Berkarar döwletiň täze eýýamynyň Galkynyşy döwründe döwletimizde azyk önümleriniň bolçulygynyň ygtybarly üpjün edilmegine ýurdumyzyň kiçi hem-de orta telekeçilik ulgamynyň işewür telekeçileri saldamly goşantlaryny goşýarlar.Mary welaýatynyň etraplarynda hem-de şäherlerinde hereket edýän telekeçilik kärhanalarynyň hem ençesi azyk önümçiligini özüniň esasy iş ugry edinip,içerki bazarda ornuny tapmak üçin dürli görnüşli, bäsleşige ukyply,ýokary hilli azyk önümlerini öndürýärler.Welaýatyň Wekilbazar etrabynyň  Goňur geňeşliginiň çäginde  ýerleşýän “Derwüş” et we şöhlat önümlerini öndürýän hususy kärhana hem şolaryň biridir. Kärhananyň önümçiligine Germaniýanyň önüm öndürijileriniň eti gaýtadan işlemekde ýokary tehnologiýaly enjamlary ornaşdyrlypdyr.Bu ýerdäki önümçilik toplumy eti üweýän,garýan,taýýar garyndyny gaplaýjy, bişiriji döwrebap enjamlardan ybarat. Kärhananyň önümçiligi üçin gerekli çig mal-et önümi ak bazarlardan iki tarapa-da bähbitli esasda satyn alynýar.Elbetde,kärhananyň önümçiliginiň ýola goýulmagy bilen bu ýerde ýaşlaryň ençemesine täze iş orunlarynyň dörändigini aýtmak has-da ýakymly.Häzir kärhanada et hem-de şöhlat önümleriniň edi görnüşi işlenilip çykarylýar.Harytlyk görnüşi hem hili ýokary bolan gaýnadylyp sowadylan, kakadylan nem-de “Päkize”, “Bahry”, “Murgap”, “Şamçyrag” we towuk etinden taýýarlanylýan “Laçyn” atly şöhlat önümlerine alyjylar tarapyndan köp isleg bildirilýär. Häzir kärhananyň önümleri etrabyň,Mary şäheriniň söwda nokatlary arkaly elýeterli nyrhlardan alyjylara ýetirilýär. Enjamlar toplumynyň taslama kuwwatlylygy boýunça her günde bir tonna eti gaýtadan işlemeklige mümkinçiligi  bar.Kärhananyň işgärleri geljekde et we şöhlat önümleriniň önümçiligini ene-de giňeltmekligi meýilleşdirýärler.Kärhananyň özlerine önüm öndürmäge döretýän şertleri üçin türkmen halkynyň Milli Lideri,Gahryman Arkadagymyza,Hormatly Prezidentimiz,Arkadagly Gahryman Serdarymyza alkyş hem hoşallyk sözlerini aýdýarlar.

 Berkarar döwletiň täze eýýamynyň Galkynyşy döwründe ýurdymyzda telekeçilik işi mynasyp oruny eýelemek bilen ynamly öňe barýar. Ykdysady ösüşe we durmuş taýdan kämilleşmäge ýardam edýän bazar ykdysadyýetiniň möhüm bölegi hökmünde kiçi we orta telekeçiligi ösdürmeklige uly üns berilýär hem-de döwlet tarapyndan gollanýar. Bu bolsa bazarlary halkyň sarp edýän köp görnüşli harytlary bilen üpjün etmäge esas bolup durýar. Mary welaýatynyň Ýolöten şäherinde ýerleşýän “Ýedi ýyldyz” haryt nyşanly tikinçilik kärhanasynyň öndürýän döwrebap egin-eşikleri hem ak bazarlarymyzda haryt bolçulygynyň emele gelmegine goşant goşýar. Hormatly Prezidentimiziň taýsyz tagallalary bilen telekeçiligi ösdürmek boýunça alnyp barylýan giň möçberli işler döwlet syýasatynyň ileri tutulýan ugurlarynyň biri bolup durýar. Ýurdymyzda telekeçilik işlerini giňden ýaýbaňlandyrmak we bu ulgamy ösdürmek boýunça üstünlikli amala aşyrylýan işlerden ruhlanyp tutanýerli zähmet çekýän Mary welaýatnyň Ýolöten şäherinde ýerleşýän “Ýedi ýyldyz” haryt nyşanly tikinçilik kärhanasynda döwrebap egin-eşikleri öndürmek işleri guramaçylykly alnyp barylýar. Janamita, Awrora  ýaly birnäçe dünýäniň ösen döwletleriniň belli kompaniýalarynyň hususanda Hytaý halk respublikasynyň ýokary hilli tikinçilik enjamlary bilen üpjün edilen bu kärhanada enjamlaryň dört we bäş sapakly görnüşleri, etekleri gasyjy, şekil basyjy, nagyşlaýjy hem-de bezeg gaşlaryny ýerine ýetiriji enjamlary sazlaşykly işledilýär. Kärhananyň ussat çeper elli tikinçileri tarapyndan dünýä ülňülerine laýyk gelýän çagalar, ýetginjekler hem-de uly ýaşlylara niýetlenen egin-eşikleriň 33 görnüşini biçilip, tikinçilik bölüminde bolsa taýýar edilen önümler “Ýedi ýyldyz” haryt nyşany bilen satyşa taýýar edilip söwda nokatlaryna ugradylýar. Halkymyzyň ösen isleglerini döwrebap egin-eşikleri öndürmek bilen kanagatlandyrýan  bu kärhanada häzirki wagta kärhanada 1 ýaş we mekdebe çenli çagalar üçin  egin-eşikleri hem-de ýetginjek gyzlar we oglanlar üçin niýetlenen sport geýimleri öndürilýär. Öndürijilik kuwwaty ýokary bolan bu kärhanada hepdede matalaryň 5 müň metri işlenip önüm öndürmekde ýokary netijeler gazanylýar. Kärhanada gelin-gyzlaryň 50-si zähmet çekip, bu zähmetsöýer tikinçiler gelejekde hem önüm öndürmekde aýda 40 müň metr matany işläp ýokary netijeler görkezmekligi özlerine maksat edinýärler. Kärhanalaryň işçileri telekeçilik işlerine uly goldaw berýän türkmen halkynyň milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza alkyş hem hoşallyk sözlerini aýdýarlar.  

Sport sagdyn durmuşyň gözbaşy bolup, ol  ýaşlaryň berk bedenli, ruhubelent bolmaklaryna ýardam edýär. Mekdebimizde tejribeli tälimçileriň ýolbaşçylygynda türgenleriň onlarçasy ukyp-başarnyklaryny ýokarlandyrýarlar. Sport mekdebimizde agyr atletika, ýeňil atletika, woleýbol, futbol, stoluň üstünde oýnalýan tennis, grek-rim göreşi, kýokuşinkaý karate, küşt boýunça türgenleşmäge mümkinçilikler bar. Türgenlerimiziň dürli ýaryşlarda gazanýan üstünliklerem bizi guwandyrýar.  Golaýda etrabymyzdaky 1-nji we 2-nji sport mekdepleriniň agyr atletikaçylarynyň arasynda ýaryş geçirildi. Bu bäsleşigiň maksady öňde durýan has jogapkärli ýaryşlara taýýarlyk görmekden ybarat boldy. Bäsleşik agyr atletikaçylaryň oňa kemsiz taýýarlykly gelendiklerine şaýatlyk etdi. Örän çekeleşikli geçen bäsleşik etrabymyzyň agyr atletikaçylarynyň ýeňiji bolmaga mynasypdyklaryny äşgär etdi. Muňa garamazdan, eminleriň gelen kararyna laýyklykda 2-nji sport mekdebiniň agyr atletikaçylary ýeňiş gazandylar. Nagmatmyrat GARAÝEW.

Golaýda etrabymyzdaky 23-nji orta mekdepde wagyz-nesihat çäresi geçirildi. Bu çäräni etrap häkimligi, etrabyň hukuk goraýjy edaralary, TDP-niň etrap komiteti, TAP-nyň etrap komiteti, TMÝG-niň etrap geňeşi, TKA-nyň etrap birleşmesi bilelikde guradylar. Oňa ýokarda atlary agzalan syýasy  partiýalaryň, jemgyýetçilik guramalarynyň we edaralaryň wekilleri, etrabyň bilim bölüminiň hünärmenleri, orta mekdepleriň müdirleri we mugallymlary gatnaşdylar.  Çärede etrap bilim bölüminiň müdiri Guwanç Akmyradow, etrap prokurorynyň uly kömekçisi, 1-nji derejeli ýurist Berdimuhammet Gammarow, etrabyň polisiýa bölüminiň KÝÝIBB-niň müdiri, polisiýanyň maýory Arslan Jepbarow, TMÝG-niň etrap geňeşiniň başlygy Sülgün Agajanowa çykyş etdiler. Olar hormatly Prezidentimiziň ynsanperwer halkara başlangyçlary, ýurdumyzda dürli ulgamlarda amala aşyrylýan beýik özgertmeler dogrusynda durup geçdiler. Zyýanly endiklere, ýaramaz nogsanlyklara garşy barlyşyksyz göreş, jenaýatçylygyň öňüni almak meselelerine hormatly Prezidentimiziň öz halky barada edýän atalyk aladasyna jogap edip, her raýatyň öz wezipesinde halal işläp, halal ýaşamalydygyna ünsi çekdiler. Ogulbagt AMANMYRADOWA.

Islendik ekiniň öz-özünden bolman, oňa yhlasyň, irginsiz aladanyň gerek bolýandygyna oňat düşünýän kärendeçiler ekin meýdanynda otag, hatarara bejergi, iýmitlendiriş işlerini utgaşykly alyp barýarlar. Olar şu günlerde bolsa, gowaçalaryň ujuny çyrpmak işi bilen meşgul bolýarlar. Jemgyýetçilik guramalary tarapyndan hem tutanýerli zähmet çekýän kärendeçileriň “armalary” ýetirilýär.  Golaýda TDP-niň Murgap etrap komitetiniň işgärleri etrabyň daýhan birleşiklerinde kärendeçileriň arasynda boldular. Olaryň armasyny ýetirip, öňdebaryjy kärendeçilere ýadygärlik sowgatlaryny gowşurdylar. Etrabyň “Watan” daýhan birleşiginden kärendeçilerden we olaryň kömekçilerinden Selbi Omarowa, Aýjemal Hekimowa, Zyýada Saparmyradowa, Laçyn Muhammedowa, Gülnur Ataýewa sowgada mynasyp boldular. *** Şeýle sowgat gowşurylyş çäresi Mary etrabynyň gowaçaly meýdanlarynda hem bolup geçdi. Hasyl ussatlaryny işe has-da höweslendirmek maksady bilen TDP-niň etrap komitetiniň işgärleri hem pagtaçy kärendeçilere höweslendiriji sowgatlary gowşurdylar.  Bol hasyl ugrunda aladalanýan pagtaçy kärendeçiler işlemek, çekýän zähmetiň hözirini görmek üçin ähli mümkinçilikleri döredip berýän hormatly Prezidentimize alkyşly sözlerini aýtdylar.  Durdynabat BAÝRAMOWA.

Hormatly Prezidentimiziň bagçylyk pudagyny ösdürmek baradaky aladalaryna mynasyp işler bilen jogap berýän Mary welaýatynyň ussat bagbanlary bereketli topraga yhlas siňdirip, miweli baglaryň ýokary hasyl berýän görnüşlerini ýetişdirmekde baý iş tejribe toplaýarlar. Ylmyň ygtybarly tejribelerini bagçylyk pudagyna ornaşdyrmak arkaly zähmet çekýän Mary welaýatyň Wekilbazar etrabynyň  ussat bagbanlary   hem şu günler baglaryň datly miwelerini ýygnamak işlerini guramaçylykly alyp barýarlar.  Ýurdumyzda babadaýhanlaryň gujur – gaýratly zähmet çekmekleri barada döredilýän amatly şertleriň netijesinde Mary welaýatynda bölnüp berlen ýer böleklerinde miweli baglaryň dürli görnüşlerini ýetişdirmek bilen meşgullanýan ussat bagbanlaryň sany barha artýar. Hormatly Prezidentimiziň bagçylyk pudagynda amala aşyrýan özgertmeleri, daýhanlara ähli babatda berýän kömekdir goldawlary miweli baglary ýetişdirýän bagbanlaryň zähmete bolan höwesini has-da artdyrýar. Netijede ýerlerde güneşe baý topragymyzda ýetişýän we datly miweleri eçilýän gür bagly meýdanlar emele gelýär. Idegi birkemsiz ýetirilýän baglaryň şahalarynda düzüm – düzüm bolup gözüňi dokundyrýan dürli görnüşli, baldan datly miweler bagbanlaryň çekýän zähmetlerini ýerine düşýändiginden habar berýär. Ata – babalarymyzyň daýhançylyk tejribelerini, ylmyň gazanan täzeçe usullaryny bagçylyk pudagyna ornaşdyrýan Mary welaýatynyň Wekilbazar etrabynyň Mülkbükri geňeşliginiň bagbanlary hem bölünip berlen ýer böleklerinde miwe berýän baglaryň köp sanly görnüşlerini ýetişdirmekde nusga alarlyk işler bitirýärler. Ýurdumyzda miwe önümleriniň bolçulygyny döretmäge mynasyp goşant goşýan ussat bagbanlar şu günler aralyk ýetişýän miwe bolan şetdalynyň hasylyny ýygnamak işlerini guramaçylykly alyp barýarlar. Düzüminde ynsan saglygy üçin birnäçe witaminleri özünde jemleýän şetdalyny terligi bilen ýygnap, ak bazarlarymyzyň üsti bilen ilatymyza ýetirmek ussat bagbanlarynyň esasy baş maksady bolup durýar. Baglaryň şahalaryndaky gözüňi dokundyrýan bol miweler bagbanlaryň çekýän halal we päk zähmetleri bilen kemala getirilýär. Ussat bagbanlaryň ideg edýän bagçylyk pudagynda şetdalydan başga-da irki ýetişýän erigiň, üljäniň, hurmanyň, garalynyň, saralynyň we giçki ýetişýän almanyň, aralyk ýetişýän armydyň dürli görnüşleri bar. Bu baglaryň hem ýylyň – ýylyna bol hasyl eçilýändigini ussat bagbanlar uly buýsanç bilen aýdýarlar. “Halkara parahatçylyk we ynanyşmak” ýylynda datly miweleri ýetişdirmekde Mary welaýatynyň bagbanlarynyň çekýän bu gujur – gaýratly zähmetleri ýurdumyzda halkymyzy miwe önümleri bilen üpjün etmekde amala aşyrylýan belent maksatly işlere goşýan mynasyp goşantlarydyr. Öz söýgüli kärlerinden rysgal – döwlet tapýan bagbanlar ýurdumyzy gür baglyga öwürmek, azyk bolçulygyny üpjün etmek barada amala aşyrýan döwletli işleri üçin türkmen halkynyň Milli Lideri Gahryman Arkadagymyza we Hormatly Prezidentimiz Arkadagly Gahryman Serdarymyza alkyş sözlerini aýdýarlar.

Hormatly Prezidentimiziň türkmen telekeçilerine berýän kömekdir goldawlaryndan ruhlanyp zähmet çekýän ýurdumyzyň işewür telekeçileri giň gerimde ýaýbaňlanýan özgertmeler maksatnamasynyň durmuşa geçirilmegine işjeň goşulmak bilen hususy ulgamda maksada okgunly we netijeli işleri amala aşyrýarlar. Mary şäheriniň Günorta aýlaw ýolunyň ugrunda ýerleşýän, Türkmenistanyň Senagatçylar we telekeçiler birleşmesiniň agzasy bolan “Täjir ýoly” hususy kärhanasynyň awtoulaglaryň ýag süzgüçlerini öndürýän önümçilik kärhanasynda hem ýeňil we ýük awtoulaglaryna, oba hojalyk hem-de gurluşyk tehnikalaryna zerur bolan dürli görnüşli ýag, ýangyç, howa  süzgüçlerini öndürmek işleri talabalaýyk ýola goýulýar. Hormatly Prezidentimiziň ýurdumyzyň telekeçilik ulgamyny ösdürmek barada edýän bimöçber aladalary hem-de telekeçilik işi bilen meşgullanýan adamlara döwlet tarapyndan berilýän ýeňillikler we döredilýän giň mümkinçilikler işewür telekeçileriň halkymyza zerur bolan önümleri öndürmekdäki iş depginleriniň ýokarlanmagyna uly ýardam berýär. Hususy ulgamyň önümçilik kuwwatynyň ýokarlanmagy netijesinde ýurdumyza daşary döwletlerden getirilýän harytlaryň ornuny tutýan önümleriň möçberleri barha artýar. Mary şäheriniň Günorta aýlaw ýolunyň ugrunda ýerleşýän, Türkmenistanyň Senagatçylar we telekeçiler birleşmesiniň agzasy bolan “Täjir ýoly” hususy kärhanasynyň dürli görnüşli awtoulaglaryň ýag, ýangyç, howa  süzgüçlerini öndürýän önümçilik kärhanasynda hem ýurdumyzyň ulag we oba hojalyk pudaklary üçin gerekli bolan ýag süzgüçlerini öndürmek işleri guramaçylykly alnyp barylýar. Hususy kärhananyň önümçilik pudagy kämil daşary ýurt tehnologiýaly enjamlar bilen üpjün edilip, bu ýerde ýokary hilli harytlary öndürmek işleri ýola goýulýar. Kompýuter ulgamy arkaly dolandyrylýan enjamlarda ýerli hünärmenleriň tagallasy bilen dürli görnüşli süzgüçlerini ýasamakda zerur bolan demir bölekleriniň birnäçe görnüşleri taýýarlanylýar. Bu kärhana süzgüçleri ýasamakda gerek bolan demir – metal lentalary we beýleki çig mal serişdeleri bilen ýeterlik üpjün edilipdir. Demir – metal böleklerini dürli ölçegde kesmek, olardan şekiller ýasamak, kebşirlemek ýaly çylşyrymly işler tejribeli hünärmenler tarapyndan ussatlyk bilen ýerine ýetirilýär. Önümçiligiň enjamlar toplumy arkaly ýygnalyp, taýýar görnüşe getirilen dürli ölçegli ýag we howa süzgüçlerine reňkler berlip, “Türkmenistanda öndürildi” diýen belgiler goýlup, olar ýörite gaplara gaplanylýar. Dünýä ülňülerine laýyk gelýän bu ýag, ýangyç, howa   süzgüçleri ýurdumyzyň ulag, oba hojalyk we gurluşyk pudaklary üçin iň zerur we amatly haryt hasaplanylýar. Ýokary hilli ýag we howa süzgüçleri ýeňil, ýük awtoulaglaryň oba hojalyk we gurluşyk tehnikalarynyň ýaglaryny çalyşmakda giňden ulanylyp, olaryň saz we bökdençsiz işlemegini gazanýar. Bu önümler oba hojalyk pudagyna degişli edara – kärhanalaryň şeýle-de hususy kärhanalaryň sargytlary esasynda taýýarlanylýar. Häzirki wagtda bu önümçilik ulgamynda şular ýaly “MBM” haryt nyşanly ýokary hilli süzgüçleriň her aýda uly tapgyrlary öndürilýär. Işewür telekeçiler öz öndürýän önümlerini hil gözegçiliginden geçirmek bilen olary ýurdumyzyň içerki bazarlaryna, hususy kärhananyň ýörite dükanlaryna hem-de ýag çalyşýan nokatlara ugradýarlar.Kärhananyň işçileri öz önümlerini Täjigistan, Özbegistan döwletlerine hem eksport edýärler. Hormatly Prezidentimiziň telekeçilere berýän kömekdir goldawlaryna ruhlanyp işleýän işewürler öz öndürýän ýokary hilli harytlarynyň görnüşlerini geljekde-de artdyrmagy maksat edinýärler. “Halkara parahatçylyk we ynanyşmak” ýylynyň her bir iş gününi ýokary iş netijeleri bilen jemleýän işewür telekeçiler, hususy ulgamyň ornuny ýokarlandyrmak barada edýän aladalary üçin türkmen halkynyň Milli Lideri Gahryman Arkadagymyza we Hormatly Prezidentimiz Arkadagly Gahryman Serdarymyza alkyş sözlerini aýdýarlar.

Baky Bitaraplygymyzyň 30 ýyllyk toýuna görülýän taýýarlyk işleri mynasybetli TMÝG-niň Baýramaly etrap, şäher hem-de Garagum etrap geňeşleriniň bilelikde guramagynda Baýramaly şypahanasynyň mejlisler zalynda aýdym-sazly dabaraly maslahat geçirildi.  Maslahatda TMÝG-niň Baýramaly etrap geňeşiniň başlygy Hojamyrat Akmyradow, Garagum etrap geňeşiniň başlygy Sülgün Agajanowa, Baýramaly şäher geňeşiniň sanly ulgam boýunça esasy hünärmeni Aýsona Gelmyradowa çykyş etdiler. Çykyşlarda 2025-nji ýylyň bütin dünýäde Halkara parahatçylyk we ynanyşmak ýyly diýlip yglan edilendigi, Türkmenistanyň hemişelik Bitaraplygynyň 30 ýyllygy mynasybetli çäreleri ýokary derejede geçirmek boýunça guramaçylyk döwlet toparynyň döredilendigi barada durlup geçildi. Şu ýylyň 21-nji martynda BMG-niň Baş Assambleýasynyň 79-njy sessiýasynyň 61-nji plenar mejlisinde “Türkmenistanyň hemişelik Bitaraplygy” atly Kararnamanyň üçünji gezek biragyzdan kabul edilmeginiň bolsa, Halkara parahatçylyk we ynanyşmak ýylynyň ýokary ähmiýetli taryhy wakasy bolandygy barada guwançly gürrüň edildi. Giň mazmuna beslenen maslahat medeniýet işgärleriniň Gahryman Arkadagymyza, Arkadagly Gahryman Serdarymyza adamzadyň parahat ýaşaýşy üçin edýän taýsyz tagallalaryna alkyşlaryny we hoşallyklaryny beýan edýän aýdym-sazly çykyşlary bilen utgaşdy. Ýazmyrat ANNAGURBANOW.

Golaýda etrap merkezi kitaphanasynda etrabyň jemgyýetçilik guramalarynyň wekilleriniň, etrap bilim ulgamynyň we etrabyň kitaphana işgärleriniň gatnaşmaklarynda “Kitap  akyl-paýhas hazynasydyr” atly wagyz-nesihat duşuşygy geçirildi.  Duşuşykda TDP-niň etrap komitetiniň başlygy Muhammetgylyç Nepesow, etrapdaky 8-nji orta mekdebiň mugallymy Muhammetmyrat Allakulyýew, etrap merkezi kitaphanasynyň 1-nji derejeli kitaphanaçysy Akgözel Serdarowa, etrapdaky 40-njy orta mekdebiň mugallymy Alma Agaýewa çykyş etdiler. Olar öz çykyşlarynda Gahryman Arkadagymyzyň, Arkadagly Gahryman Serdarymyzyň gymmatly kitaplarynyň baý many-mazmuny hem-de terbiýeçilik ähmiýeti barada durup geçdiler. Şeýle hem, Milli Liderimiziň, hormatly Prezidentimiziň ajaýyp eserleriniň ýaş nesillerde watançylyk duýgularyny, milli mirasa sarpany, zähmete söýgini terbiýelemekde gymmatly gollanmadygyny nygtadylar. Duşuşyga gatnaşanlar Gahryman Arkadagymyzyň, hormatly Prezidentimiziň milli medeniýetimizi, sungatymyzy döwrebap derejede ösdürmekde alyp barýan işleriniň rowaçlyklara beslenmegini arzuw etdiler. Aýgül ILMYRADOWA.

Baky Bitaraplygymyzyň 30 ýyllyk toýuna görülýän taýýarlyk işleri mynasybetli TMÝG-niň Baýramaly etrap, şäher hem-de Garagum etrap geňeşleriniň bilelikde guramagynda Baýramaly şypahanasynyň mejlisler zalynda aýdym-sazly dabaraly maslahat geçirildi.  Maslahatda TMÝG-niň Baýramaly etrap geňeşiniň başlygy Hojamyrat Akmyradow, Garagum etrap geňeşiniň başlygy Sülgün Agajanowa, Baýramaly şäher geňeşiniň sanly ulgam boýunça esasy hünärmeni Aýsona Gelmyradowa çykyş etdiler. Çykyşlarda 2025-nji ýylyň bütin dünýäde Halkara parahatçylyk we ynanyşmak ýyly diýlip yglan edilendigi, Türkmenistanyň hemişelik Bitaraplygynyň 30 ýyllygy mynasybetli çäreleri ýokary derejede geçirmek boýunça guramaçylyk döwlet toparynyň döredilendigi barada durlup geçildi. Şu ýylyň 21-nji martynda BMG-niň Baş Assambleýasynyň 79-njy sessiýasynyň 61-nji plenar mejlisinde “Türkmenistanyň hemişelik Bitaraplygy” atly Kararnamanyň üçünji gezek biragyzdan kabul edilmeginiň bolsa, Halkara parahatçylyk we ynanyşmak ýylynyň ýokary ähmiýetli taryhy wakasy bolandygy barada guwançly gürrüň edildi. Giň mazmuna beslenen maslahat medeniýet işgärleriniň Gahryman Arkadagymyza, Arkadagly Gahryman Serdarymyza adamzadyň parahat ýaşaýşy üçin edýän taýsyz tagallalaryna alkyşlaryny we hoşallyklaryny beýan edýän aýdym-sazly çykyşlary bilen utgaşdy. Ýazmyrat ANNAGURBANOW.

Ýakynda etrap häkimliginiň, TDP-niň etrap komitetiniň, TMÝG-niň etrap geňeşiniň, etrap medeniýet öýüniň, etrap bilim bölüminiň bilelikde guramagynda maslahat geçirildi. Maslahat hormatly Prezidentimiziň awgust aýynyň 4 —  8-i aralygynda «Awaza» milli syýahatçylyk zolagynda BMG-niň Deňze çykalgasy bolmadyk ösüp barýan ýurtlar boýunça üçünji maslahatyny we ugurdaş çäreleri guramaçylykly hem-de ýokary derejede geçirmek barada Karara gol çekmegi mynasybetli geçirildi. Maslahata ýokarda ady agzalan syýasy partiýanyň we jemgyýetçilik guramalaryň işgärleri, bilim ulgamynyň hünärmenleri gatnaşdylar.  Maslahatda TKA-nyň etrap birleşmesiniň başlygy Kakajan Durdyýew, TMÝG-niň etrap geňeşiniň baş hünärmeni Zylyha Bakyýewa, etrap merkezi kitaphanasynyň 1-nji derejeli kitaphanaçysy Akgözel Serdarowa çykyş etdiler. Çykyş edenler bu halkara forumynyň geçirilmeginiň ähmiýetiniň uludygy, ýurtlaryň arasyndaky dostlukly we söwda-ykdysady gatnaşyklaryň has-da rowaçlanmagyna ýardam etjekdigi dogrusynda buýsançly gürrüň etdiler.  Sülgün ATAÝEWA.

Ýakynda Türkmengala etrap häkimliginiň, TDP-niň etrap komitetiniň, TKA-nyň etrap birleşmesiniň, etrap medeniýet bölüminiň bilelikde guramagynda awgust aýynyň 4 — 8-i aralygynda «Awaza» milli syýahatçylyk zolagynda BMG-niň Deňze çykalgasy bolmadyk ösüp barýan ýurtlar boýunça üçünji maslahatyny we ugurdaş çäreleri guramaçylykly hem-de ýokary derejede geçirmek barada Karara gol çekilmegi mynasybetli maslahat geçirildi. Maslahata etrap halk maslahatynyň agzalary, ýaşuly nesliň wekilleri, ýokarda ady agzalan syýasy partiýanyň we jemgyýetçilik guramalarynyň işgärleri we işjeň agzalary gatnaşdylar.  Maslahatda TKA-nyň etrap birleşmesiniň başlygy Myratly Amannaýew, etrap merkezi kitaphanasynyň kitaphanaçysy Jemal Hezretowa, etrapdaky 7-nji çagalar bakja-bagynyň mugallymy, KA-nyň işjeň agzasy Sona Gurdowa çykyş etdiler. Çykyş edenler «Awaza» milli syýahatçylyk zolagynda BMG-niň Deňze çykalgasy bolmadyk ösüp barýan ýurtlar boýunça üçünji maslahatynyň we ugurdaş çäreleriň geçirilmeginiň ähmiýetlidigi, bu halkara forumynyň geçirilmeginiň     ýurtlaryň ykdysady, ulag we logistika ugurlarynyň ösmegine täsir etjekdigi hakynda täsirli gürrüň etdiler.  Myrat ÇARYÝEW.

Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň beýik başlangyçlaryny mynasyp dowam edýän hormatly Prezidentimiziň alyp barýan parasatly içeri we daşary syýasaty barha dabaralanýar. BMG tarapyndan üç gezek ykrar edilen hemişelik  Bitaraplyk derejesine eýe bolanymyza  30 ýyl dolýan ýylymyzda bagtyýar halkymyz eşretli durmuşyň hözirini görüp, şanly senä ruhubelentlikde taýýarlyk görýär. Ýurdumyzyň ykdysadyýetiniň ähli ulgamlarynda uly ösüşler gazanylýar. Ýakynda hormatly Prezidentimiziň parasatly baştutanlygynda geçirilen Türkmenistanyň Ministrler Kabinetiniň giňişleýin mejlisinde hem bellenilişi ýaly, içerki önümleriň öndürilişiniň ösüşi 6,3 göterime barabar boldy.  Deňze çykalgasy bolmadyk ösüp barýan ýurtlar baradaky maglumatlara ýüzlenenimizde, soňky ýyllarda olaryň ählumumy ykdysady ösüşdäki ornunyň artýandygyny görmek bolýar. Şeýle döwletleriň sany dünýäde 30-dan gowrakdyr. Olar ähli yklymlarda ýerleşýär. Bu döwletleriň arasynda ýangyç-energiýa serişdelerini, gazylyp alynýan magdanlary, oba hojalyk önümlerini we köp dürli taýýar önümleri daşarky bazarlara çykarmaga uly mümkinçiligi bolan ýurtlar hem bar.  Häzirki wagtda hormatly  Prezidentimiz daşary syýasatda Türkmenistanyň goňşy döwletler bilen parahatçylyksöýüji, birek-birege ynanyşmak, dost-doganlyk gatnaşyklaryny üstünlikli alyp barýar. Munuň aýdyň mysalyna bolsa, ýurdumyzda geçirilýän iri halkara maslahatlar we forumlar şaýatlyk edýär. Şu ýylyň 11-nji aprelinde BMG-niň Baş Assambleýasynyň 79-njy sessiýasynyň 63-nji plenar mejlisinde  “BMG-niň Deňze çykalgasy bolmadyk ösüp barýan döwletler boýunça üçünji maslahatyny geçirmegiň tertibine goşmaça maglumat” atly Kararnama biragyzdan kabul edildi. Kararnama laýyklykda, BMG-niň Deňze çykalgasy bolmadyk ösüp barýan döwletler boýunça üçünji halkara maslahatyny şu ýylyň 4 — 8-nji awgusty aralygynda “Awaza” milli syýahatçylyk zolagynda geçirmek kesgitlenildi. Munuň özi Türkmenistanyň öňe sürýän başlangyçlarynyň dünýä bileleşigi tarapyndan ykrar edilýändiginiň we olaryň halkara giňişlikde uly ähmiýete eýediginiň nobatdaky beýanyna öwrüldi. Türkmenistanyň BMG bilen bilelikde guramagynda geçiriljek bu halkara maslahatyň çäklerinde syýasy-diplomatik, söwda-ykdysady, medeni, ynsanperwer ugurly köp sanly çäreleriň guralmagy göz öňünde tutulýar.  Ýakynda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz “Awaza” milli syýahatçylyk zolagyna iş saparyny amala aşyryp, bu möhüm maslahata görülýän taýýarlygyň barşy bilen tanyşdy. Şeýle hem bu halkara maslahaty geçirmek boýunça guramaçylyk toparynyň maslahatyny geçirdi. Maslahatda Gahryman Arkadagymyz halkara maslahaty ýokary derejede geçirmegi üpjün etmek üçin ähli şertleriň döredilmelidigi barada özüniň gymmatly maslahatlaryny berdi.  Kakageldi GURBANOW.

Ýakynda Türkmenistanyň Demokratik we Agrar, Senagatçylar we telekeçiler partiýalarynyň welaýat komitetleriniň, Türkmenistanyň Kärdeşler Arkalaşyklarynyň welaýat birleşmesiniň, welaýat Zenanlar bölüminiň hem-de TMÝG-niň welaýat geňeşiniň bilelikde guramagynda maslahat geçirilip, ol şu ýylyň awgust aýynda “Awaza” milli syýahatçylyk zolagynda geçiriljek Birleşen Milletler Guramasynyň deňze çykalgasy bolmadyk ösüp barýan ýurtlar boýunça 3-nji halkara maslahatyna görülýän taýýarlyk işlerine we bu forumyň ähmiýetine bagyşlandy. “Awaza” forumy – hormatly Prezidentimiziň parasatly daşary syýasatynyň dabaralanmasy” ady bilen geçirilen bu maslahata Türkmenistanyň Mejlisiniň deputatlary, welaýat, etrap, şäher Halk maslahatlarynyň agzalary we welaýatyň jemgyýetçilik guramalarynyň wekilleri gatnaşdylar. Maslahatda çykyş edenler Birleşen Milletler Guramasynyň deňze çykalgasy bolmadyk ösüp barýan ýurtlar boýunça 3-nji halkara maslahatynyň Halkara parahatçylyk we ynanyşmak ýylynda biziň ýurdumyzda geçirilmeginiň uly ähmiýete eýedigi dogrusynda giňişleýin durup geçdiler. Şeýle hem çykyşlarda  hormatly Prezidentimiziň parasatly ýolbaşçylygynda döwletimizde häzirki döwürde ulag ulgamyny ösdürmäge möhüm ähmiýet berilýändigi bellenilip, ýurdumyzda geçirilýän bu iri göwrümli forumyň diňe bir sebit üçin däl, eýsem, tutuş dünýäde halkara ulag geçelgelerini döretmekde we dostlukly gatnaşyklary ösdürmekde hem uly orna eýe bolup durýandygy dogrusynda hem aýratyn nygtadylar.

Şeýle at bilen Ýolöten etrap medeniýet öýünde TDP-niň etrap komitetiniň, TKA-nyň etrap birleşmesiniň, TMÝG-niň etrap geňeşiniň, etrap medeniýet öýüniň bilelikde guramagynda maslahat geçirildi. Maslahata etrap halk maslahatynyň agzalary, ýaşuly nesliň wekilleri, syýasy partiýalaryň we jemgyýetçilik guramalarynyň, bilim, saglyk ulgamlarynyň işgärleri gatnaşdylar.  Maslahatda TDP-niň etrap komitetiniň partiýa guramaçysy Şasenem Röwşenowa, TKA-nyň etrap birleşmesiniň başlygy Rozymyrat Artykow, TMÝG-niň etrap geňeşiniň başlygy Meretgeldi Annakulyýew çykyş etdiler. Çykyş edenler hemişelik Bitaraplygymyzyň taryhy kökleri, ýurdumyzyň daşary döwletler bilen dostlukly gatnaşyklary dogrusynda täsirli gürrüň etdiler. Toýly ANYŞOW.

Golaýda etrap merkezi kitaphanasynyň mejlisler zalynda etrap häkimliginiň, etrap medeniýet müdirliginiň, etrap merkezi kitaphanasynyň, TAP-nyň etrap komitetiniň, TMÝG-niň etrap geňeşiniň bilelikde guramagynda “Arkadagyň ak ýolunda öňe barýar bagtly ýaşlar” atly wagyz-nesihat çäresi geçirildi. Oňa etrap häkimliginiň, etrap medeniýet müdirliginiň, etrap merkezi kitaphanasynyň hem-de jemgyýetçilik guramalarynyň işgärleri gatnaşdylar. Çärede etrap häkimliginiň orunbasary, etrap zenanlar bölüminiň başlygy Gülbahar Nurýagdyýewa, etrap medeniýet bölüminiň müdiri Mergen Jumaýew, etrap merkezi kitaphanasynyň müdiri Ogulsenem Muhadowa, TAP-nyň etrap komitetiniň işgäri Merjen Atajanowa, TMÝG-niň etrap geňeşiniň baş hünärmeni Bilbil Jumaýewa çykyş etdiler. Olar çykyşlarynda Berkarar döwletiň täze eýýamynyň Galkynyşy döwründe ýaş nesillerimiziň sagdyn, berk bedenli bolup ýetişmegi üçin alnyp barylýan işler barada giňişleýin gürrüň etdiler. Şeýle hem Gahryman Arkadagymyzyň, Arkadagly Gahryman Serdarymyzyň ýaş nesillerimiziň okamagy, öwrenmegi, döretmegi üçin döredip berýän giň mümkinçilikleri dogrusynda nygtadylar. Jemal HEZRETOWA.

Ýakynda  Mary etrabyndaky 40-njy orta mekdebiň mejlisler zalynda TDP-niň etrap komitetiniň hem-de TKA-nyň  etrap birleşimesiniň bilelikde guramagynda Garaşsyz Türkmenistanyň hemişelik Bitaraplygynyň şanly 30 ýyllygy mynasybetli “Baky Bitarap Diýar ösüşlere beslenýär” atly maslahat geçirildi. Maslahata  welaýat, etrap halk maslahatlarynyň agzalary, TDP-niň we TKA-nyň işgärleri we etrapdaky orta mekdeplerde zähmet çekýän işjeň agzalary gatnaşdylar. Maslahatda TDP-niň etrap komitetiniň partiýa guramaçysy Täzegül Pirsýanowa, TKA-nyň etrap birleşmesiniň başlygy Kakajan Durdyýew, kümüş saçly ene Aýnagözel Baýramowa, etrapdaky 40-njy orta mekdebiň müdiri Hangeldi Atadurdyýew çykyş etdiler. Çykyşlarda Garaşsyz, Bitarap Türkmenistan döwletimizde halkymyzyň asuda, abadan durmuşda bolelin ýaşamagy üçin döredilýän mümkinçilikler, şanly ýylymyzda ýurdumyzyň ähli ulgamlarynda gazanylýan üstünlikler barada giňişleýin gürrüň edildi. Şeýle hem Diýarymyzda hemişelik Bitaraplygymyzyň 30 ýyllygynyň baýramyny dabaraly bellemäge görülýän taýýarlyk işleri dogrusynda nygtadylar.   Muhammetgylyç NEPESOW.

Türkmen halkynyň Milli Lideri Gahryman Arkadagymyzyň ýiti zehininden, jöwher paýhasyndan dörän “Türkmenistan – parahatçylygyň we ynanyşmagyň Watany” atly ajaýyp goşgusynyň esasynda 2025-nji ýyl “Halkara parahatçylyk we ynanyşmak ýyly” diýlip yglan edildi. Şu ýylyň  şanly şygaryna bagyşlanylyp Mary welaýatynda hem dürli dabaraly çäreler giňden ýaýbaňlandyrylýar. Mary welaýat kitaphanasynda Türkmenistanyň Magtymguly adyndaky Ýaşlar guramasynyň Mary welaýat, Baýramaly şäher, Mary we Baýramaly, Garagum etrap geňeşleriniň, Mary welaýat kitaphanasynyň, S.A. Nyýazow adyndaky Mary lukmançylyk orta okuw mekdebiniň hem-de Türkmenistanyň Döwlet energetika institutynyň bilelikde guramagynda “Parahatçylyk, ynanyşmak – ýürek nurumyz” atly söhbetdeşlik duşuşygy geçirildi. Duşuşyga TMÝG-niň welaýat, şäher, etrap geňeşleriniň işjeň agzalary, welaýatyň jemgyýetçilik guramalarynyň wekilleri we talyp ýaşlar gatnaşdylar. Maslahatyň dowamynda hormatly Prezidentimiziň parasatly ýolbaşçylygynda Garaşsyz, baky Bitarap ýurdumyzda gazanylýan ösüşler dogrusynda täsirli gürrüň edildi. Şeýle hem bu ýerde çykyş edenler ýurdumyzda her ýylyň döwrebap atlandyrylmagynyň halkymyzyň abadançylygyny, raýatlarymyzyň watançylyk buýsanjyny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny has-da artdyrýandygy, ýylyň dowamynda alnyp barylýan işleriň şol şygaryň mazmuny bilen bir bitewi sazlaşygy emele  getirýändigi barada nygtadylar.

Bahar paslynyň ajaýyp gözelligi

Fotoreportaj: Futbol boýunça Türkmenistanyñ çempionaty 12-nji tapgyr Altyn Asyr - Merw

Fotoreportaj: Futbol boýunça Türkmenistanyñ çempionaty Merw 1-1 Altyn Asyr

Fotoreportaž: Mary welaýaty: Çagalary goramagyň halkara güni mynasybetli geçirilen dabaralardan pursatlar

Fotoreportaž: Mary welaýatynda Bütindünýä welosiped güni bellenilip geçildi.

Fotoreportaž: Mary welaýaty: Türkmenistanyň ÝUNESKO agzalygyna kabul edilmeginiň 30 ýyllygyna bagyşlanan dabaralardan pursatlar.

Fotoreportaj: DÇ-2026 saýlama tapgyry Türkmenistan 0-1 Eýran yslam respublikasy

Fotoreportaj: Mary şäheriniň Çagalar çeperçilik mekdebiniň okuwçylarynyň işleri