümleriň görnüşlerini artdyryp, täze goşmaça iş orunlaryny döretmekligi meýilleşdirýärler. Häzir bu hususy kärhananyň öndürýän ýokary hilli köke önümleri ýörite awtoulaglaryň kömegi bilen Mary hem-de Lebap welaýatlarynyň söwda nokatlaryna ugradylýar hem-de elýeterli bahalar bilen alyjylara ýetirilýär. Kärhananyň ýaşlary hususy telekeçiligi ösdürmäge,goldamaga döwletimiz tarapyndan döredilýän şertler üçin türkmen halkynyň Milli Lideri Gahryman Arkadagymyza,Hormatly Prezidentimiz Arkadagly Gahryman Serdarymyza alkyş sözlerini aýdýarlar.

Ýakynda Tagtabazar etrap häkimliginiň, etrabyň polisiýa bölüminiň, etrap kazyýetiniň gurnamagynda etrap kazyýetiniň mejlisler zalynda möhletde duran hem-de edara-kärhanalarda zähmet çekýän raýatlaryň gatnaşmaklarynda wagyz-nesihat duşuşygy geçirildi. Duşuşykda TMÝG-niň etrap geňeşiniň hünärmeni Täzegül Muhammetöwezowa, etrap kazyýetiniň uly kazyýet ýerine ýetirijisi Toýly Geldiýew, etrap bilim bölüminiň müdiri Bagtyýar Nurmämmedow, etrabyň polisiýa bölüminiň ýerli wekili, polisiýanyň podpolkownigi Aga Hojagulyýew çykyş etdiler. Çykyş edenler raýatlaryň arasynda ýüze çykýan nogsanlyklaryň öňüni almak, şeýle-de, tertip-düzgünleri berjaý etmek, kabul edilýän kanulary ýerine ýetirmek barada gyzykly gürrüň etdiler.    Wepa ŞARIPOW.

Golaýda TKA-nyň welaýat birleşmesiniň ýygnaklar jaýynda ýokardaky at bilen wagyz-nesihat çäresi geçirildi. Ony TDP-niň welaýat komiteti, TKA-nyň welaýat birleşmesi, welaýat prokuraturasy, welaýat adalat bölümi, welaýatyň polisiýa müdirligi bilelikde guradylar. Çärä ýokarda atlary agzalan guramalaryň we hukuk goraýjy edaralarynyň işgärleri gatnaşdylar. Duşuşykda welaýat köpugurly hassahanasynyň lukmany, Türkmenistanyň Mejlisiniň deputaty Ýusup Annaýew, TKA-nyň Şatlyk şäher birleşmesiniň başlygy Gurbanmuhammet Babaýew, welaýat prokurorynyň uly kömekçisi, 1-nji derejeli ýurist Maýsa Kurbanowa, welaýatyň polisiýa müdirliginiň uly gözegçisi, polisiýanyň maýory Serdar Derýaýew, welaýat adalat bölüminiň baş maslahatçysy Şemşat Meredowa we beýlekiler çykyş etdiler. Olar hormatly Prezidentimiziň baştutanlygynda sagdyn jemgyýetiň berkararlygyny üpjün etmek maksady bilen alnyp barylýan işler barada giňişleýin gürrüň etdiler. Ýaramaz endiklere garşy göreşmekde, jenaýatçylygyň öňüni almakda durmuşa geçirilýän işler we öňde durýan wezipeler dogrusynda täsirli gürrüň berdiler.  Duşuşyga gatnaşanlar Gahryman Arkadagymyzyň, Arkadagly Gahryman Serdarymyzyň janlarynyň sag, belent başlarynyň aman bolmagyny arzuw etdiler. Baýram AMANOW.

Türkmen halkynyň Milli Lideri Gahryman Arkadagymyzyň ýiti zehininden, jöwher paýhasyndan dörän “Türkmenistan – parahatçylygyň we ynanyşmagyň Watany” atly ajaýyp goşgusynyň esasynda 2025-nji ýyl “Halkara parahatçylyk we ynanyşmak ýyly” diýlip yglan edildi. Şu ýylyň  şanly şygaryna bagyşlanylyp Mary welaýatynda hem dürli dabaraly çäreler giňden ýaýbaňlandyrylýar. Mary welaýat kitaphanasynda Türkmenistanyň Magtymguly adyndaky Ýaşlar guramasynyň Mary welaýat, Baýramaly şäher, Mary we Baýramaly, Garagum etrap geňeşleriniň, Mary welaýat kitaphanasynyň, S.A. Nyýazow adyndaky Mary lukmançylyk orta okuw mekdebiniň hem-de Türkmenistanyň Döwlet energetika institutynyň bilelikde guramagynda “Parahatçylyk, ynanyşmak – ýürek nurumyz” atly söhbetdeşlik duşuşygy geçirildi. Duşuşyga TMÝG-niň welaýat, şäher, etrap geňeşleriniň işjeň agzalary, welaýatyň jemgyýetçilik guramalarynyň wekilleri we talyp ýaşlar gatnaşdylar. Maslahatyň dowamynda hormatly Prezidentimiziň parasatly ýolbaşçylygynda Garaşsyz, baky Bitarap ýurdumyzda gazanylýan ösüşler dogrusynda täsirli gürrüň edildi. Şeýle hem bu ýerde çykyş edenler ýurdumyzda her ýylyň döwrebap atlandyrylmagynyň halkymyzyň abadançylygyny, raýatlarymyzyň watançylyk buýsanjyny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny has-da artdyrýandygy, ýylyň dowamynda alnyp barylýan işleriň şol şygaryň mazmuny bilen bir bitewi sazlaşygy emele  getirýändigi barada nygtadylar.

Bilşimiz ýaly, awgust aýynyň 4—8-i aralygynda «Awaza» milli syýahatçylyk zolagynda BMG-niň Deňze çykalgasy bolmadyk ösüp barýan ýurtlar boýunça üçünji maslahatyny we ugurdaş çäreleri guramaçylykly hem-de ýokary derejede geçirmek barada Karara gol çekilmegi mynasybetli welaýat kitaphanasynyň mejlisler zalynda welaýat häkimliginiň, TDP-niň, TAP-nyň welaýat komitetleriniň, TKA-nyň welaýat birleşmesiniň, TZB-niň welaýat bölüminiň, TMÝG-niň welaýat geňeşiniň, welaýat medeniýet müdirliginiň bilelikde guramagynda «Türkmenistan — Birleşen Milletler Guramasy: giň gerimli özgertmeler we beýik başlangyçlar» atly maslahat geçirildi. Maslahata Türkmenistanyň Mejlisiniň deputatlary, welaýat halk maslahatynyň agzalary, syýasy partiýalaryň we jemgyýetçilik guramalarynyň işgärleri, bilim we saglygy goraýyş ulgamlarynyň işgärleri, talyp ýaşlar gatnaşdylar.  Maslahatda welaýat häkiminiň orunbasary, TZB-niň welaýat bölüminiň başlygy Çemen Akyýewa, TMÝG-niň welaýat geňeşiniň başlygy, Türkmenistanyň Mejlisiniň deputaty Maksat Janmyradow, TDEI-niň mugallymy, Türkmenistanyň Mejlisiniň deputaty Merdan Orazmeredow, TAP-nyň welaýat komitetiniň bölüm müdiri Güljemal Nazarowa çykyş etdiler. Çykyş edenler «Awaza» milli syýahatçylyk zolagynda BMG-niň Deňze çykalgasy bolmadyk ösüp barýan ýurtlar boýunça üçünji maslahatynyň we ugurdaş çäreleriň geçirilmeginiň ähmiýetlidigi, bu halkara forumynyň geçirilmeginiň ýurtlaryň ykdysady, ulag we logistika ugurlarynyň ösmegine täsir etjekdigi dogrusynda täsirli gürrüň etdiler.  Aýparça AKYMOWA.

Ýakynda Tagtabazar etrap häkimliginiň, etrabyň polisiýa bölüminiň, etrap kazyýetiniň gurnamagynda etrap kazyýetiniň mejlisler zalynda möhletde duran hem-de edara-kärhanalarda zähmet çekýän raýatlaryň gatnaşmaklarynda wagyz-nesihat duşuşygy geçirildi. Duşuşykda TMÝG-niň etrap geňeşiniň hünärmeni Täzegül Muhammetöwezowa, etrap kazyýetiniň uly kazyýet ýerine ýetirijisi Toýly Geldiýew, etrap bilim bölüminiň müdiri Bagtyýar Nurmämmedow, etrabyň polisiýa bölüminiň ýerli wekili, polisiýanyň podpolkownigi Aga Hojagulyýew çykyş etdiler. Çykyş edenler raýatlaryň arasynda ýüze çykýan nogsanlyklaryň öňüni almak, şeýle-de, tertip-düzgünleri berjaý etmek, kabul edilýän kanulary ýerine ýetirmek barada gyzykly gürrüň etdiler.    Wepa ŞARIPOW.

Golaýda TKA-nyň welaýat birleşmesiniň ýygnaklar jaýynda ýokardaky at bilen wagyz-nesihat çäresi geçirildi. Ony TDP-niň welaýat komiteti, TKA-nyň welaýat birleşmesi, welaýat prokuraturasy, welaýat adalat bölümi, welaýatyň polisiýa müdirligi bilelikde guradylar. Çärä ýokarda atlary agzalan guramalaryň we hukuk goraýjy edaralarynyň işgärleri gatnaşdylar. Duşuşykda welaýat köpugurly hassahanasynyň lukmany, Türkmenistanyň Mejlisiniň deputaty Ýusup Annaýew, TKA-nyň Şatlyk şäher birleşmesiniň başlygy Gurbanmuhammet Babaýew, welaýat prokurorynyň uly kömekçisi, 1-nji derejeli ýurist Maýsa Kurbanowa, welaýatyň polisiýa müdirliginiň uly gözegçisi, polisiýanyň maýory Serdar Derýaýew, welaýat adalat bölüminiň baş maslahatçysy Şemşat Meredowa we beýlekiler çykyş etdiler. Olar hormatly Prezidentimiziň baştutanlygynda sagdyn jemgyýetiň berkararlygyny üpjün etmek maksady bilen alnyp barylýan işler barada giňişleýin gürrüň etdiler. Ýaramaz endiklere garşy göreşmekde, jenaýatçylygyň öňüni almakda durmuşa geçirilýän işler we öňde durýan wezipeler dogrusynda täsirli gürrüň berdiler.  Duşuşyga gatnaşanlar Gahryman Arkadagymyzyň, Arkadagly Gahryman Serdarymyzyň janlarynyň sag, belent başlarynyň aman bolmagyny arzuw etdiler. Baýram AMANOW.

Türkmenistanyň Magtymguly adyndaky Ýaşlar guramasynyň Mary welaýat geňeşiniň, Mary welaýat kitaphanasynyň bilelikde gurnamaklarynda tegelek stoluň başynda söhbetdeşlik geçirildi. Mary welaýat kitaphanasynda geçirlen bu söhbetdeşlige Türkmenistanyň Mejlisiniň deputatlary, welaýatyň habar beriş serişdeleriniň wekilleri, Ýaşlar guramasynyň welaýat, etrap, şäher geňeşleriniň işgärleri we kitaphanaçylar gatnaşdy. Bu ýerde ,,Halkara parahatçylyk we ynanyşmak” ýylynyň şanly wakalary we şu ýylyň awgust aýynda Awazada geçiriljek BMG-nyň deňze çykalgasy bolmadyk ösüp barýan ýurtlar boýunça 3-nji halkara maslahatyna hem-de ýurt Bitaraplygymyzyň şanly 30 ýyllyk baýramyna görülýän taýýarlyk işleri bilen bagly gyzykly söhbetler edildi. Söhbetdeşlige gatnaşanlar parahat ýurdumyzda erkana ýaşaýşy üpjün edýän türkmen halkynyň milli Lideri Gahryman Arkadagymyza we Hormatly Prezidentimiz, Arkadagly Gahryman Serdarymyza alkyş sözlerini aýtdylar. 

Ýakynda Türkmenistanyň Magtymguly adyndaky Ýaşlar guramasynyň Mary welaýat Geňeşiniň guramagynda Mary welaýat tele radio studiýasynda tegelek stoluň başynda söhbetdeşlik geçirildi. Halkara parahatçylyk we ynanyşmak ýylynda gazanylýan üstünlikleri, Gahryman Arkadagymyzyň, Arkadagly Gahryman Serdarymyzyň beýik başlangyçlaryny halk köpçüligine ýetirmek maksady bilen geçirilen söhbetdeşlige Türkmenistanyň Mejlisiniň deputatlary gatnaşdylar. Söhbetdeşlikde Türkmenistanyň Mejlisiniň deputatlary çykyş edip, olar öz çykyşlarynda dürli ulgamlarda alnyp barylýan işler dogrusynda nygtap geçdiler. Has takygy, çykyş edenler Türkmenistanyň Mejlisiniň ýedinji çagyryşynyň dokuzynjy maslahatynda garalan meseleler, şol sanda ýurdumyzyň kanunçylygyny kämilleşdirmek ugrunda alnyp barylýan işler dogrusynda giňişleýin bellediler. Şeýle-de hemişelik Bitaraplygymyzyň 30 ýyllygynyň baýramyna, ýakyn günlerde “Awaza” milli syýahatçylyk zolagynda geçiriljek halkara maslahatyna görülýän taýýarlyk işleri hakynda aýdyldy. Bu taryhy senelerde ara alnyp maslahatlaşyljak möhüm meseleleriň geljekde döwletleriň arasyndaky işjeň gatnaşyklary has-da pugtalandyrjakdygy barada aýdylan täsirli gürrüňler söhbetdeşligiň içinden eriş-argaç bolup geçdi. Söhbetdeşlikde aýdylan her bir gymmatly maglumatlaryň ýurdumyzyň ösüşi babatynda uly ähmiýete eýedigini äşgär etdi. Täsirli bolan söhbetdeşligiň ahyrynda oňa gatnaşyp, çykyş edenler ýurdumyzyň ähli ulgamlarda uly ösüşlere eýe bolmagynda, milli kanunçylygymyzy has-da kämilleşdirmekde taýsyz tagallalary edýän Gahryman Arkadagymyza, Arkadagly Gahryman Serdarymyza çäksiz sagbolsunlaryny aýdyp, Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, beýik başlangyçlarynyň hemişe rowaçlyklara beslenmegini arzuwladylar. Maksat JANMYRADOW.

Berkarar döwletiň täze eýýamynyň Galkynyşy döwründe hormatly Prezidentimiziň başda durmagynda ýurdumyzyň halkara abraýy barha ýokarlanýar. Türkmen halkynyň Milli Lideri Gahryman Arkadagymyzyň beýik başlangyçlaryny mynasyp dowam edýän Arkadagly Gahryman Serdarymyzyň alyp barýan parasatly içeri hem daşary syýasatynyň netijesinde dünýä döwletleri bilen ykdysady hyzmatdaşlyk,   dost-doganlyk gatnaşyklary ýola goýulýar.  Ýadymyzda bolsa, 2025-nji ýylyň 11-nji aprelinde BMG-niň Baş Assambleýasynyň 79-njy sessiýasynyň 63-nji plenar mejlisinde «BMG-niň deňze çykalgasy bolmadyk ösüp barýan döwletler boýunça üçünji maslahatyny geçirmegiň tertibine goşmaça maglumat» atly Kararnamanyň biragyzdan kabul edilmegi ýurdumyzyň öňe sürýän başlangyçlarynyň dünýä bileleşigi tarapyndan ykrar edilýändiginiň we olaryň halkara giňişliginde uly ähmiýete eýediginiň nobatdaky beýanyna öwrüldi. Şunuň bilen baglylykda, üstümizdäki ýylyň awgust aýynda “Awaza” milli syýahatçylyk zolagynda BMG-niň Deňze çykalgasy bolmadyk ösüp barýan döwletler boýunça üçünji halkara maslahatynyň geçirilmeginiň meýilleşdirilmegi ýokarda agzanlarymyza doly şaýatlyk edýär. Bu maslahatyň esasy maksady hem deňze çykalgasy bolmadyk ösüp barýan ýurtlaryň ykdysady mümkinçiliklerini artdyrmak, ulag we logistika ulgamlaryny, sebitara we halkara söwda gatnaşyklaryny ösdürmekden hem-de şol ýurtlaryň dünýä ykdysadyýetine doly derejede goşulyşmagyna ýardam bermekden ybarat bolup durýar. Şeýle hem maslahatda ulag geçelgeleri, serhetüsti söwda, energiýa üpjünçiligi, azyk howpsuzlygy, sanly ykdysadyýet we howanyň üýtgemegi ýaly, möhüm meseleler ara alnyp maslahatlaşylar. Forumyň çäklerinde syýasy-diplomatik, söwda-ykdysady, medeni-ynsanperwer ugurly köp sanly çäreleriň guralmagy hem göz öňünde tutulýar.  Halkara maslahatynyň Türkmenistan döwletimizde guralýandygy bilen baglylykda, şol döwürde Merkezi Aziýanyň her bir ýurdunyň “Awazada” öz milli gününi geçirip, özboluşly medeniýetini, sungatyny, milli tagamlaryny görkezmegi hem göz öňünde tutulýar. Bu halkara çäre Türkmenistanyň diňe bir sebitara hyzmatdaşlykda däl, eýsem, dünýä derejesindäki möhüm meseleleriň çözgüdinde hem işjeň hyzmatdaşlygyny görkezýär. Maksat JANMYRADOW.

Berkarar döwletiň täze eýýamynyň Galkynyşy döwrüniň ösüşlere beslenýän Halkara parahatçylyk we ynanyşmak ýylynda bolup geçýän özgertmeler döwlet durmuşynyň ähli ugurlarynyň täze döwrüň talabyna laýyk kämilleşdirilmegini şertlendirýär. Türkmenistanyň kanunçylyk binýadyny halkara kadalaryna laýyk getirmek we ýurdumyzyň ösüşlerini, ykdysady kuwwatyny kämil kanun esasynda berkitmek Arkadagly Gahryman Serdarymyzyň döwlet syýasatynyň esasy ugurlarynyň biri bolmagynda galýar. Hormatly Prezidentimiziň bu babatda öňde goýýan wezipelerinden ugur alnyp, Türkmenistanyň Mejlisiniň ýedinji çagyrylyşynyň şu ýylyň 28-nji iýunynda geçirilen dokuzynjy maslahatynda dürli ugurlara degişli kanunlary kämilleşdirmek boýunça birnäçe kanun taslamalary ara alnyp maslahatlaşyldy we kabul edildi. Maslahatda deputatlar ilki bilen «Türkmenistanyň Raýat kodeksiniň täze beýanyny tassyklamak we herekete girizmek hakynda» Türkmenistanyň Kanunynyň taslamasyny ara alyp maslahatlaşdylar. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň, Arkadagly Gahryman Serdarymyzyň durmuşa geçirýän ynsanperwer syýasatyna laýyklykda amala aşyrylýan haýyr-sahawat işiniň kämil hukuk binýadyny emele getirmek maksady bilen, Raýat kodeksine haýyr-sahawat işi bilen baglanyşykly gatnaşyklary kadalaşdyrýan babyň we başga-da birnäçe üýtgetmeleriň girizilmegi aýratyn bellenilmäge mynasypdyr. Kodeksde ulanylýan adalgalara milli kanunçylygymyzyň tejribesine laýyklykda düşünjeler berildi we olaryň mazmuny doly açylyp görkezildi. Şonuň ýaly-da, Kodeksiň bölümleriniň we baplarynyň belgileri, maddalarynyň gurluşy «Hukuk namalary hakynda» Türkmenistanyň Kanunyna laýyklykda görkezildi hem-de Kodeksiň hereket edýän kadalary Türkmenistanyň Konstitusiýasy hereket edýän kanunlar bilen sazlaşykda döwrebaplaşdyryldy. Şeýle hem maslahatda başga-da birnäçe kanun taslamalaryna garaldy we kabul edildi. Türkmenistanda amal edilýän her bir iş döwletimiziň has-da kuwwatlanmagyna, halkymyzyň bagtyýar durmuşda ýaşamagyna gönükdirilendir. Bu işleriň özeninde bolsa, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň, Arkadagly Gahryman Serdarymyzyň mähriban halkymyza, eziz Watanymyza bolan çäksiz söýgüsi durandyr. Garaşsyz, hemişelik Bitarap Türkmenistan döwletimizde milli kanunçylygymyzy kämilleşdirmekde giň mümkinçilikleri we şertleri döredip berýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny, dünýä ähmiýetli alyp barýan işleriniň rowaç almagyny arzuw edýäris.   Orazdurdy ABDYÝEW.

Golaýda “Mary” myhmanhanasynyň mejlisler zalynda Türkmenistanyň Demokratik partiýasynyň welaýat, Mary şäher, Mary, Wekilbazar, Murgap etrap komitetleriniň bilelikde guramagynda “Ýaşasyn parahat durmuş!” atly maslahat geçirildi. Oňa welaýat, şäher, etrap halk maslahatlarynyň agzalary, TDP-niň welaýat, Mary şäher, Mary, Wekilbazar, Murgap etrap komitetleriniň işgärleri we işjeň agzalary gatnaşdylar. Maslahaty TDP-niň welaýat komitetiniň guramaçylyk we syýasy işler bölüminiň müdiri Myrat Ataýew açdy we alyp bardy. Maslahatda TDP-niň Mary şäher komitetiniň başlygy Hekimberdi Orazberdiýew, TDP-niň Wekilbazar etrap komitetiniň başlygy Tawus Gylyjowa, TDP-niň Ýolöten etrap komitetiniň partiýa guramaçysy Şasenem Röwşenowa, welaýat taryhy we ülkäni öwreniş muzeýiniň Murgap etrap şahamçasynyň ýolbaşçysy, TKA-nyň işjeň agzasy Sytdyh Rahmanow, Mary etrabyndaky 8-nji orta mekdebiň mugallymy, TDP-niň welaýat komitetiniň ýanyndaky wagyz-nesihat toparynyň agzasy Muhammetmyrat Allakulyýew, Mary şäheriniň merkezi şäher kitaphanasynyň kitaphanaçysy, TDP-niň welaýat komitetiniň ýanyndaky wagyz-nesihat toparynyň agzasy Maral Gulowa çykyş etdiler. Olar çykyşlarynda Garaşsyz, Bitarap Türkmenistan döwletimizde halkymyzyň asuda, abadan durmuşda bolelin ýaşamagy üçin döredilip berilýän mümkinçilikler barada giňişleýin gürrüň etdiler. Şeýle hem gözel Diýarymyzda hemişelik Bitaraplygymyzyň 30 ýyllygynyň baýramyny dabaraly bellemäge görülýän taýýarlyk dogrusynda nygtadylar. Maslahatyň ahyrynda bagtyýar türkmen halkyny nurana geljege alyp barýan Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, tutýan tutumly işleriniň rowaç bolmagy arzuw edildi. Şemşat SAÝLYÝEWA.

Bahar paslynyň ajaýyp gözelligi

Fotoreportaj: Futbol boýunça Türkmenistanyñ çempionaty 12-nji tapgyr Altyn Asyr - Merw

Fotoreportaj: Futbol boýunça Türkmenistanyñ çempionaty Merw 1-1 Altyn Asyr

Fotoreportaž: Mary welaýaty: Çagalary goramagyň halkara güni mynasybetli geçirilen dabaralardan pursatlar

Fotoreportaž: Mary welaýatynda Bütindünýä welosiped güni bellenilip geçildi.

Fotoreportaž: Mary welaýaty: Türkmenistanyň ÝUNESKO agzalygyna kabul edilmeginiň 30 ýyllygyna bagyşlanan dabaralardan pursatlar.

Fotoreportaj: DÇ-2026 saýlama tapgyry Türkmenistan 0-1 Eýran yslam respublikasy

Fotoreportaj: Mary şäheriniň Çagalar çeperçilik mekdebiniň okuwçylarynyň işleri