Halkara parahatçylyk we ynanyşmak ýylynda ýurdumyzyň Garaşsyzlygynyň 34 ýyllyk toýuna ynamly gadamlar bilen barylýan günlerde bereketli toprakdan “ak altynyň” bol hasylyny öndürmekde gujur-gaýratly zähmet çekýän Mary welaýatynyň edermen hasyl ussatlary hem Arkadagly Gahryman Serdarymyzyň ak pata bermeginde pagta ýygymyna guramaçylykly girişdiler.   Ýurdumyzyň babadaýhanlarynyň durmuşynda jogapkärli möwsümiň başlanmagy bilen baglanşykly Mary welaýat häkimliginde maslahat geçirildi. Maslahata welaýat häkimliginiň jogapkär işgärleri, Türkmenistanyň Mejlisiniň deputatlary, welaýat halk maslahatynyň agzalary, ýaşuly nesliň wekilleri, welaýatyň oba-hojalyk toplumynyň we bu pudaga degişli edara-kärhanalaryň ýolbaşçylary, agranomlar, tejribeli kärendeçiler gatnaşdylar. Maslahatdaky çykyşlarda Hormatly Prezidentimiziň oba hojalyk pudagynda amala aşyrýan özgertmelerini durmuşa geçirmekde tutanýerli zähmet çekýan welaýatyň ussat pagtaçylarynyň yhlasy bilen şu ýyl welaýatyň ekerançylyk meýdanlaryna gowaçanyň ýokary hasyl berýän tohumlary ekilip, bol pagta hasylynyň kemala getirilenligi nygtaldy. Şeýle-de bu maslahatda jogapkärli möwsüm bolan pagta ýygymyny guramaçylykly geçirmekde öňde duran gaýragoýulmasyz wezipeleri çözmegiň anyk ýollary kesgitlenildi. Maslahata gatnaşanlar ýurdumyzyň babadaýhanlaryna berýän kömekdir goldawlary üçin Hormatly Prezidentimiz Arkadagly Gahryman Serdarymyza alkyş sözlerini beýan etdiler. Maslahata gatnaşan adamlar we ýaşuly nesliň wekilleri soňra welaýatyň taryhy we ülkäni öwreniş muzeýine gezelenç etmek bilen döwrebap muzeýiň oba hojalyk pudagyna degişli bölümine aýlanyp gördiler. Ata-babalarymyzyň daýhançylyk kesp-kärlerini, ekerançylykda ulanan zähmet gurallaryny, bol pagta hasylyny ýetişdirmekdäki tejribelerini şeýle-de oba hojalyk pudagynyň ösüşlerini, şu günki ýeten belent derejelerini giňden beýan edýän taryhy gymmatlyklar olarda uly täsir galdyrdy. Soňra maslahata gatnaşan oba hojalyk toplumynyň işgärleri, ýaşuly nesliň wekilleri, ussat kärendeçiler,  mehanizatorlar hem-de welaýatyň bagtyýar raýatlary pagta ýygymyna badalga berilýän ýeri bolan Mary welaýatynyň Wekilbazar etrabynyň ,,Türkmenistan” daýhan birleşiginiň “ak altynly” ekin meýdanyna bardylar. Bu ýerde ýagşy dilegler bilen pagta ýygymyna badalga berildi.   Hormatly Prezidentimiziň pagta ýygymyna girişmek barada beren ak patasy bilen ruhlanan ýaşuly nesliň wekilleri ilkinjiler bolup, “ak altynly” pellere girdiler hem-de bissimilla bilen bu möhüm işiň başyny başladylar. 2025-nji ýylyň pagta ýygymyna ýagşy dileg – arzuwlar bilen girişilmegi mynasybetli ekerançylyk meýdanynda kalbyňy joşa getirýän zähmet galkynyşy emele geldi. Welaýatyň pagtaçy- kärendeçileri, köpmüňçi ýygymçylary hem bu asylly başlangyja eýerip, ak patrak deý açylan ak hanalary çalasynlyk bilen sogrup, pagta ýygymyna goşuldylar. “Ak altynly” atyzda sazlaşykly hereketleriň giňden ýaýbaňlanmagy welaýat boýunça pagta ýygymyna köpçülikleýin badalga berilendiginiň buşlukçysy bolup, daýhan göwünlerini has hem belende göterdi. Hormatly Prezidentimiziň şu ýyl pagtanyň we bugdaýyň döwlet satyn alyş nyrhyny ýokarlandyryp bermegi welaýatyň hasyl ussatlarynyň zähmete bolan höweslerini has-da artdyrdy. Dabaraly pursatda pagta ýygmakda has tapawutlanan ýygymçylara ýörite sowgatlar hem dabaraly ýagdaýda gowşuryldy. Bu ýerde pagta ýygymynyň başlanmagy mynasybetli medeni köpçülik çärelerine-de uly orun berildi. Dabaranyň geçýän ýerinde ak öýleriň uzyn hatary gurlup, türkmen obasynyň ajaýyp keşbi döredildi. Bezemen sahnada ýaňlanan aýdym-sazly çykyşlar ajaýyp döwrümiziň hoş owazly mukamlary bolup ýaňlandy. Welaýatyň medeniýet we sungat ussatlarynyň, estrada aýdymçylarynyň, birleşen tans toparlarynyň halkymyzyň ruhy dünýäsini baýlaşdyrýan çykyşlarynda türkmen halkynyň milli Lideri Gahryman Arkadagymyzyň hem-de Arkadagly Gahryman Serdarymyzyň alyp barýan il-ýurt, umumyadamzat bähbitli dünýä nusgalyk işleri, milli baýlygymyz hasaplanýan ak pagtamyz, hasyl ussatlarynyň çekýän päk we halal zähmetleri joşgunly wasp edildi. Dabaranyň çar ýanynda bezelen ak öýler toý tapçanlary oba hojalyk, maldarçylyk, pagtaçylyk pudaklarynyň ösüş-özgertmelerini giňden beýan edýän sergiler, bagşy-sazandalaryň aýdym-saz toparlarynyň belent heňde ýaňlanýan owazlary toý şatlygy bilen utgaşyp, özboluşly sazlaşygy emele getirdi. Dabaranyň geçýän ýerinde gök, bakja, dokma we azyk önümleriniň, oba hojalyk gurallarynyň, amaly-haşam sungatynyň hem-de beýleki taryhy we milli gymmatlyklarymyzyň sergilerine-de uly orun berildi. Dabaraly toý güninde bereketli saçaklar ýazylyp, toý gazanlary atarylyp, dürli tagamlar taýýarlanyldy we toý mähellesine hödür edildi. Bu ýerde körpeleriň çaga dünýäsine mahsus oýunlary oýnamaklary, sportuň dürli görnüşleri boýunça geçirilen ýaryşlar  örän täsirli boldy. Ekin meýdanynyň gyrasynda goýlan Hormatly Prezidentimiziň daşary döwletlerden yzygiderli alyp berýän täze innowasion tehnologiýaly, kuwwatly pagta ýygyjy maşynlarynyň we gowaçanyň ýapragyny düşürýän oba hojalyk tehnikalarynyň uzaklara uzap gidýän hatary ýurdumyzyň oba hojalyk pudagynyň tehniki binýadynyň barha pugtalanýandygyny aýdyňlygy bilen görkezdi. Oba hojalyk tehnikalarynyň ýanynda Mary welaýat Polisiýa müdirliginiň gurnamagynda ýangyn howpsuzlygy we ýol gözegçilik bölümleriniň işgärleriniň gatnaşmagynda mehanizatorlar bilen geçiren wagyz-nesihat çäresi hem örän täsirli boldy. Bu ýerde Türkmenistanyň Agrar Partiýasynyň Mary welaýat komitetiniň hem-de Baýramaly agrosenagat orta hünär okuw mekdebiniň gurnamaklarynda talyp ýaşlar bilen okuw maslahaty hem geçirildi. Soňra welaýatyň hasyl ussatlarynyň yhlasly zähmetleri bilen dörän, üstüne “ak altyn” hasyly ýüklenen ýük awtoulaglarynyň kerweni şowly badalga aldy. Üsti “ak altynly” ýük awtoulaglarynyň hatar guran kerweni Mary şäheriniň gözel künjeklerinden, görkana köçelerinden, owadan binalarynyň golaýyndan geçip, Sakarçäge etrabyndaky her ýylda kyrk müň tonna tohumlyk pagtany gaýtadan işleýän pagta arassalaýjy kärhanasynda guralan dabaranyň geçýän ýerine geldi.  Bu ýerde üstüne ,,Ak altyn” ýüklenen ýük awtoulaglar kerweni şatlyk-şowhun bilen garşylanyldy. Halkara parahatçylyk we ynanyşmak ýylynyň täze pagta hasylynyň ilkinji tonnalarynyň bu pagta arassalaýjy kärhanasyna tabşyrylyp başlanylmagy hemmelerde ýakymly duýgulary döretdi. Bu günki dabaraly günde bu ýerde welaýatyň medeniýet we sungat ussatlarynyň aýdym-sazly çykyşlary hem giňden ýaýbaňlandy. Dabarada sungat ussatlarynyň Garaşsyz, baky Bitarap Watanymyzda asuda we parahat ýaşaýşy üpjün edýän türkmen halkynyň milli Lideri Gahryman Arkadagymyzyň, Hormatly Prezidentimiz – Arkadagly Gahryman Serdarymyzyň il-ýurt we dünýä ähmiýetli alyp barýan belent maksatly işlerini, Berkarar döwletiň täze eýýamynyň Galkynyşy döwründe ýurdumyzyň oba hojalyk pudagynda gazanylýan ösüşleri, mukaddes türkmen topragyny we kärendeçi-daýhanlaryň yhlasly zähmetlerini wasp edýän aýdymdyr sazlary belentden ýaňlanyp, şol döwrebap çykyşlar hemmeleriň kalbyna ýakymly duýgulary paýlady. Welaýatyň birleşen tans toparlarynyň döwre gurap ýerine ýetiren göçgünli tanslary hem dabara gatnaşanlaryň dowamly el çarpyşmalary bilen alkyşlandy. Ýurt Garaşsyzlygynyň 34 ýyllyk, hemişelik Bitaraplygymyzyň şanly 30 ýyllyk baýramlarynyň giňden toýlanjak ýyly bolan Halkara parahatçylyk we ynanyşmak ýylynyň pagta ýygymy möwsümine badalga berilmegi mynasybetli geçirilen bu dabarada çykyş edenler Hormatly Prezidentimiziň parasatly baştutanlygynda ýurdumyzda oba hojalyk pudagynyň möhüm ugry bolan pagtaçylyk pudagynyň ösdürilişi, kärendeçilere we daýhanlara toprakdan bol hasyl almakda ähli babatda döredilip berilýän giň mümkinçilikler dogrusynda buýsanç bilen belläp geçdiler hem-de zähmetsöýer babadaýhanlarymyza ähli zerur bolan  şertleri döredip berýän türkmen halkynyň milli Lideri Gahryman Arkadagymyzyň we Arkadagly Gahryman Serdarymyzyň adyna hoşallyk sözlerini beýan etdiler. Çäräniň dowamynda öňdebaryjy pagtaçy kärendeçilere we oba hojalyk işgärlerine Hormatly Prezidentimiziň adyndan gymmat bahaly sowgatlar hem dabaraly ýagdaýda gowşuryldy. Bu ýerde hasyl ussatlarynyň pagtaly meýdanlardaky iş pursatlaryny açyp görkezýän görnüşler, şeýle-de ýurdumyzyň dokma toplumlarynda öndürilýän matalardan tikilip taýýarlanan döwrebap toý lybaslarynyň we çaga egin-eşikleriniň köpdürlüligini mahabatlandyrýan pursatlar hem dabara aýratyn öwüşgin berdi. Toý gününde gelin-gyzlaryň halkymyzyň asyrlar aşyp, dowamat-dowam bolup gelýän el işleriniň dürli görnüşlerini ýerine ýetirmek bilen halk döredijiliginden bölekleri aýtmaklary hem bu günki dabara özboluşly millilik ruhuny çaýdy. Dabaranyň geçirilýän ýerinde haly we el işlerinden, ajaýyp şaý-seplerden,  milli gymmatlyklarmyzdan hem-de  gymmatly çig mal bolan pagtadan alynýan dokma we azyk önümlerinden gurnalan giň sergi köpleriň ünsüni özüne çekdi.  Bu ýerde welaýatyň ýaşuly nesliniň wekilleriniň ,,ak zat alnyňa ýagşy” diýip ak pagtanyň ilkinji hasyllaryny ýüzlerine sylyp,  pagtaçy daýhanlarymyza zähmet ýeňişlerini gazanmakda ýagşy arzuw-dilegleri etmekleri hem dabaranyň iň bir ýatda galyjy pursatlarynyň birine öwrüldi.  Soňra dabara gatnaşanlar Sakarçäge etrabynyň pagta arassalaýjy kärhanasynda alnyp barylýan işler bilen ýakyndan tanyşdylar. Dünýäniň ösen, kuwwatly tehnologiýalary bilen enjamlaşdyrylan bu kärhanada pagta arassalamakda alnyp barylýan işler dogrusynda kärhananyň hünärmenleriniň beren gyzykly gürrüňleri hem myhmanlarda ýakymly täsirleri galdyrdy.   Halkara parahatçylyk we ynanyşmak ýylynda welaýatyň ussat pagtaçylary bir ýüz altmyş iki müň gektarda gowaçanyň bol hasyl berýän görnüşlerini kemala getirip, üç ýüz elli dokuz müň tonna “ak altyny” döwlet harmanyna tabşyrmaklygy maksat edinýärler. Bu belent sepgidi eýelemek üçin welaýatda ähli şertler hem mümkinçilikler bar. Şu möwsümde pagta ýygymyna Hormatly Prezidentimiziň daşary döwletlerden alyp berýän kuwwatly öndürijilikli işleýän pagta ýygyjy maşynlaryň uly topary gatnaşar. Pagtany ýitgisiz daşamak işlerine bolsa ýük awtoulaglarynyň we beýleki oba hojalyk tehnikalarynyň ýeterlik möçberi taýýar edildi. Mary welaýatynyň oba hojalyk işgärleriniň pagta ýygymyna guramaçylykly girişmegi Halkara parahatçylyk we ynanyşmak ýylynda döwlete pagta tabşyrmak baradaky belent sepgidi eýelejekdiklerine bolan ynamyny has-da pugtalandyrýar.

   Asudalygyň we bagtyýarlygyň baýramy bolan şanly Garaşsyzlygymyzyň 34 ýyllyk toýy mynasybetli Türkmenistanyň Kärdeşler Arkalaşyklarynyň Mary welaýat birleşmesiniň Türkmenistanyň Zenanlar birleşiginiň Mary welaýat bölüminiň hem-de Mary welaýat medeniýet müdirliginiň  bilelikde gurnamaklarynda aýdym-sazly dabara geçirildi. “Garaşsyzlygyň aýdyň ýollary bilen öňe barýar  Türkmenistan” ady bilen geçirlen bu şowhunly dabarada medeniýet-sungat ussatlary, bagşy-sazandalary özleriniň täze-täze eserleri, kalplary joşurýan aýdym-sazlary bilen çykyş edip, dabara gatnaşanlaryň göwünlerini göterdi. Ýaňlanýan şirin aýdymlarda, döwrebap öwüşginli tans eserlerinde Hormatly Prezidentimiziň ýurdumyzda alyp barýan dost-doganlyk, hoşniýetli gatnaşyklarynyň, toýlara beslenýän eziz Watanymyzyň gözelliginiň, Garaşsyzlyk ýyllary içinde halkymyzyň gazanan päk üstünlikleriniň, mukaddes Garaşsyzlygyň halkymyza eçilen miweleriniň  waspy belentden ýetirildi. Dabaranyň ahyrynda oňa gatnaşanlar ýurdumyzy toýlar mekanyna öwren, halkymyzy bagtyýarlygyň gujagynda ýaşadýan Hormatly Prezidentimiz Arkadagly Gahryman  Serdarymyza, Gahryman Arkadagymyza adyna alkyşly sözlerini aýtdylar. Maýa ANNADURDYÝEWA.

     Mary welaýat Polisiýa müdirliginiň gurnamagynda “Ýol hereketiniň howpsuzlygy - ömrümiziň rahatlygy” atly biraýlyk mynasybetli Mary welaýat maliýe-ykdysady orta hünär okuw mekdebinde wagyz-nesihat çäresi geçirildi. Möhüm meselä bagyşlanan çärede ýol hereketini pugta berjaý etmek boýunça edilen çykyşlara uly orun berildi. Mary welaýat Polisiýa müdirliginiň işgärleri öz çykyşlarynda ýol hereketinde ýüze çykýan hadysalaryň öňüni almakda we köçeleri kesip geçmegiň düzgünlerini düşündirmekde geçirilýän işler barada bu okuw mekdebiniň talaplaryna gürrüň berdiler. Ýol hereketiniň düzgünleriniň doly we dogry berjaý ýerine ýetirilmegine,pyýadalar bilen awtoulaglaryň hereketleriniň sazlaşykly alnyp barylmagyna uly ähmiýet berilmelidigini nygtadylar. Maýa ANNADURDYÝEWA

        Türkmenistanyň Senagatçylar we telekeçiler partiýasynyň gurnamagynda Halkara parahatçylyk we ynanyşmak ýylynda geçiriljek Türkmenistanyň Halk Maslahatynyň nobatdaky mejlisine görilýän taýýarlyk işleri barada “Halk Maslahatynyň Watanmyzyň rowaçlygyna, halkymyzyň abadançylygyna nazarlaýan tutumlary” ady bilen maslahat geçirildi. Bu Türkmenistanyň Senagatçylar we telekeçiler partiýasynyň işgärleri we işjeň agzalary, bilim işgärleri gatnaşdylar. Bu maslahatda çykyş edenler şanly Garaşsyzlygymyzyň öň ýanynda her ýylda däp bolan Türkmenistanyň Halk maslahatynyň nobatdaky mejlisiniň geçirilýändigini, onuň türkmen halky üçin ähmiýeti dogrusynda buýsanç bilen aýratyn belläp geçdiler. Ýokary işjeňlik derejesinde geçirilen bu maslahat oňa gatnaşanlarda uly täsirleri galdyrdy. Maslahata gatnaşanlar ata Watanymyzy gülledip ösdürmekde we onuň halkara abraýyny has-da ýokary götermekde alyp barýan rowaç işleri üçin türkmen halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza özleriniň alkyşly sözlerini aýtdylar. Maýa ANNADURDYÝEWA.

      Ýurdumyzda her ýylyň 1-nji sentýabryndan 30-njy sentýabr aralygynda “Ýol hereketiniň howpsuzlygy - ömrümiziň rahatlygy” atly biraýlygyň çäginde dürli çäreler guramaçylykly geçirilýär.  Bu bir aýlygyň çäklerinde ýol hereketiniň howpsuzlygyny berjaý etmek boýunça Mary welaýatynyň ähli etrapdyr-şäherlerinde, edara – kärhanalarynda, okuw jaýlarynda wagyz-nesihat çäreleri, okuw sapaklary geçirilýär. Ýörite düzülen iş meýilnama esasynda geçirilýän çärelere welaýatyň kiçi ýaşly çagalaryndan başlap, ýaşuly nesliň wekillerine çenli uly ruhubelentlikde gatnaşýarlar. Köçelerde we ýollarda ýol hereketiniň düzgünleriniň berjaý edilmegi ugrunda gözegçilik güýçlendirilip, wagyz-nesihat işleri giňden ýaýbaňlandyrylýar. Şeýle guramaçylykly wagyz-nesihat çäresi Türkmenistanyň Demokratik partiýasynyň Mary welaýat komitetiniň hem-de Türkmenistanyň Kärdeşler arkalaşyklarynyň Mary welaýat birleşmesiniň bilelikde gurnamaklarynda ýol hereketiniň howpsuzlygyny üpjün etmek boýunça yglan edilen “Ýol hereketiniň howpsuzlygyny – ömrümiziň rahatlygy” atly bir aýlygyň çäklerinde welaýat polisiýa müdirliginiň ýol gözegçilik gullygynyň, Mary welaýat Polisiýa müdirliginiň Ýangyn howpsuzlygy bölüminiň işgärleriniň, Türkmenistanyň Demokratik partiýasynyň Mary welaýat komitetiniň hem-de Türkmenistanyň Kärdeşler arkalaşyklarynyň Mary welaýat birleşmesiniň işgärleriniň we işjeň agzalarynyň gatnaşmaklarynda geçirildi. Çäräniň dowamynda çykyş edenler raýatlaryň ýollarda awtoulaglar we pyýadalar bilen hereketiň sazlaşygyny  giňden beýan edýän we howpsuz hereketi  ündeýän şeýle hem Gahryman Arkadagymyzyň, Arkadagly Gahryman Serdarymyzyň halkymyzyň saglygyny goramakda alyp barýan belent maksatly işleri dogrusynda çykyşlaryna giň orun berildi. Şeýle-de  bu ýerde çykyş edenler ýaşlaryň ahlak taýdan arassa, beden taýdan sagdyn, ruhy taýdan kämil bolup jemgyýetimize gerekli, watanymyza, Hormatly   Prezidentimize wepaly ýaşlar bolup ýetişmeklerini nygtadylar. Göwher  ATAÝEWA.

     Mary welaýat Polisiýa müdirliginiň Polisiýanyň Ýol gözegçilik bölüminiň hem-de Mary lukmançylyk orta okuw mekdebiniň bilelikde gurnamagynda “Ýol hereketiniň howpsyzlygy - ömrümiziň rahatlygy” atly  bir aýlyga bagyşlanyp wagyz-nesihat çäresi geçirildi. Mary lukmançylyk orta okuw mekdebinde geçirilen bu çäräniň dowamynda Mary welaýat Polisiýa müdirliginiň Polisiýanyň Ýol gözegçilik bölüminiň işgärleri hem-de mekdebiň mugallymlary çykyş edip, talyplara köçe ýol hereketiniň düzgünlerini doly we dogry öwrenip, ýol hereketiniň düzgünlerini pugta berjaý etmelidiklerini düşündirdiler. Şeýle-de ýaşlaryň ahlak taýdan arassa, beden taýdan sagdyn, ruhy taýdan kämil bolup jemgyýetimize gerekli, Watanymyza, Gahryman Arkadagymyza, Arkadagly Gahryman Serdarymyza wepaly ýaşlar bolup ýetişmeklerini nygtadylar Altynaý Seýitnyýazowa.

  Ýurdumyzda yglan edilen “Ýol hereketiniň howpsyzlygy – ömrümiziň rahatlygy” atly bir aýlygynyň çäginde Mary welaýat Polisiýa müdirliginiň Ýolöten etrabynyň Polisiýa bölüminiň, etrap Prokuraturasynyň, etrap Kazyýetleriniň  bilelikde gurnamaklarynda wagyz-nesihat çäresi geçirildi. Ýolöten etrabyň Momataý geňeşligindäki Talhatan baba oba medeniýet öýünde geçirilen bu çärä etrabyň edara – kärhanalarynyň işgärleri uly ruhubelentlikde gatnaşdylar. Halkara parahatçylyk we ynanyşmak ýyly mynasybetli wagyz-nesihat çäresinde çykyş edenler yglan edilen bir aýlygyň dowamynda köçe-ýol hereketiniň düzgünleriniň doly we dogry berjaý edilmegi, ýol hadysalarynyň öňüni almak işleriniň wajyplygy we bu ugurda alynyp barylýan işler dogrusynda gürrüň etdiler. Bu möhüm çäräniň üstünlikli durmuşa geçirilmegine her bir raýatyň öz goşandyny goşmagy zerurdyr diýlip nygtaldy. Parahat GURBANOW.

Halkara parahatçylyk we ynanyşmak ýyly hem-de ýurt Garaşsyzlygymyzyň şanly 34 ýyllyk baýramy mynasybetli Murgap etrap medeniýet bölümi bilen etrabyň Zenanlar guramasynyň geçiren bäsleşigi hem ýokary ruhubelentlige beslendi. Medeniýet işgärleriniň sungata bolan höweslerini artdyrmak, olaryň döredijilik älemindäki ukyp-başarnyklaryny açyp görkezmek maksady bilen etrabyň oba medeniýet öňleriniň arasynda geçirilen bu bäsleşikde birnäçe şertler boýunça çykyşlar ýerine ýetirildi.  Bäsleşigiň dowamynda uly joşgun bilen ýerine ýetirilen Berkarar döwletiň täze eýýamynyň Galkynyşy döwründe ýurdumyzda gazanylýan beýik ösüşler, Hormatly Prezidentimiziň türkmen medeniýetini, sungatyny dünýä ýaýmakda alyp barýan beýik işleri, ýurdumyzda zenanlara goýulýan hormat-sarpa hem-de ajaýyp zamanamyzyň şanly wakalary belent heňlerde wasp edildi. Döwrebap çykyşlaryň her biri halkymyza baky bagtyýarlygy bagyş eden  türkmen halkynyň milli Lideri Gahryman Arkadagymyza we Hormatly Prezidentimiz-Arkadagly Gahryman Serdarymyza sungat ussatlarynyň ýürek alkyşlary bolup ýaňlandy. Türkmen zenanlarynyň on barmaklaryndan döreýän ajaýyp el işlerinden gurnalan sergi hem bu günki bäsleşige aýratyn millilik ruhuny çaýdy. Bäsleşigiň ýeňijilerine Murgap etrap Zenanlar bölüminiň ýadygärlik sowgatlary gowşuryldy. Merjen ÇARYÝAROWA.

Halkara parahatçylyk we ynanyşmak ýylynda  Mary welaýat Polisiýa müdirliginiň hem-de Türkmenistanyň Döwlet Energetika institutynyň bilelikde gurnamaklarynda wagyz-nesihat maslahaty geçirildi. Ýol hereketiniň howpsuzlygyny üpjün etmek bilen baglanyşykly Türkmenistanyň Döwlet energetika institutynda geçirilen bu maslahata welaýatyň polisiýa müdirliginiň Polisiýanyň Ýol gözegçilik bölüminiň işgärleri, institutyň professor mugallymlary we talyp ýaşlary gatnaşdylar. Bu ýerde çykyş edenler Berkarar döwletiň täze eýýamynyň galkynyşy döwrüniň belent ösüşleri barada belläp geçmek bilen,  nurana we aýdyň ýollarymyzyň asudalygyny goramakda, ýol-ulag hadysalarynyň döremeginiň öňüni almakda alnyp barylýan netijeli we giň göwrümli işler dogrusynda gürrüň etdiler. Ýol hereketiniň düzgünleriniň doly we dogry berjaý ýerine ýetirilmegine, pyýadalar bilen awtoulaglaryň hereketleriniň sazlaşykly alnyp barylmagyna uly ähmiýet berilmelidigini nygtadylar. Şeýle mazmundaky wagyz-nesihat çäreleriniň yzygiderli geçirilmegi bolsa ak ýollarymyzda herekete gatnaşyjylaryň sazlaşykly hereket etmegine uly ýardam edýär-diýip maslahatyň dowamynda edilen çykyşlarda bellediler. Maýa Annadurdyýewa.

   Asudalygyň we bagtyýarlygyň baýramy bolan şanly Garaşsyzlygymyzyň 34 ýyllyk toýy mynasybetli Türkmenistanyň Kärdeşler Arkalaşyklarynyň Mary welaýat birleşmesiniň Türkmenistanyň Zenanlar birleşiginiň Mary welaýat bölüminiň hem-de Mary welaýat medeniýet müdirliginiň  bilelikde gurnamaklarynda aýdym-sazly dabara geçirildi. “Garaşsyzlygyň aýdyň ýollary bilen öňe barýar  Türkmenistan” ady bilen geçirlen bu şowhunly dabarada medeniýet-sungat ussatlary, bagşy-sazandalary özleriniň täze-täze eserleri, kalplary joşurýan aýdym-sazlary bilen çykyş edip, dabara gatnaşanlaryň göwünlerini göterdi. Ýaňlanýan şirin aýdymlarda, döwrebap öwüşginli tans eserlerinde Hormatly Prezidentimiziň ýurdumyzda alyp barýan dost-doganlyk, hoşniýetli gatnaşyklarynyň, toýlara beslenýän eziz Watanymyzyň gözelliginiň, Garaşsyzlyk ýyllary içinde halkymyzyň gazanan päk üstünlikleriniň, mukaddes Garaşsyzlygyň halkymyza eçilen miweleriniň  waspy belentden ýetirildi. Dabaranyň ahyrynda oňa gatnaşanlar ýurdumyzy toýlar mekanyna öwren, halkymyzy bagtyýarlygyň gujagynda ýaşadýan Hormatly Prezidentimiz Arkadagly Gahryman  Serdarymyza, Gahryman Arkadagymyza adyna alkyşly sözlerini aýtdylar. Maýa ANNADURDYÝEWA.

        Türkmenistanyň Senagatçylar we telekeçiler partiýasynyň gurnamagynda Halkara parahatçylyk we ynanyşmak ýylynda geçiriljek Türkmenistanyň Halk Maslahatynyň nobatdaky mejlisine görilýän taýýarlyk işleri barada “Halk Maslahatynyň Watanmyzyň rowaçlygyna, halkymyzyň abadançylygyna nazarlaýan tutumlary” ady bilen maslahat geçirildi. Bu Türkmenistanyň Senagatçylar we telekeçiler partiýasynyň işgärleri we işjeň agzalary, bilim işgärleri gatnaşdylar. Bu maslahatda çykyş edenler şanly Garaşsyzlygymyzyň öň ýanynda her ýylda däp bolan Türkmenistanyň Halk maslahatynyň nobatdaky mejlisiniň geçirilýändigini, onuň türkmen halky üçin ähmiýeti dogrusynda buýsanç bilen aýratyn belläp geçdiler. Ýokary işjeňlik derejesinde geçirilen bu maslahat oňa gatnaşanlarda uly täsirleri galdyrdy. Maslahata gatnaşanlar ata Watanymyzy gülledip ösdürmekde we onuň halkara abraýyny has-da ýokary götermekde alyp barýan rowaç işleri üçin türkmen halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza özleriniň alkyşly sözlerini aýtdylar. Maýa ANNADURDYÝEWA.

      Ýurdumyzda her ýylyň 1-nji sentýabryndan 30-njy sentýabr aralygynda “Ýol hereketiniň howpsuzlygy - ömrümiziň rahatlygy” atly biraýlygyň çäginde dürli çäreler guramaçylykly geçirilýär.  Bu bir aýlygyň çäklerinde ýol hereketiniň howpsuzlygyny berjaý etmek boýunça Mary welaýatynyň ähli etrapdyr-şäherlerinde, edara – kärhanalarynda, okuw jaýlarynda wagyz-nesihat çäreleri, okuw sapaklary geçirilýär. Ýörite düzülen iş meýilnama esasynda geçirilýän çärelere welaýatyň kiçi ýaşly çagalaryndan başlap, ýaşuly nesliň wekillerine çenli uly ruhubelentlikde gatnaşýarlar. Köçelerde we ýollarda ýol hereketiniň düzgünleriniň berjaý edilmegi ugrunda gözegçilik güýçlendirilip, wagyz-nesihat işleri giňden ýaýbaňlandyrylýar. Şeýle guramaçylykly wagyz-nesihat çäresi Türkmenistanyň Demokratik partiýasynyň Mary welaýat komitetiniň hem-de Türkmenistanyň Kärdeşler arkalaşyklarynyň Mary welaýat birleşmesiniň bilelikde gurnamaklarynda ýol hereketiniň howpsuzlygyny üpjün etmek boýunça yglan edilen “Ýol hereketiniň howpsuzlygyny – ömrümiziň rahatlygy” atly bir aýlygyň çäklerinde welaýat polisiýa müdirliginiň ýol gözegçilik gullygynyň, Mary welaýat Polisiýa müdirliginiň Ýangyn howpsuzlygy bölüminiň işgärleriniň, Türkmenistanyň Demokratik partiýasynyň Mary welaýat komitetiniň hem-de Türkmenistanyň Kärdeşler arkalaşyklarynyň Mary welaýat birleşmesiniň işgärleriniň we işjeň agzalarynyň gatnaşmaklarynda geçirildi. Çäräniň dowamynda çykyş edenler raýatlaryň ýollarda awtoulaglar we pyýadalar bilen hereketiň sazlaşygyny  giňden beýan edýän we howpsuz hereketi  ündeýän şeýle hem Gahryman Arkadagymyzyň, Arkadagly Gahryman Serdarymyzyň halkymyzyň saglygyny goramakda alyp barýan belent maksatly işleri dogrusynda çykyşlaryna giň orun berildi. Şeýle-de  bu ýerde çykyş edenler ýaşlaryň ahlak taýdan arassa, beden taýdan sagdyn, ruhy taýdan kämil bolup jemgyýetimize gerekli, watanymyza, Hormatly   Prezidentimize wepaly ýaşlar bolup ýetişmeklerini nygtadylar. Göwher  ATAÝEWA.

  Ýurdumyzda yglan edilen “Ýol hereketiniň howpsyzlygy – ömrümiziň rahatlygy” atly bir aýlygynyň çäginde Mary welaýat Polisiýa müdirliginiň Ýolöten etrabynyň Polisiýa bölüminiň, etrap Prokuraturasynyň, etrap Kazyýetleriniň  bilelikde gurnamaklarynda wagyz-nesihat çäresi geçirildi. Ýolöten etrabyň Momataý geňeşligindäki Talhatan baba oba medeniýet öýünde geçirilen bu çärä etrabyň edara – kärhanalarynyň işgärleri uly ruhubelentlikde gatnaşdylar. Halkara parahatçylyk we ynanyşmak ýyly mynasybetli wagyz-nesihat çäresinde çykyş edenler yglan edilen bir aýlygyň dowamynda köçe-ýol hereketiniň düzgünleriniň doly we dogry berjaý edilmegi, ýol hadysalarynyň öňüni almak işleriniň wajyplygy we bu ugurda alynyp barylýan işler dogrusynda gürrüň etdiler. Bu möhüm çäräniň üstünlikli durmuşa geçirilmegine her bir raýatyň öz goşandyny goşmagy zerurdyr diýlip nygtaldy. Parahat GURBANOW.

      Mary welaýat Baş bilim müdirliginiň gurnamagynda Halkara parahatçylyk we ynanyşmak ýylynda geçiriljek Türkmenistanyň Halk  Maslahatynyň nobatdaky mejlisine taýýarlyk görülýän döwürde Türkmenistanyň Halk Maslahatynyň alyp barýan işleriniň taryhy, syýasy-jemgyýetçilik ähmiýeti  barada täsirli wagyz nesihat duşuşygy geçirildi. Mary şäheriniň 36-njy orta mekdebinde geçirilen bu duşuşyga Mary welaýat Halk Maslahatynyň agzalary, bilim işgärleri gatnaşdylar. Bu duşuşykda çykyş edenler  şanly Garaşsyzlygymyzyň öň ýanynda her ýylda Türkmenistanyň Halk Maslahatynyň nobatdaky mejlisiniň geçirilýändigini, parahatçylyk we adalatlylyk baradaky milli düşünjeleri özünde jemleýän  Konstitusiýamyzyň mukaddesligi, beýik özgertmeleriň we ösüşleriň ýoly bilen öňe barýan eziz ýurdumyzda  Arkadagly Gahryman Serdarymyzyň alyp barýan ynsanperwerlik, hoşniýetli goňşyçylyk ýörelgeleriniň ähmiýeti dogrusynda belläp geçdiler. Ýokary işjeňlik derejesinde geçirilen bu wagyz-nesihat duşuşygy oňa gatnaşanlarda uly täsirleri galdyrdy. Bu täsirli duşuşyga gatnaşanlar ata Watanymyzy gülledip ösdürmekde we onuň halkara abraýyny has-da ýokary götermekde alyp barýan rowaç işleri üçin türkmen halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza özleriniň alkyşly sözlerini aýtdylar. Dursun Ilbegiýewa.

Türkmen ili Berkarar döwletiň täze eýýamynyň Galkynyşy döwrüni ýeňişlere beslemek bilen hormatly Prezidentimiz Arkadagly Gahryman Serdarymyzyň başda durmagynda bagtyýar geljeginiň binýadyny berkden tutýar. Gahryman Arkadagymyzyň başyny başlan belent maksatlaryny Arkadagly Gahryman Serdarymyz üstünlikli dowam edýär. Döwletimiziň we jemgyýetimiziň durmuşynda amala aşyrylýan syýasy özgertmeler ykdysady ösüş-özgerişler bilen sazlaşykly utgaşdyrylýar. Şeýlelikde, Garaşsyz, baky Bitarap döwletimiz bedew bady bilen öňe barýar. Halkara parahatçylyk we ynanyşmak ýylynyň 20-nji awgustynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde Türkmenistanyň Halk Maslahatynyň Prezidiumynyň mejlisi geçirildi. Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türkmenistanyň Halk Maslahatynyň Prezidiumynyň mejlisinde eden çykyşynda belleýşi ýaly, türkmen halkynyň asylly däp-dessurlarynyň biri bolan möhüm meseleleri ara alyp maslahatlaşmak müňlerçe ýyl bäri halkymyzyň durmuşynda dowam edip gelýän demokratik däpleriň biridir. Berkarar döwletiň täze eýýamynyň Galkynyşy döwründe bu gadymy däpler Garaşsyz, baky Bitarap döwletimiziň ösüşiniň esasyna, ileri tutulýan wajyp wezipeleri çözmekde jemgyýetiň hereketlendiriji güýjüne öwrüldi.  Şeýle hem Gahryman Arkadagymyz mejlisde eden çykyşynda Garaşsyz, hemişelik Bitarap Türkmenistanyň dünýäde parahatçylyk söýüjilik ýörelgelerini wagyz etmek, halkara guramalarynyň çäklerinde umumadamzat bähbitli başlangyçlary we teklipleri öňe sürmek ugrunda uly işleri alyp barýandygyny nygtady. Türkmen halkynyň Milli Lideri Gahryman Arkadagymyz Garaşsyz Türkmenistan döwletimiziň Bitaraplygynyň 30 ýyllygynyň uly toýunyň taryhy ähmiýetine ünsi çekip, halkara derejesinde uludan tutuljak şanly sene bilen bagly meseleleriň üstünde durup geçdi. Halkara parahatçylyk we ynanyşmak ýylynyň şanly wakasy boljak Türkmenistanyň Halk Maslahatynyň nobatdaky mejlisi jemgyýetimiziň durmuşynda wajyp waka bolup, onda öňde durýan taryhy wakalar bilen bagly derwaýys meseleler ara alnyp maslahatlaşylar. Türkmen halkynyň Milli Lideri çykyşynda, ilki bilen, Garaşsyz Watanymyzyň hemişelik Bitaraplygynyň 30 ýyllygynyň baýramyna taýýarlyk görülýändigini belledi. Bu senäniň taryhy ähmiýetini, onuň il-günümizi belent maksatlara galkyndyrýandygyny nygtady. Şeýle hem mejlisde Milli Liderimiz baýramçylyk günleriniň öň ýanynda geçiriljek Türkmenistanyň Halk Maslahatynyň nobatdaky mejlisini ýokary derejede guramaçylykly geçirmek bilen bagly guramaçylyk meseleleriniň üstünde durup geçdi. Gahryman Arkadagymyz ýurdumyzyň ösüşli menzilleri, bolup geçen syýasy wakalar barada aýdyp, şu ýylyň 19-njy sentýabrynda boljak Türkmenistanyň Halk Maslahatynyň nobatdaky mejlisi bilen bagly öňde durýan wajyp wezipeleri kesgitledi. Şeýle hem mejlisde degişli Kararlar kabul edildi. Şu wezipeleriň oňyn çözgüdi bolsa, Türkmenistanyň Halk Maslahatynyň nobatdaky mejlisini ýokary derejede guramaçylykly geçirmäge mümkinçilik berer. Häzirki wagtda Türkmenistanyň Halk Maslahatynyň nobatdaky mejlisine taýýarlyk işleri welaýatymyzda-da giňden ýaýbaňlandyrylýar. Bu taryhy waka taýýarlyk bilen bagly tagallalar işjeň häsiýete eýe bolýar. Toýlary toýlara ulaşýan türkmen ili uly toýuna barýar. Möhüm taryhy wakanyň yz ýanynda toýy uludan tutuljak Beýik Garaşsyzlygymyzyň baýramçylygy halkymyzy belent sepgitlere ruhlandyrýar. “Maru — şahu jahan”.

Halkymyzyň ykbalyna serpaý ýapylan Berkarar döwletimiziň Täze eýýamynyň galkynyşy döwründe gazanylýan üstünlikler, ýetilýän sepgitler, ynsanlaryň kalbyny buýsandyrýan buşlukly habarlar mähriban halkymyzy ak daňlara ataryp, Hormatly Prezidentimiziň alyp barýan işlerine egsilmez alkyş, çäksiz söýgi döredýär. Watanymyzyň asudalygyny we bagtyýarlygyny pugtalandyryp, dünýä ýüzünde parahatçylygy üpjün etmegi baş maksat edinýän türkmen halkynyň Milli Lideri Gahryman Arkadagymyzyň, peder ýoluny yhlasly işleri bilen mynasyp dowam etdirýän Hormatly Prezidentimiz Arkadagly Gahryman Serdarymyzyň ýolbaşçylygynda her günümiziň buýsançly wakalara hoş habarlara beslenip, üstünliklerden rowaçlanmagy – bu uly döwletlilikdir, agzybirlikdir. Şeýle bagtyýar döwrüň ösüşlerine ses goşmak bolsa her birimiz üçin uly bagt, mukaddes borçdyr. “Ýaşlar biziň geljegimizdir, ýaşlar biziň başyny başlan işlerimizi mynasyp dowam etdirijiler” diýip, Watanymyzyň daýanjy we söýenji bolan, nurly ertirlere maksat tutan ýaş nesillere Arkadagly Gahryman Serdarymyz aýratyn bil baglap, uly ynam bildirýär. Şu bildirilýän beýik ynam biziň her birimiziň kalbymyzy buýsandyrýar, öz işimizde ökde hünärmenler bolup, Watanymyzyň ösüşlerine mynasyp goşant goşmagymyza ruhlandyrýar. Biz hem Türkmenistanyň Agrar Partiýasynyň Mary şäher komitetiniň agzybir işgärleri bolup, Arkadagly Gahryman Serdarymyzyň halkymyzyň ýaşaýyş-durmuş şertlerini ýokarlandyrmakda öňde goýýan wezipelerini ýerine ýetirmekde berýän tabşyryklaryny, eziz ýurdumyzda amala aşyrýan belent maksatly işleriniň ähmiýetini wagyz etmekde netijeli işleri alyp barýarys. Ýakynda Türkmenistanyň Agrar Partiýasynyň Mary welaýat we Mary şäher komitetleriniň, Mary welaýat kitaphanasynyň bilelikde gurnamaklarynda “Türkmenistanyň Halk maslahaty – Watanymyzyň röwşen gelejeginiň ak ýoly” ady bilen  terbiýeçilik ähmiýetli wagyz-nesihat çäresi geçirildi. Çuňňur many-mazmuna ýugrulan bu maslahata Türkmenistanyň Mejlisiniň deputatlary, Mary welaýat halk maslahatynyň agzalary, Agrar partiýanyň işgärleri we işjeň agzalary, bagtyýar kitaphanaçylar gatnaşdylar. Dabaranyň dowamynda çykyş edenler Türkmenistanyň Halk Maslahatynyň nobatdaky Mejlisine ýurdumyz boýunça görülýän taýýarlyklar, parahatçylyk we adalatlylyk baradaky milli düşünjeleri özünde jemleýän  Konstitusiýamyzyň mukaddesligi dogrusynda täsirli gürrüňleri etdiler. Beýik özgertmeleriň we ösüşleriň ýoly bilen öňe barýan eziz ýurdumyzda  ynsanperwerlik, parahatçylyk söýüjilik, hoşniýetli goňşyçylyk ýörelgelerini öňe sürýän Arkadagly Gahryman Serdarymyzyň ýolbaşçylygynda merdana we ruhubelent halkymyzyň maşgala agzybirligini, jebisligini berkitmek ugrunda durmuşa geçirilýän belent maksatly işler dogrusynda uly buýsanç bilen bellediler. Soňra dabara gatnaşanlar Watanymyzyň halkara abraýynyň has-da belende göterilmegini, halkymyzy rowaçly menzillere alyp barýan Arkadagly Gahryman Serdarymyzyň janynyň sag, ömrüniň uzak bolmagyny tüýs ýürekden arzuwladylar. Gurbanjemal Iliýewa.

  Ýurdumyzyň welaýatlarynyň dolandyryş - çäk gurluşyny mundan beýläk-de kämilleşdirmek hem-de Türkmenistanyň Prezidentiniň “Ýurdumyzy 2022 - 2028-nji ýyllarda durmuş - ýkdysady taýdan ösdürmegiň Maksatnamasynda”, Türkmenistanyň Prezidentiniň “Obalaryň, şäherçeleriň, etraplardaky şäherleriň we etrap merkezleriniň ilatynyň ýaşaýyş - durmuş şertlerini özgertmek boýunça 2028-nji ýyla çenli döwür üçin rejelenen görnüşdäki Milli Maksatnamasynda” göz öňünde tutulan wezipeleri üstünlikli durmuşa geçirmek hem-de halkymyz üçin zerur bolan durmuş - ýkdysady şertleri üpjün etmek maksady bilen Mary welaýat Halk Maslahatynyň wekillerinden we Mary welaýatynyň ilatyndan Türkmenistanyň Halk Maslahatynyň Diwanyna gelip gowşan haýyşlary göz öňünde tutmak bilen welaýatyň Murgap hem-de Sakarçäge etraplarynyň dolandyryş-çäk bölünişiginde täze etraby döretmek baradaky teklip öňe sürüldi.    Mary welaýatynyň Sakarçäge etrabynyň “Döwletli Zaman” şäherçesiniň Medeniýet öýünde Türkmenistanyň dolandyryş - çäk bölünişiginiň meseleleri boýunça döredilen guramaçylyk toparynyň agzalarynyň gatnaşmaklarynda ilatyň isleglerini, haýyşlaryny öwrenmeklige bagyşlanan maslahat geçirildi. Oňa Mary welaýat, şäher, etrap Halk maslahatynyň agzalary, Türkmenistanyň Mejlisiniň deputatlary, welaýatyň il-sylagly ýaşululary, kümüş saçly eneler, bilim, saglygy goraýyş, medeniýet ulgamlarynyň işgärleri, welaýatyň ýaşaýjylary ýokary ruhubelentlikde gatnaşdylar. Maslahatda Garaşsyz, hemişelik Bitarap döwletimizde merdana ata-babalarymyzyň döwleti dolandyrmakda toplan köpasyrlyk tejribesine daýanyp, şöhratly pederlerimiziň ýoluny dowam edip, olaryň parasatly wesýetlerine eýerip, döwlet we jemgiýetçilik durmuşynyň möhüm meselelerini çözmäge ilatyň wekilleriniň giňden gatnaşmagyny üpjün edilýändigi dogrusynda aýdyldy.  Şeýle hem welaýatda täze etraby döretmek baradaky teklibiň öňe sürülmegi (çözgüdiň kabul edilmegi) türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadagymyzyň, Hormatly Prezidentimiz Arkadagly Gahryman Serdarymyzyň halkymyzyň ýaşaýyş - durmuş derejesini yzygiderli ýokarlandyrmak, ilatymyz üçin zerur bolan durmuş - ykdysady şertleri üpjün etmek barada edýän taýsyz tagallalarynyň ýene-de bir aýdyň subutnamasy bolandygy nygtalyp bellenildi. Maslahatda welaýatyň ýaşaýjylary, ýaşuly nesliň wekilleri, syýsy partiýalaryň, jemgiýetçilik guramalarynyň, bilim, saglygy goraýyş ulgamlarynyň işgärleri täze etrabyň döredilmeginiň welaýatda bugdaýyň, pagtanyň, gant şugundyrynyň, gök, bakja ekinleriniň öndürilýän hasyllarynyň möçberleriniň artdyrylmagyna, ilatyň ýaşaýyş-durmş derejesiniň ýokarlanmagyna ýardam etjekdigi baradasky oý-pikirlerini buýsanç bilen nygtap bellediler hem-de täze etraby döretmek baradaky teklibi biragyzdan goldaýandyklaryny aýtdylar.  Maslahata gatnaşanlar welaýatyň ýaşaýjylarynyň ýaşaýyş - durmuş derejesini gowulandyrmak, welaýatyň ykdysadyýetini ýokarlandyrmak barada bimöçber aladalar edýän türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza tüýs ýürekden sagbolsun aýdyp, Gahryman Arkadagymyzyň, Hormatly Prezidentimiziň janlarynyň sag, ömürleriniň uzak, döwletli tutumlarynyň hemişe rowaç bolmagyny arzuw etdiler. Sapardurdy Ýaýlyýew.

Etrabymyzyň merkezi kitaphanasynda TDP-niň etrap komitetiniň, TKA-nyň etrap birleşmesiniň, TMÝG-niň etrap geňeşiniň we etrap medeniýet öýüniň bilelikde guramaklarynda wagyz-nesihat duşuşygy geçirildi. Duşuşyga atlary agzalan guramalaryň işgärleri, işjeň agzalary, merkezi kitaphananyň kitaphanaçylary, edara-kärhanalarda zähmet çekýän ýaşlar gatnaşdylar.  Duşuşykda TDP-niň etrap komitetiniň işgäri Mahym Hojagulyýewa, merkezi kitaphananyň müdiri Selbinýaz Geldiýewa, TMÝG-niň etrap geňeşiniň esasy hünärmeni Çynar Hoşgeldiýewa çykyş etdiler. Olar hormatly Prezidentimiziň türkmen ýaşlary hakda edýän uly aladalary, jemgyýetimizde ýaşlara döredilýän giň mümkinçilikler barada giňişleýin gürrüň etdiler. Barha golaý gelýän Türkmenistanyň Halk Maslahatynyň nobatdaky mejlisine, Garaşsyzlyk baýramyna görülýän taýýarlyk işleri dogrusynda durup geçdiler. Owadan ATDAÝEWA.

Bahar paslynyň ajaýyp gözelligi

Fotoreportaj: Futbol boýunça Türkmenistanyñ çempionaty 12-nji tapgyr Altyn Asyr - Merw

Fotoreportaj: Futbol boýunça Türkmenistanyñ çempionaty Merw 1-1 Altyn Asyr

Fotoreportaž: Mary welaýaty: Çagalary goramagyň halkara güni mynasybetli geçirilen dabaralardan pursatlar

Fotoreportaž: Mary welaýatynda Bütindünýä welosiped güni bellenilip geçildi.

Fotoreportaž: Mary welaýaty: Türkmenistanyň ÝUNESKO agzalygyna kabul edilmeginiň 30 ýyllygyna bagyşlanan dabaralardan pursatlar.

Fotoreportaj: DÇ-2026 saýlama tapgyry Türkmenistan 0-1 Eýran yslam respublikasy

Fotoreportaj: Mary şäheriniň Çagalar çeperçilik mekdebiniň okuwçylarynyň işleri