Gep ýel bolmasa-da ýürek çişirer. Gara ýürek ak bolmaz. Göz görmedigini ýürek syzar. Ýüreksize ýürek bermeli däl. Türkmen pähimleri. *** Bagt ýüregi başarjaň edýär. Hytaý pähimi. *** Bilimi syndyr, ýüregimi syndyrma! Türk pähimi. *** Gynanyp görmedik ýürek parhsyz bolýar. Fin pähimi. *** Ýigrenjiň enesi ýürek däl-de söz. Şumer pähimi. *** Eger ýekeje barmajyk agyrsa-da ýürek duýýar. Emma ýürek agyrsa hiç kim duýmaýar. Gürji pähimi. *** Ýüregiň ody kelläni tüsseledýär. Assiriýa pähimi. *** Ýüregi kör bolanyň gözi-de görmez. Ýürek gözden gowy görýär. Iň ýagşy hazyna ýürek söýgüsidir. Arap pähimleri. Toplan Oguljeren NAZAROWA.

Berkarar döwletiň täze eýýamynyň Galkynyşy döwründe hormatly Prezidentimiziň baştutanlygynda Watanymyzyň geljegi bolan ýaşlar hakynda yzygiderli alada edilýär. Ösüp gelýän ýaş nesliň ylymly, bilimli, giň dünýägaraýyşly bolup ýetişmegi üçin uly mümkinçilikler döredilýär. Özleri hakynda edilýän aladalara jogap edip, yhlasly okap, bilim alyp, ýurdumyzyň ösüşlerine mynasyp goşantlaryny goşýan ýaşlaryň sany günsaýyn artýar. Ynha, şeýle ýaşlaryň biri hem Mary şäherindäki 27-nji orta mekdebiň 11-nji synp okuwçysy Tirkiş Täçmämmedowdyr. Zehinli jigimiz T. Täçmämmedow öz geljekdäki hünärini çagalygyndan ele alan diýsek hem hakykatdan daş düşdügimiz däl. Ol matematika, zähmet, surat, proýektirlemegiň esaslary ýaly dersleri yhlas bilen okady. Tirkiş dürli zatlaryň maketini ýasamakda öz erjelligini görkezip, synpyň okuwçylaryndan tapawutlanmagy başarýar. Mekdepde geçirilýän bäsleşiklerde, çärelerde, sergilerde dürli görnüşli maket işleri bilen çykyş edip, özüniň bilesigelijiligini, ukyp-başarnygyny görkezýär. Bu okuwçynyň zehininiň bardygyny aňan mekdebiň surat mugallymy Kakamyrat Oramow Tirkiş jigimize dürli şekilleriň maketini ýasamagyň inçe syrlaryny öwredýär. Kakamyrat Oramowyň, şeýle-de, mekdebiň müdiri Jahan Saparmyradowanyň ýakyndan ýardam bermeginde Tirkiş Täçmämmedow bu hünäri ussatlyk bilen ele alýar. Has dogrusy, ol 2024-nji ýylda “Parahatçylyk — çagalaryň sesi” atly bäsleşigiň maket ýasamak ugry boýunça welaýat tapgyrynda 2-nji orna, döwlet tapgyrynda 3-nji orna mynasyp boldy. 2025-nji ýylda ýokarda ady agzalan bäsleşigiň welaýat tapgyrynda 1-nji orna, döwlet tapgyrynda 2-nji orna mynasyp boldy. Tirkiş jigimiziň gazanan bu üstünligi özi bilen bir hatarda ene-atasyny, mugallymlaryny, diýseň, begendirdi. Biz hem geljegiň ýaş binagäri Tirkiş Täçmämmedowa gadamlarynyň batly, ädimleriniň şowly, üstünlikleriniň dowamly bolmagyny tüýs ýürekden arzuw edýäris! Aýparça AKYMOWA.

Berkarar döwletiň täze eýýamynyň Galkynyşy döwrüniň ýyllarynda hormatly Prezidentimiziň baştutanlygynda milli medeniýetimizi, sungatymyzy ösdürmekde, mirasymyzy öwrenmekde we dünýä ýaýmakda uly işler durmuşa geçirilýär. Ruhy gymmatlyklarymyzy baýlaşdyrmakda edilýän tagallalaram giň gerime eýe bolýar. Ajap eýýamymyzda kitaphana işiniň göwnejaý ýola goýulmagy ýokarda ýatlanlarymyz babatda gowy netijeler gazanylýar. Kitap ruhy baýlygyň egsilmez çeşmesi bolup, ol biziň ýakyn maslahatçymyz, ýol görkezijimizdir. Biz kitaphanamyzda işi talaba laýyk ýola goýup, okyjylara edilýän hyzmatyň hilini ýokarlandyrmaga çalyşýarys. Kitaphanamyzyň goruny baýlaşdyrmakda degerli işler edilýär. Bu meselede Gahryman Arkadagymyzyň, Arkadagly Gahryman Serdarymyzyň halkymyza sowgat berýän gyzyldan gymmatly kitaplaryny ýatlamak ýakymlydyr. Biz okyjylar bilen medeni-köpçülik çärelerini geçirýäris. Kitap sergilerimizem, ýazyjy-şahyrlar bilen döredijilikli duşuşyklarymyzam olara gatnaşýanlarda uly täsir galdyrýar. Bu bolsa ýadawsyz aladalarymyzyň ýerine düşýändigini aňladýar. Ogulgerek HANGELDIÝEWA.

Garagum etrabyndaky «Jaňjagaz» atly 3-nji çagalar bakja-bagynyň terbiýeçisi Çemen Akmämmedowa H. Derýaýew adyndaky Mugallymçylyk mekdebini üstünlikli tamamlap, 15 ýyldan gowrak wagt bäri biregne şu çagalar bakja-bagynda zähmet çekip gelýär. Ol çagalara bilim-terbiýe bermekde, çagalaryň we terbiýeçileriň arasynda geçirilýän bäsleşiklere işjeň gatnaşmakda kärdeşlerine görelde bolýar. Ç. Akmämmedowa her bir işde çagalar bakja-bagynyň terbiýeçi-usulyýetçisi Altyn Hydyrowa bilen maslahatlaşyp, iş tejribesini baýlaşdyrýar. Zähmetsöýer terbiýeçi Çemen Akmämmedowa «Garaşsyz, baky Bitarap Türkmenistan — bedew batly at-myradyň mekany» ýylynda uly üstünliklere eýe bolmak bilen, zähmet çekýän bilim ojagyna uly abraý getirýär. Onuň bilim-terbiýe berýän körpeleri «Bir bar eken, bir ýok eken» atly ertekilerden sahna oýny bäsleşiginiň etrap tapgyrynda baş baýragy, welaýat tapgyrynda 1-nji orny, «Körpe bilgirjeler» bäsleşiginiň etrap, welaýat tapgyrlarynda baş baýragy eýelemegi başardylar. Şeýle hem Çemen Akmämmedowa «Iň gowy topar otagy» bäsleşiginiň etrap tapgyrynda baş baýraga, welaýat tapgyrynda bolsa 3-nji orna mynasyp boldy. Ol bilim ulgamynda gazanýan üstünliklerine buýsanyp, yhlasly, tutanýerli we döredijilikli zähmet çekýär. 

Geçmişde ata-babalarymyzyň suwuň her bir damjasyny altyn dänesine deňändikleri tötänden däldir. Çünki, ýurdumyzyň gurak we yssy howa şertleri suwdan tygşytly peýdalanmagyň zerurlygyny öňe çykarýar. Bu mesele arassa agyz suwy bilen üpjünçilikde bolşy ýaly, ekerançylykda-da suw serişdelerini rejeli peýdalanmak wajyp wezipe bolup durýar. Ýaz-meýdan işleriniň has-da işjeňleşmegi, howanyň gyzmagy bilen gürrüňi edilýän meseläniň ähmiýeti ýokarlanýar. “Garaşsyz, baky Bitarap Türkmenistan — bedew batly at-myradyň mekany” ýylynda önümçilik dolanyşygymyzyň işgärleri etrabymyzyň çägindäki ekerançylyk meýdanlarynyň suw bilen üpjünçiligini ýola goýmakda yzygiderli aladalanýarlar. Şunda suw serişdelerinden netijeli peýdalanylmagyna uly üns berýäris. Şeýle hem ýerleriň şorlaşmagynyň öňüni almak bilen bagly meseleleriň çözgüdini hem üns merkezinde saklaýarys. Ekerançylyk meýdanlarynyň melioratiw ýagdaýyny gowulandyrmakda netijeli işler alnyp barylýar. Dolanyşygymyzyň işgärleriniň şu yhlas-tagallalary bolsa, oba hojalyk ekinlerinden bereketli hasylyň alynmagyna ýardam edýär. Enara HOMMAÝEWA.

Türkmen halkynyň Milli Lideri Gahryman Arkadagymyzyň peder ýoluny üstünlikli dowam edýän hormatly Prezidentimiz Arkadagly Gahryman Serdarymyzyň baştutanlygynda halk hojalygynda durmuşa geçirilýän ykdysady özgertmeler rowaçlanýar. Ýurdumyzyň ykdysady kuwwaty ýokarlanyp, dünýäniň ösen ýurtlarynyň hataryndaky orny has-da pugtalanýar.  Döwlet Baştutanymyz milli ykdysadyýetimiziň iri pudagy bolan oba hojalygynyň çalt depginlerde we durnukly ösdürilmegine uly üns berýär. Ýurdumyzda pagtanyň, dänäniň, gant şugundyrynyň bol hasyly alynýar. Dokma senagatynyň kärhanalary üçin gymmatly çig mal bolan pagtanyň öndürilişine möhüm ähmiýet berilýär. Şu ýerde bir zady nygtamalydyrys. Garaşsyzlyk ýyllarynda pagtany gaýtadan işläp, bäsleşige ukyply taýýar önümleriň alynmagy döwletimiziň ykdysady ösüşinde aýgytly ädim boldy. Munuň özi Garaşsyz, Bitarap döwletimiziň ykdysady kuwwatynyň has-da ýokarlanmagyna itergi berdi.  Pagta arassalaýjy kärhanamyzda önümçilik talaba laýyk ýola goýlup, ýokary görkezijiler gazanylýar. Kärhanamyzyň bölümleriniň sazlaşykly işi pagtany gaýtadan işlemekde ýokary netijeleriň gazanylmagyna oňyn täsirini ýetirýär. Pagta gaýtadan işlenende alynýan süýümiň hili hemişe ýokary gözegçilikde saklanylýar. Kärhanamyzda geçen ýylyň pagta hasyly gaýtadan işlenilýär. Bu ýerde tehnologiki düzgün-nyzamyň berk berjaý edilmegi işimiziň ilerlemegine kuwwatly itergi berýär.  Türkmen ili hormatly Prezidentimiziň parasatly baştutanlygynda şanly ýylymyzy uly üstünliklere beslemek maksadynda tutanýerli zähmet çekýär. Şu ýörelgä eýerýän kärhanamyzyň zähmetsöýer adamlary “Garaşsyz, baky Bitarap Türkmenistan — bedew batly at-myradyň mekany” ýylynyň taryhy wakasy boljak Garaşsyzlygymyzyň 35 ýyllygynyň baýramyna mynasyp sowgatly barýarlar. Kerwen ZYRRYÝEW.

Sakarçäge etrabynyň «Birleşik» daýhan birleşiginiň agzybir kärendeçileri hem topraga alyn derini siňdirip, oba hojalyk önümlerini öndürmekde ýylyň-ýylyna ýokary netijeleri gazanýarlar. Hojalykda däne, gowaça, gant şugundyry her iki ýyldan gezekleşdirilip ekilýär. Ekin dolanyşygynyň alnyp barylmagy topragyň gurplanyp, bol hasyl alynmagyna oňyn täsirini ýetirýär. Olar hormatly Prezidentimiziň oba zähmetkeşlerine döredip berýän ýeňilliklerinden, hemaýat-goldawlaryndan ruhlanyp, “Garaşsyz, baky Bitarap Türkmenistan — bedew batly at-myradyň mekany” ýylynyň bereketli hasylyny kemala getirmek üçin ekin meýdanlarynda hyjuw bilen işleýärler.  Daýhan birleşigi boýunça 2200 gektar ýere gowaça ekildi. Kärendeçiler günsaýyn boý alýan ekinleriň idegini kemsiz ýetiýärler. Sebäbi, olar ertirki bol hasylymyzyň esasy. Elbetde, gowaçanyň ideginde işler tä hasyl ýygnalýança dowam edýär. Özem olaryň biri beýlekisinden derwaýys. Muňa oňat düşünýän kärendeçiler toprakdan maňlaý derini aýamaýarlar. Ýer eýelerine mehanizatorlar hem ýakyndan kömekçi bolýarlar. Kärendeçileriň alkyşlaryna mynasyp bolan tejribeli mehanizatorlar Kakadurdy Hojammaýew, Kyýas Hangeldiýew, Bagtyýar Amangeldiýew ekin meýdanlarynda kultiwatorlar bilen hatarara bejergini, gowaçalary iýmitlendirmek işlerini alyp barýarlar.  Hormatly Prezidentimiziň oba hojalyk işgärleri üçin döredip berýän ýeňilliklerinden, hemaýat-goldawlaryndan peýdalanyp zähmet çekýän pagtaçy kärendeçiler üstümizdäki ýylda pagtanyň bereketli hasylyny ýetişdirerler. Pagtaçylar şanly Garaşsyzlygymyzyň 35 ýyllygynyň belleniljek ýylyny zähmet üstünlikleri bilen beslemegi maksat edinýärler. “Maksatly — menzil aşar” diýlişi ýaly, hojalygyň ýer eýeleriniň çekýän zähmetlerini nazarda tutsaň, olaryň arzuwlarynyň hasyl boljakdygyna ynamyň artýar.  Durdynabat BAÝRAMOWA.

Daşky gurşawy goramagyň Bütindünýä güni mynasybetli Mary welaýat häkimliginiň, Türkmenistanyň Demokratik, Agrar hem-de Senagatçylar we telekeçiler partiýalarynyň Mary welaýat komitetleriniň, Kärdeşler Arkalaşyklarynyň welaýat birleşmesiniň, welaýat Zenanlar bölüminiň,Ýaşlar Guramasynyň welaýat geňeşiniň şeýle hem Türkmenistanyň tebigaty goramak jemgyýetiniň Mary welaýat bölüminiň, Mary welaýat daşky gurşawy goramak we medeniýet müdirlikleriniň bilelikde gurnamaklarynda geçirilen maslahat hem çuň manyly çykyşlara beslendi. Mary welaýat kitaphanasynda ,,Daşky gurşawyň abadançylygy- sagdyn ýaşaýyşyň binýady” diýen at bilen geçirilen bu maslahatda edilen çykyşlarda Hormatly Prezidentimiziň parasatly ýolbaşçylygynda gözel tebigatymyzyň abadançylygyny gorap saklamak, Watanymyzyň ekologiýasynyň arassa saklanylmagynyň ynsanlaryň saglygyna ýetirýän täsirleri we bu ugurda alnyp barylýan toplumlaýyn işler dogrusynda giňişleýin durlup geçildi. Bu ýerde çykyş edenler Garaşsyz, baky Bitarap Türkmenistan diýarymyzda her ýylda ýazky we güýzki bag ekmek çäreleriniň yzygiderli geçirilýänligini belläp, bu köpçülikleýin çäreleriň ýurdumyzy bagy-bossanlyga öwürmekde, daşky gurşawymyzy abadanlaşdyrmakda, gözelleşdirmekde oňyn netijeleri berýänligi dogrusynda aýratyn durup geçdiler. Maslahata gatnaşanlar ýurdumyzyň asudalygyny, abadançylygyny, ekologiýamyzyň arassalygyny gorap saklamakda uly işleri durmuşa ornaşdyrýan türkmen halkynyň milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar. Berkarar döwletiň täze eýýamynyň Galkynyşy döwründe, mähriban Diýarymyzyň her bir künjegi uly dabaralara we taryhy wakalara beslenýär. Şonuň ýaly-da bütin dünýäde hem ýurdymyzda belli seneleriň biri bolan Daşky gurşawy goramagyň bütindünýä güni mynasybetli, Baýramaly şäher Medeniýet öýünde “Ekologiýa arassalygy – adamyň ýaşaýyşynyň gözbaşydyr” ady bilen aýdym-sazly, dabaraly çäre geçirildi. Ekologiýa medeniýetini ýokarlandyrmaga, tebigata bolan söýgini we jogapkärçiligi durnukly etmäge gönükdirilen bu dabaraly çärä welaýat tebigaty goramak we jemgyýeti goramak müdirlikleriniň, bilim ulgamynyň işgärleri we talyp ýaşlar gatnaşdylar. Aýdym-sazly dabara tans toparlarynyň çykyşlary, belent owazly aýdymlar we joşgunly sazlar bilen dowam etdi. Sungat ussatlarynyň ýerine ýetiren aýdymlarynda Berkarar döwletiň täze eýýamynyň Galkynyşy döwründe asuda we parahat Watanmyzyň, Hak howandarymyz Gahryman Arkadagymyzyň we Arkadagly Gahryman Serdarymyzyň alyp barýan rowaç işleriniň, ene tebigatyň gözelligi, Watanymyzyň püre-pür baglyga bürenýän ak ýollary belentden wasp edildi. Milli we döwrebap äheňleri özünde jemleýän joşgunly tanslar dabaranyň şowhunyny has-da artdyryp, tomaşaçylar tarapyndan gyzgyn el çarpyşmalar bilen garşylandy. Bagtyýar döwrümiziň ýaşyl öwüşgini bolan bu dabaraly çäre, bütindünýä ähmiýetli bu senäni welaýat derejesinde neneňsi uly ruhubelentlik bilen bellenip geçilýändiginiň aýdyň subutnamasy boldy. Welaýatyň tebigatynyň iň gözel ýerlerinde şeýle aýdym-sazly dabaralary hem giň gerim aldy. Tebigatyň ajaýyp görküne görk goşýan gözel baglaryň arasynda hem aýdym-sazyň belent owazy ýaňlandy. Bu şirin owazlar tebigat bilen sazlaşyp bir bitewi gözelligi emele getirdi. Tebigatyň waspy çar ýanda asudalyk, abadançylygyň ajaýyp waspy bolup alyslara ýaň saldy.Her bir ynsanyň tebigata, gurşap alan dünýämize bolan sarpany we mukaddes söýgüni ýene bir gezek aýdyň görkezýän ýatda galyjy waka öwrüldi. Daşky gurşawy aýawly, gorap saklamakda nusgalyk işleri durmuşa ornaşdyrýan Türkmen halkynyň milli Lideri Gahryman Arkadagymyza, Arkadagly Gahryman Serdarymyza alkyş hem hoşallyk sözleri aýdyldy. Altynaý Seýitberdiýewa.

 Türkmenistanyň başlangyjy bilen Birleşen Milletler Guramasynyň Baş Assambleýasy tarapyndan tassyklanan Bütindünýä welosiped güni ýurdumyzyň ähli künjeklerinde bolşy ýaly, Mary welaýatynda-da ýokary ruhubelentlikde welaýatyň bagtyýar ilatlarynyň giň köpçüliginiň agzybirlik bilen gatnaşmagynda ”Garaşsyz baky Bitarap Türkmenistan – bedew batly at myradyň mekany” ýylynda guramaçylykly bellenip geçildi. Mary welaýat häkimliginiň hem-de welaýatyň Bedenterbiýe we sport baradaky baş müdirliginiň bilelikde gurnamaklarynda geçirilen welosipedli ýörişe gatnaşýanlar ir säherden Mary şäheriniň Kemine köçesiniň ugrunda ýörişiň başlanýan ýerine jemlendiler. Bu günki baýramçylyk mynasybetli guralan welosipedli ýörişe gatnaşyjylar sport çäräniň başlanýan ýerinde welaýatyň medeniýet we sungat ussatlarynyň aýdym-sazly çykyşlaryna uly gyzyklanma bilen tomaşa etdiler. Medeniýet we sungat işgärleri, ussat aýdymçylary we tans toparlary özleriniň taýýarlan aýdymdyr sazlary we tanslary bilen çykyş etdiler. Bu ýerde belent heňde ýerine ýetirilen aýdymlarda we joşgunly tanslarda türkmen halkynyň Milli Lideri Gahryman Arkadagymyzyň hem-de Hormatly Prezidentimiz Arkadagly Gahryman Serdarymyzyň amala aşyrýan il-ýurt bähbitli rowaç işleri, gülleýän, gül açýan eziz Diýarymyz, şan-şöhraty dünýä dolan türkmen sporty giňden wasp edildi. Belent joşgun bilen ýerine ýetiren aýdymdyr sazlary we tanslary ýörişe gatnaşanlar gyzgyn garşyladylar. Her ýylyň 3-nji iýunynda dünýäniň köp döwletlerinde şeýle hem ýurdumyzda giňden bellenilýän ,,Bütindünýä welosiped güni” mynasybetli Mary şäheriniň giň köçeleri boýunça guralan welosipedli ýörişe welaýatyň edara-kärhanalarynyň ýolbaşçylary, Türkmenistanyň Mejlisiniň deputatlary, welaýat, şäher, etrap halk maslahatlarynyň agzalary, jemgyýetçilik guramalarynyň, bilim, saglyk, medeniýet, sport ulgamlarynyň wekilleri, talyp ýaşlar we köp sanly bagtyýar raýatlar gatnaşdylar. Sport janköýerleri Mary şäheriniň Kemine köçesinden bat alyp, şäheriň görkana, giň, owadan, gyralary gül-gunçaly, gür baglara bürenen köçeleri boýunça welosipedli ýöriş edip, bedenlerini berkitdiler. Baýramçylyk ýörüşine gatnaşýan ruhubelent welosipedçileriň gözýetime çenli uzap gidýän owadan hatarlary şäheriň gözelligi bilen aýratyn sazlaşygy emele getirip, hemmelerde köpçülikleýin bedenterbiýä, sporta, sagdyn durmuş ýörelgelerine, sportuň we sagdynlygyň ýurduna öwrülen ata Watanymyza bolan begenç hem buýsanç duýgusyny döretdi. Hormatly Prezidentimiziň ýolbaşçylygynda ýurdumyzda sport köpçülikleýin häsiýete eýe bolup, Berkarar döwletiň täze eýýamynyň galkynyşy döwrüniň baş şygaryna öwrülýär. Welosport hem türkmenistanlylaryň durmuşynda aýratyn orun eýeledi. Geçirilen köpçülikleýin welosipedli ýörişe gatnaşanlar ýol ugra şäherde bina edilen medeni maksatly binalaryň öňünde guralan aýdym-sazly baýramçylyk şowhunlaryna, sport görkezme çykyşlara tomaşa etdiler. Joşgunly baýramçylyk çykyşlarynda Berkarar döwletiň täze eýýamynyň Galkynyşy döwri, Hormatly Prezidentimiziň alyp barýan dünýä nusgalyk başlangyçlary, ýurdumyzyň asudalygy, sportda ýetilen belent sepgitler joşgunly wasp edildi. Ýörişiň dowamynda Hormatly Prezidentimiziň şähergurluşyk maksatnamasyna laýyklykda welaýat merkezinde bina edilen biri-birinden owadan, gündogar binagärlik derejesinde gurlan ymaratlary synlamakdan çäksiz lezzet alan bagtyýar raýatlar Milli Liderimiz Gahryman Arkadagymyzyň, Arkadagly Gahryman Serdarymyzyň adyna alkyş sözlerini aýtdylar. Türkmen halkynyň Milli Lideri Türkmenistanyň halk maslahatynyň başlygy Gahryman Arkadagymyzyň şahsy göreldesine eýerilip geçirilýän köpçülikleýin welosiped ýörişi, bedenterbiýe we sport ýaryşlary ýurdumyzda barha dabaralanyp, bütin dünýäde uly goldawa eýe bolýar. Sagdynlygyň we güýç-kuwwatyň çeşmesi hasaplanýan bu sport ýaryşlary beden we ruhy taýdan sagdyn ýaş nesli kemala getirmekde gaýragoýulmasyz edilýän aladalardan nyşandyr. Şu geçirilýän ýaryşlar ýurdumyzda sportuň welosiped sürmek ýaly görnüşiniň has meşhurlyga eýe bolýandygyny hem-de berk bedenli, berdaşly ussat türgenleriň kemala gelýändigini aýdyň görkezýär. Bu günki ýörişe gatnaşanlar bellenilen aralygy ruhubelentlik bilen geçip, pellehana geldiler. Mary şäheriniň merkezinde ýerleşýän welaýat medeniýet köşgüniň öňünde olary welaýatyň medeniýet we sungat ussatlary, sport türgenleri özleriniň aýdym sazly çykyşlary bilen garşyladylar. Meýdançada sportyň köp sanly görnüşleri boýunça sport görkezme çykyşlaryna-da giň orun berildi. Welaýatyň ýaş türgenleriniň sportuň dürli görnüşi boýunça görkezen çykyşlary dabaranyň şowhunyny has-da artdy. Bu ýerde görkezilen sport görkezme çykyşlary, ýaňlanan aýdym-sazlar hemmeleriň göwünlerini joşduryp, olarda ýakymly täsirler galdyrdy. Ýurdumyzyň ähli künjeklerinde bellenilen Bütindünýä welosiped güni döwletimiziň sport abraýynyň barha meşhurlyga eýe bolýandygyny we türkmen sportunyň ösüşleriň täze belentliklerine çykýandygyny ýene-de bir gezek bütin aýdyňlygy bilen subut etdi. Göwher Ataýewa

Döwlet nyşanlarymyzy we Baş Kanunymyzy sarpalamak, olaryň many-mazmunyny ýaş nesilleriň kalbyna siňdirmek maksady bilen welaýat kitaphanasynyň kiçi mejlisler zalynda welaýat kitaphanasynyň hem-de Türkmengala etrap merkezi kitaphanasaynyň bilelikde guramagynda «Döwletimiziň mukaddes nyşanlary» atly maslahat geçirildi. Oňa kitaphanaçylar, harby gullukçylar, welaýatyň «Marguş» çagalar we ýetginjekler döredijilik öýüniň çagalary, Mary şäherindäki daşary ýurt dillerine ýöriteleşdirilen 11-nji we 23-nji orta mekdepleriň okuwçylary gatnaşdylar. Maslahatyň dowamynda belent sepgitleri we watançylyk ýörelgelerini öz içine alýan birnäçe gymmatly çykyşlara giň orun berlip, onda Türkmengala etrap merkezi kitaphanasynyň kitaphanaçysy Oguljan Paýzyýewa, Türkmenistanyň Döwlet Serhet gullugynyň serkerdesi Merdan Muhamow, welaýat kitaphanasynyň kitaphanaçysy Göwher Ataýewa çykyş etdiler. Olar parahatçylygyň we durnuklylygyň nyşany bolan Döwlet baýdagymyza goýulýan sarpanyň ýokarydygy, onuň giň many-mazmuna eýedigi, Baş Kanunymyzda bellenilýän her bir maddanyň halkymyzyň bähbidine gönükdirilendigi hakynda giňişleýin gürrüň etdiler.  Maslahatyň dowamynda «Marguş» çagalar we ýetginjekler döredijilik öýüniň «Ýaş jahankeşde» gurnagynyň ýolbaşçysy Gülnar Meredowanyň okuwçylarynyň döwlet nyşanlarymyzy, asuda we bagtyýar durmuşymyzy wasp edýän şygyrlary labyzly we joşgunly okap bermekleri gatnaşyjylaryň ählisinde ýakymly ýatlamalary galdyrdy. Merjen ATAÝEWA.  

 Türkmenistanyň Konstitusiýasynyň we Türkmenistanyň Döwlet baýdagynyň gününe bagyşlanylyp, TAP-nyň welaýat, Mary şäher komitetleriniň bilelikde guramagynda  TKA-nyň welaýat birleşmesiniň mejlisler zalynda “Ýaşyl Tugy täç edinip, öňe barýar eziz Watan!” ady bilen maslahat geçirildi. Maslahata Türkmenistanyň Mejlisiniň deputatlary, welaýat, etrap, şäher halk maslahatlarynyň agzalary, TAP-nyň welaýat, şäher komitetleriniň işgärleri gatnaşdylar.  Maslahatda TAP-nyň welaýat komitetiniň bölüm müdiri Güljemal Nazarowa, TKA-nyň Şatlyk şäher birleşmesiniň başlygy Gurbanmuhammet Babaýew, TAP-nyň Murgap etrap komitetiniň hünärmeni Näzik Mukymowa çykyş etdiler. Çykyş edenler eziz Watanymyzyň her bir gününiň toý-baýramlara beslenýändigi, Türkmenistanyň Konstitusiýasynyň we Türkmenistanyň Döwlet baýdagynyň güni  mynasybetli geçirilýän  baýramçylyk çäreleriniň ýurdumyzyň ähli ýerinde giňden dabaralanýandygy dogrusynda giňişleýin gürrüň etdiler.  Mähriban MUHAMMETMYRADOWA.  

“Garaşsyz, baky Bitarap Türkmenistan — bedew batly at-myradyň mekany” ýylynyň şanly senesi bolan Türkmenistanyň Konstitusiýasynyň we Türkmenistanyň Döwlet baýdagynyň güni uly şatlyk-şowhuna beslendi. Ýurdumyzyň ähli ýerlerinde bolşy ýaly, bu baýramçylygyň dabarasy biziň welaýatymyzda-da giňden ýaýbaňlandyryldy. Mary şäherindäki Baş baýdak meýdançasy ir säherden köp adamly boldy. Toý lybasly meýdançadaky ýaşyl Baýdaklaryň buýsançly görnüşi dabaranyň şowhunyny has-da artdyrdy. Bu sene mynasybetli bu ýere ýygnanan adamlaryň ruhubelentligi dabara baýramçylyk öwüşginini çaýdy.  Baýramçylyk mynasybetli Döwlet baýdagyny galdyrmak dabarasyna welaýat häkimliginiň ýolbaşçylary, şäher, etrap häkimleri, Türkmenistanyň Mejlisiniň deputatlary, edara-kärhanalaryň ýolbaşçylary, syýasy partiýalaryň we jemgyýetçilik guramalarynyň hem-de ýaşuly nesliň wekilleri we ýaşlar gatnaşdylar. Dabarada Marynyň Ýolaman Hummaýew adyndaky ýörite sazçylyk mekdebiniň talyplarynyň ýerine ýetirmeklerinde Türkmenistanyň Döwlet senasy ýaňlandy we buýsançly owazyň astynda Döwlet baýdagy galdyryldy. Baýdak galdyrmak dabarasynda welaýatyň häkimi Döwranberdi Annaberdiýew, Sakarçäge etrabynyň ýaşaýjysy Tuwakmyrat Jumaýew, welaýat statistika müdirliginiň bölüm başlygy, Türkmenistanyň Mejlisiniň deputaty Jumageldi Ataýew, welaýat halk maslahatynyň başlygy Maksat Atajanow çykyş etdiler. Çykyş edenler dabara gatnaşyjylary Türkmenistanyň Konstitusiýasynyň we Türkmenistanyň Döwlet baýdagynyň güni bilen mähirli gutladylar. Hormatly Prezidentimiz Arkadagly Gahryman Serdarymyzyň baştutanlygynda durmuşa geçirilýän giň möçberli işler, ýetilen sepgitler dogrusynda buýsançly gürrüň etdiler. Soňra bu dabara aýdym-sazly çykyşlara utgaşdy. Welaýatymyzyň medeniýet we sungat ussatlarynyň aýdym-sazly çykyşlary, tansçylaryň şowhunly tanslary baýramçylyk dabarasynyň şatlyk-şagalaňyny artdyrdy. Aýparça AKYMOWA.

Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli Türkmenistanyň Agrar Partiýasynyň Mary welaýat we Mary şäher komitetleriniň hem-de Mary  welaýat Taryhy we ülkäni öwreniş muzeýiniň bilelikde gurnamaklarynda terbiýeçilik ähmiýetli, wagyz – nesihat çäresi geçirildi. Bu dabara Türkmenistanyň Agrar Partiýasynyň welaýat, şäher, etrap komitetleriniň işgärleri we işjeň agzalary we muzeý işgärleri uly ruhubelentlikde  gatnaşdylar. Dabaranyň dowamynda çykyş edenler beýik özgertmeleriň we ösüşleriň ýoly bilen öňe barýan eziz ýurdumyzda  ynsanperwerlik, parahatçylyk söýüjilik, hoşniýetli goňşyçylyk ýörelgelerini öňe sürýän Arkadagly Gahryman  Serdarymyzyň ýolbaşçylygynda Konstitusiýamyza we Döwlet baýdagymyza belent sarpa goýulýar we bu goşa baýramyň Diýarymyzda ýokary ruhubelentlikde bellenilmegi halkymyzy täze ýeňişlere ruhlandyrýan diýip uly buýsanç bilen belläp geçdiler. Şeýle-de  Hormatly Prezidentimiziň döwletli baştutanlygynda halkymyzyň milli öwüşginli medeni mirasyny  goramak, aýawly saklamak we muzeýleşdirmek işleriniň üstünlikli alnyp barylýandygyny we  ýurdumyzda hereket edýän döwlet muzeýlerindäki gadymy türkmen taryhynyň öçmez syrlary bolan milli medeni gymmatlyklarymyzyň, taryhy tapyndylarymyzyň sanynyň barha artýandygyny aýratyn nygtap geçdiler. Hormatly Prezidentimiziň ýolbaşçylygynda halkymyzyň geçmiş taryhyny, milli mirasyny gorap, geljekki nesillere miras goýmak, muzeý gymmatlyklarynyň üsti bilen Watanymyzyň şöhratly taryhyna söýgi döretmek, şeýle-de, muzeý hünärmenleriniň hünär ussatlygyny kämilleşdirmek dogrusynda täsirli gürrüňler edildi. Dabara gatnaşan bagtyýar adamlar asudalygyň we bagtyýarlygyň nyşany bolan, parahatçylyk we adalatlylyk baradaky milli düşünjeleri özünde jemleýän  Konstitusiýamyz,  dostlugymyzyň we hoşniýetliligimiziň nyşany hökmünde ýer ýüzünde belentde pasyrdaýan Döwlet baýdagymyz biziň milli guwanjymyzdyr, dünýä ýaň salýan abraýymyz we mertebämizdir diýip ýürek buýsançlaryny belläp geçdiler. Dabara gatnaşanlar halkymyzyň medeni mirasyny  goramak, aýawly saklamak we geljekki nesillere miras goýmak ugrunda giň mümkinçilikleri döredip berýän Hormatly Prezidentimiziň janynyň sag bolmagyny, ömrüniň uzak bolmagyny, alyp barýan döwlet ähmiýetli işleriniň diňe rowaçlyklara beslenmegini tüýs ýürekden arzuwladylar. Aýnabat Annagurbanowa.

    Türkmenistanyň Kärdeşler Arkalaşyklarynyň Mary welaýat birleşmesiniň gurnamagynda Türkmenistanyň Konstitusiýasynyň we Döwlet baýdagynyň güni mynasybetli okuw maslahaty geçirildi.Okuw maslahatyna Türkmenistanyň Kärdeşler Arkalaşyklarynyň welaýat çäk birleşmeleriniň,pudaklaýyn geňeşleriniň we ilkinji guramalarynyň ýolbaşçylary,bölüm müdirleri,hünärmenleri gatnaşdylar. Bu ýerde çykyş eden adamlar maslahata gatnaşanlary Türkmenistanyň Konstitusiýasynyň we Döwlet baýdagynyň güni mynasybetli gutladylar.Şeýle-de Hormatly Prezidentimiziň alyp barýan il-ýurt bähbitli syýasatlaryny wagyz etmekde,ilkinji guramalaryň alyp barýan işleriniň netijeliligini ýokarlandyrmakda durmuşa geçirilýän işler dogrusynda durup geçdiler. Kärdeşler Arkalaşygy guramalaryna täze iş usullaryny ornaşdyrmak, iş  tejribesini alyşmak barada hem aýratyn nygtalyp geçildi.Okuw maslahatyna gatnaşanlar Kärdeşler Arkalaşyklarynyň işlerini özgertmekde amala aşyrýan işleri üçin Türkmen halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza alkyş sözlerini aýtdylar. Çarymuhammet Saparow.

    “Garaşsyz baky Bitarap Türkmenistan bedew batly at myradyň mekany” ýylynda Türkmenistanyň döwlet energetika institutynda, “Türkmenistanyň konstitusiýasynyň we Türkmenistanyň Döwlet baýdagynyň güni” mynasybetli Türkmenistanyň Magtymguly adyndaky Ýaşlar guramasynyň Mary welaýat Geňeşi we şäher, etrap Geňeşleri hem-de Türkmenistanyň Döwlet energetika institutynyň bilelikde guramaklarynda  “Baýdagymyz-başymyzyň täjidir, Kanunymyz-kalbymyzyň güýjidir” atly aýdym-sazly maslahat duşuşygy geçirildi. Duşuşyga ýaşlar guramasynyň Mary welaýat geňeşiniň işgärleri, institutyň professor mugallymlary we talyp ýaşlary gatnaşdylar. Maslahatda çykyş edenler “Garaşsyz baky Bitarap Türkmenistan bedew batly at myradyň mekany” ýylynda ýurdumyzda alynyp barylýan işler we Garaşsyzlyk ýyllary içinde milli ykdysadyýetimizi ähli taraplaýyn ösdürmekde Esasy Kanunymyzyň  ähmiýeti we Watanymyzyň asudalygynyň, jebisliginiň, erkana ýaşaýşymyzyň nyşany hökmünde belentde parlaýan ýaşyl Tugumyzyň mukaddesligi dogrusynda giňişleýin gürrüňler etdiler. Maslahata gatnaşanlar il-ýurt bähbitli uly işleri durmuşa geçirýän, Watanymyzyň halkara abraýyny belende göterýän türkmen halkynyň Milli Lideri Gahryman Arkadagymyzyň we Arkadagly Gahryman Serdarymyzyň adyna alkyş sözlerini aýtdylar. Şeýle-de bu ýerde talyp ýaşlaryň aýdym-sazly çykyşlaryna-da uly orun berildi. Nurjahan Mämmedowa.

   Berkarar döwletiň täze eýýamynyň Galkynyşy döwründe Hormatly Prezidentimiz Arkadagly Gahryman Serdarymyzyň, Türkmen halkynyň Milli Lideri Gahryman Arkadagymyzyň parasatly baştutanlygynda türkmen halkymyz ösüşlerden ösüşlere barýar. Her bir günümiz toý – baýramlara, şanly wakalara beslenýär. Her ýyl Türkmenistanyň Konstitusiýasynyň we Döwlet baýdagynyň güni uly dabaralar bilen bellenip geçirilýär. Şu goşa mukaddeslige bagyşlanyp Türkmenistanyň Demokratik partiýasynyň Mary welaýat, Mary, Baýramaly şäher, Oguzhan, Mary, Wekilbazar, Sakarçäge, Baýramaly, Garagum, Türkmengala, Ýolöten, Murgap etrap komitetleriniň we welaýat Baş bilim müdirliginiň bilelikde gurnamagynda “Parahatlyk nyşany sen baýdagym, adalat Kanunym köňül aýdymym” atly dabaraly maslahat geçirildi. Maslahata Türkmenistanyň Mejlisiniň deputatlary, welaýat, şäher, etrap Halk Maslahatynyň agzalary, Türkmenistanyň Demokratik partiýasynyň Mary welaýat, şäher, etrap komitetleriniň işgärleri we işjeň agzalary, köpçülikleýin habar beriş serişdeleriniň wekilleri gatnaşdylar. Bu maslahatda edilen çykyşlarda Diýarymyzyň Garaşsyzlygyny, hemişelik Bitaraplygyny pugtalandyrmakda, raýatlarymyzyň hukuklaryny kepillendirmekde, milli ykdysadyýetimizi ähli taraplaýyn ösdürmekde Esasy Kanunymyzyň orny we ähmiýeti barada giňişleýin gürrüň edildi. Bu ýerde çykyş edenler Watanymyzyň asudalygynyň, jebisliginiň, erkana ýaşaýşymyzyň nyşany hökmünde belentde parlaýan ýaşyl Tugumyzyň mukaddesligi dogrusynda hem buýsançly söhbet etdiler. Maslahata gatnaşanlar il-ýurt bähbitli uly işleri durmuşa geçirýän, Watanymyzyň halkara abraýyny belende göterýän Hormatly Prezidentimiziň adyna alkyş we hoşallyk sözlerini beýan etdiler. Nabat Atajanowa.

«Garaşsyz, baky Bitarap Türkmenistan — bedew batly at-myradyň mekany» ýylyny ýeňişlere besleýän türkmen ili Arkadagly Gahryman Serdarymyzyň baştutanlygynda has-da bagtyýar ertirine barýar. Ajap eýýamymyzda toýlary goşa-goşadan gelýän halkymyz uly toýuna taýýarlyk görýär. Türkmenistanyň Konstitusiýasynyň we Döwlet baýdagynyň baýramynyň buýsançly aýratynlygy Garaşsyz, baky Bitarap döwletimiziň berkararlygynda jemlenýänligindedir. Esasy Kanunymyz ýurdumyzyň berkararlygyny hukuk taýdan ykrar edip, ähli ugurlardaky ösüşlerimiziň hukuk binýadyny pugtalandyrýar.   Türkmenistanyň Konstitusiýasynyň kabul edilen güni gadymy türkmen halkynyň demokratik, hukuk we dünýewi döwleti gurmakdaky wajyp hem-de aýgytly ädimi hökmünde taryha girdi. Bilşimiz ýaly, Konstitusiýamyz Garaşsyz, baky Bitarap döwletimiziň Esasy Kanuny bolmak bilen, ýurdumyzyň hereket edýän kanunçylygynyň binýady bolup durýar. Onda döwletiň gurluşynyň hukuk ýagdaýy kesgitlenilýär.   Esasy Kanunymyzda Döwlet baýdagymyzyň Türkmenistanyň özygtyýarly döwlet hökmündäki nyşanlaryň biridigi bellenen. Döwlet baýdagymyz döwletimiziň özygtyýarlylygyny we berkararlygyny alamatlandyrýan mukaddeslikdir. Merdana ata-babalarymyz şan-şöhrata beslenen gahrymançylykly asyrlary  aşyp, bu gün türkmen ili abraý-mertebesi dünýä dolan Garaşsyz, Bitarap Türkmenistan döwletine guwanýar we buýsanýar.  Güljeren MYRADOWA.

Berkarar döwletiň täze eýýamynyň Galkynyşy döwründe Türkmenistanyň Konstitusiýasynyň we Döwlet baýdagynyň baýramynyň bilelikde bellenilmegi çuň mana eýedir. Halkymyz bu iki mukaddeslige uly sarpa goýýar. Baýdak ýurduň geçmişini, şu gününi we geljegini özünde jemleýär. Türkmen halky parahatçylygy we abadançylygy hemişe arzuw edip gelipdir. Bu arzuwlar biziň Döwlet baýdagymyzda öz beýanyny tapýar. Bu bolsa, halkymyzyň ruhy-ahlak däplerine, watansöýüjilik ýörelgelerine, şöhratly ata-babalarymyzyň wesýetine pugta eýerilýändigini subut edýär. Türkmenistanyň Döwlet baýdagy Birleşen Milletler Guramasynyň edara binasynyň we beýleki iri halkara guramalarynyň öňünde, dünýäniň köp sanly döwletlerinde, şeýle hem ähli şäherlerimizde we obalarymyzda buýsançly parlaýar.  Türkmenistanyň Konstitusiýasynda ýurdumyzda jemgyýetiň we döwletiň iň gymmatly hazynasynyň adamdygynyň aýratyn nygtalyşy ýaly, Berkarar döwletimizde amala aşyrylýan özgerişleriň halkymyzyň ýaşaýyş-durmuşyny has-da ýokary götermäge, jemgyýetiň kadaly we durnukly ösüşini üpjün etmäge gönükdirilýändigi örän buýsandyryjydyr. Watanymyzda durmuş-ykdysady ösüşde, medeni-ynsanperwer ulgamda hem-de jemgyýetçilik-syýasy durmuşda gazanylýan üstünlikler, ýetilýän belent sepgitler geriminiň giňligi bilen häsiýetlenýär. Döwletli Diýarymyzda dabaraly bellenilip geçilýän toý baýramlar bolsa, şol ajaýyp üstünliklere, belent sepgitlere çuň many öwüşginini çaýýar.   Halkymyz bagtyýar durmuşda ýaşaýandygy üçin Gahryman Arkadagymyza, Arkadagly Gahryman Serdarymyza alkyş sözlerini aýdýar.   Myrat ATAÝEW. 

Bahar paslynyň ajaýyp gözelligi

Fotoreportaj: Futbol boýunça Türkmenistanyñ çempionaty 12-nji tapgyr Altyn Asyr - Merw

Fotoreportaj: Futbol boýunça Türkmenistanyñ çempionaty Merw 1-1 Altyn Asyr

Fotoreportaž: Mary welaýaty: Çagalary goramagyň halkara güni mynasybetli geçirilen dabaralardan pursatlar

Fotoreportaž: Mary welaýatynda Bütindünýä welosiped güni bellenilip geçildi.

Fotoreportaž: Mary welaýaty: Türkmenistanyň ÝUNESKO agzalygyna kabul edilmeginiň 30 ýyllygyna bagyşlanan dabaralardan pursatlar.

Fotoreportaj: DÇ-2026 saýlama tapgyry Türkmenistan 0-1 Eýran yslam respublikasy

Fotoreportaj: Mary şäheriniň Çagalar çeperçilik mekdebiniň okuwçylarynyň işleri