Ýurdymyzda her ýyly mynasyp atlandyrmak asylly däbe öwrülişi ýaly   2026-njy ýyl hem “Garaşsyz, baky Bitarap Türkmenistan – Bedew batly at-myradyň mekany” diýip atlandyrylmagy mynasybetli geçirilýän maslahatlardyr, dabaralar giň gerime eýe bolup, şeýle dabraly maslahatlaryň biri hem Türkmenistanyň Gurluşyk we binagärlik ministrliginiň Mary şäherindäki jemagat hojalygy orta hünär okuw mekdebiniň hem-de Mary welaýat kitaphanasynyň bilelikde gurnamagynda  geçirildi. Ýylyň şanly şygaryna bagyşlanyp geçirilen  maslahata bu okuw jaýynyň mugallymlary, talyp ýaşlary hem-de kitaphana işgärleri gatnaşdylar.   Bu ýerde çykyş edenler ýylyň şanly şygarynyň ähmiýeti, halkymyzyň köp asyrlyk taryhynda hem türkmen atlarynyň uly orny eýeländigi, onyň bütin dünýäde şan-şöhraty, meşhurlygy we häzirki günimizde-de bu milli gymmatlygymyza uly sarpa goýulýandygy dogrusynda täsirli gürrüňler etdiler. Maslahata gatnaşanlar halkymyzyň röwşen gelejegi ugrynda taýsyz tagallalary edýän Hormatly Prezidentimiz Arkadagly Gahryman Serdarymyza, Milli Liderimiz Gahryman Arkadagymyza çäksiz hoşallyklaryny we alkyşlaryny beýan etdiler. Altynaý Seýitberdiýewa.

    Türkmenistanyň Zenanlar birleşiginiň Merkezi Geňeşiniň yglan eden “Ýylyň zenany” atly bäsleşiginiň Mary welaýat tapgyry geçirilip, ol ýurdumyzda zenanlara goýulýan hormat-sarpanyň belentdigini açyp görkezdi.  “Garaşsyz, baky Bitarap Türkmenistan-bedew batly at-myradyň mekany” ýylynda Türkmenistanyň Zenanlar birleşiginiň Mary welaýat Zenanlar bölüminiň gurnamagynda geçirilen bäsleşigiň bu tapgyryna etrap, şäher saýlama tapgyrlarynda tapawutlanan dürli kärdäki we dürli ýaşdaky işewür zenanlaryň ençemesi gatnaşdylar. Zenanlaryň ukyp-başarnyklaryny, hünär kämilligini açyp görkezmek, olaryň önümçilige we ýurduň syýasy, jemgyýetçilik durmuşyna işjeň gatnaşmagyna ýardam bermek, zenanlaryň zähmet hemem durmuş işjeňligini ýokarlandyrmak maksady bilen geçirilen bu bäsleşikde oňa gatnaşan zenanlar  jemgyýetçilik durmuşynyň dürli ugurlary boýunça üstünlikli çykyş etdiler. Dürli öwüşginler bilen milli äheňde bezelen ajaýyp sahnada çykyş eden zenanlar türkmen halkynyň gaýtalanmajak medeni mirasyny bagtyýarlyk döwrüniň ösen talaplaryna laýyk kämilleşdirmekde, milli däp-dessurlarymyzy, ene-mamalarymyzdan dowam edip gelýän el işlerimiziň aýratynlyklaryny, keşdeçilik sungatynyň inçe syrlaryny ýaş nesillere öwretmekde, oba hojalyk önümçiligini we hususy telekeçiligi ösdürmekde alyp barýan asylly işleri barada gürrüň berdiler. Bäsleşigiň dowamynda  halkymyzyň ruhy-medeni we durmuş-ykdysady ösüşlerine özleriniň saldamly goşantlaryny goşýan işewür zenanlaryň ýaşaýyş-durmuşuna we kesp-kärine bagyşlanyp taýýarlanylan wideo şekilli görnüşleriň hödürlenilmegi bu ýere gelenlerde hemem bäsleşigiň emin agzalarynda aýratyn täsirler galdyrdy. Bäsleşikde has tapawutlanyp ýokary taýýarlykly çykyş eden zenanlar “Ýylyň zenany” bäsleşiginiň döwlet tapgyryna gatnaşmak hukuguna eýe boldular we olar Türkmenistanyň Kärdeşler arkalaşyklarynyň Mary welaýat birleşmesiniň ýadygärlik sowgatlary bilen sylaglandylar. Soňra bäsleşige gatnaşanlar ýurdumyzda zenan mertebesine uly hormat goýýan, Watanymyzy ösüşlerden ösüşlere alyp barýan Gahryman Arkadagymyza, Arkadagly Gahryman Serdarymyza tüýs ýürekden çykýan alkyşly sözlerini aýtdylar. Dursun Ilbegiýewa.

    Mary welaýat kitaphanasynda ,,Garaşsyz, baky Bitarap Türkmenistan-bedew batly at-myradyň mekany” ýylynyň many-mazmunyny, ähmiýetini wagyz-nesihat etmek maksady bilen, “şanly ýylyň  şygry-ýürekleriň kelamy” atly maslahat geçirilip, oňa Türkmenistanyň Mejlisiniň deputatlary, welaýat, etrap, şäher Halk maslahatynyň agzalary, welaýatyň jemgyýetçilik guramalarynyň wekilleri hem-de medeniýet, bilim, saglyk ulgamlarynyň işgärleri uly ruhubelentlik bilen gatnaşdylar. Mary welaýat häkimliginiň, Demokratik we Agrar partiýalaryň welaýat komitetleriniň, Kärdeşler Arkalaşyklarynyň welaýat birleşmesiniň, welaýat Zenanlar bölüminiň hem-de  Ýaşlar guramasynyň welaýat geňeşiniň bilelikde gurnamagynda geçirilen bu maslahatda Hormatly Prezidentimiziň parasatly baştutanlygynda ýurdumyzda gazanylýan ösüşler, ,,Garaşsyz, baky Bitarap Türkmenistan-bedew batly at-myradyň mekany” ýylynyň şanly wakalary  dogrusynda buýsançly gürrüňler edildi. Bu ýerde çykyş edenler ýylyň şanly şygarynyň ähmiýeti, halkymyzyň köp asyrlyk taryhynda hem türkmen atlarynyň uly orny eýeländigi, onyň bütin dünýäde şan-şöhraty, meşhurlygy we häzirki günimizde-de bu milli gymmatlygymyza uly sarpa goýulýandygy dogrusynda täsirli gürrüňler etdiler. Şele hem maslahatda çykyş edenler ýurdumyzyň Garaşsyzlygynyň 35 ýyllyk,  baýramyna görülýän taýýarlyk işleri dogrusynda-da aýratyn durup geçdiler. Maslahata gatnaşanlar parahat ýurdumyzda dostlukly gatnaşyklary pugtalandyrmakda uly işleri durmuşa ornaşdyrýan türkmen halkynyň milli Lideri Gahryman Arkadagymyza we Arkadagly Gahryman Serdarymyza alkyş we hoşallyk sözlerini aýtdylar. Altynaý Seýitnyýazowa.

   ,,Garaşsyz, Baky Bitarap Türkmenistan-Bedew batly at-myradyň mekany” ýyly mynasybetli Mary welaýatynyň Mary etrabynda  etrap häkimliginiň, Türkmenistanyň Demokratik partiýasynyň Mary etrap komitetiniň, Ýaşlar Guramasynyň etrap geňeşiniň, Agrar partiýanyň etrap komitetiniň we etrap medeniýet bölüminiň bilelikde guramaklarynda aýdym-sazly dabara geçirildi. Etrabyň döwrebap Medeniýet öýünde ,,Garaşsyz, Baky Bitarap Türkmenistan şan-şöhratyň dünýä ýaýylýar“- ady  bilen geçirilen bu dabaraly çärä Mary etrap bilim edaralarynyň işgärleri, ýaşuly gojalar, mährem eneler, we etrabyň dürli ulgamlarynda zähmet çekýän bagtyýar raýatlary gatnaşdylar. Bu ýerde etrabyň sungat ussatlary  hoş owazly aýdymlary bilen çykyş etdiler we etrabyň “Marguş” tans toparynyň uly ussatlyk bilen ýerine ýetiren döwrebap tanslary ruhubelentlik eçilip, bu ýere gelenleriň kalbyny has-da joşdurdy. Ýerine ýetirilen çykyşlarda Berkarar döwletiň Täze eýýamynyň Galkynyşy döwrüniň eşretli zamanasynyň barha şan-şöhrata eýe bolýan ajap döwrümiziň waspy giňden beýan edildi. Dabaradaky ýürekleri joşduran şirin mukamlaryň ählisi halkymyza baky bagtyýarlygy bagyş eden Türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň adyna tüýs ýürekden çykýan alkyş sözleri bolup ýaňlandy. Dabaranyň dowamynda Bedew batly öňe barýan Watanymyzyň  täze ady bilen baglanyşykly edilen täsirli gürrüňler bu ýere ýygnananlara ýakymly duýgulary bagyşlady. Nurjahan  Mämmedowa.

  Berkarar döwletiň täze eýýamynyň Galkynyşy döwründe Garaşsyz hemişelik Bitarap Watanymyzda jemgyýetde zenanlaryň işjeňligini artdyrmaga  aýratyn üns berilýär. Hormatly Prezidentimiziň zenanlara goýýan sarpasyna jogap etmek we zenanlaryň başarnygyny we ukybyny açyp görkezmek, ösüşleriň dürli ugurlary boýunça zenanlaryň tekliplerini öwrenmek we goldamak, ýurdumyzda maşgalalaryň abadan ýaşamagyna gönükdirilen ösüşleri, ýetilen beýik sepgitleri, wagyz etmek maksady bilen, Türkmenistanyň Zenanlar birleşiginiň Merkezi Geňeşi Halkara zenanlar güni mynasybetli Watanymyzyň hem halkymyzyň öňünde guwandyryjy işleri bitirýän  zenanlaryň arasynda “Ýylyn zenany” atly bäsleşik yglan edilýär. Şeýle bäsleşikleriň birem Türkmenistanyň Zenanlar birleşiginiň Mary etrap bölüminiň  guramagynda  Mary etrap Peşanaly şäherçesindäki  medeniýet öýünde „Ýylyň zenany“ atly Mary etrap tapgyry geçirilip, ol egsilmejek ruhubelentlige beslendi. Bäsleşigiň bu tapgyryna etrabyň dürli ulgamlarynda zähmet çekýän işewür zenanlar gatnaşdylar. Bäsleşigiň etrap tapgyryna gatnaşan zenanlar  özleriniň döredijilik ussatlyklary, ukyp-başarnyklary we öňde goýlan maksatlary boýunça çykyş etdiler. Bäsleşigiň geçýän ýerinde muzeý gymmatlyklarynyň, haly we haly önümleriniň, ene-mamalarymyzdan miras galan, nepislik bilen bezelen  el işleriniň we  dürli görnüşdäki  milli toý lybaslarynyň görnüşleriniň giň gerimde ýaýbaňlanan sergisem oňa özboluşly millilik ruhuny çaýdy. Bäsleşikde has tapawutly çykyş edip, ýeňiji bolan toparlara Türkmenistanyň Zenanlar birleşiginiň Mary etrap bölüminiň ýörite taýýarlan sowgatlary gowşuryldy we bäsleşigiň welaýat tapgyryna gatnaşmaga hukuk berildi. Bäsleşigiň dowamynda medeniýet we sungat ussatlarynyň aýdym-sazly çykyşlaram giň gerimde ýaýbaňlandy. Bagtyýarlyk döwrümiziň tarypyny ýetirýän şowhunly çykyşlar bäsleşige gatnaşanlaryň ruhuny göterdi. Egsilmejek ruhubelentlige beslenip geçirilen bu bäsleşikde oňa gatnaşan bagtyýar zenanlar halkymyzy bolelin durmuşda ýaşatmak ugrunda edýän bimöçber aladalary üçin Hormatly Prezidentimiziň adyna çyn ýürekden çykýan alkyş sözlerini aýtdylar. Nurjahan Mämmedowa.

   “Garaşsyz, baky Bitarap Türkmenistan, Bedew batly at-myradyň mekany” ýylynda, öz gözbaşyny müňýyllyklardan alyp gaýdýan milli medeniýetimizi we sungatymyzy dünýä tanatmakda nusga alarlyk işler alynyp barylýar. Halkymyzyň ruhy  ahlak gymmatlyklaryna , milli medeniýetine , däp-dessuryna daýanyp ,ýaş nesillerde milli gymmatlyklarymyza bolan söýgini artdyrmakda-da birnäçe  işler durmuşa geçirilýär. Türkmenistanyň Magtymguly adyndaky Ýaşlar guramasynyň  Mary welaýat, şäher, etrap geňeşleriniň bilelikde gurnamagynda talyp ýaşlar we guramanyň işgärleriniň we işjeň agzalary bilen gezelenç gurnaldy. Gezelenjiň dowamynda oňa gatnaşan ýaşlar muzeýiň ähli bölümlerine aýlanyp, tebigatyň täsinliklerini we  gadymdan gelýän däp – dessurlarymyz , milli gymmatlyklarymyz hem-de köp asyrlyk taryhymyz bilen ýakyndan tanyşdylar. Olar özleriniň birnäçe gyzyklanýan soraglaryna jogap tapdylar. Gezelenje gatnaşanlar Milli medeniýetimizi ,taryhy geçmişimizi öwrenmäne we dünýä ýaýmaga nusgalyk işleri alyp barýan Gahryman Arkadagymyza, Arkadagly Gahryman Serdarmyza alkyş hem hoşallyk sözlerini beýan etdiler. Maýa Annameredowa.

      Mary welaýatynyň Wekilbazar etrabynyň medeniýet öýünde Wekilbazar etrap häkimliginiň, Kärdeşler arkalaşyklarynyň Wekilbazar etrap birleşmesiniň, Demokratik we Agrar partiýalarynyň etrap komitetleriniň, Ýaşlar guramasynyň etrap geňeşiniň bilelikde gurnamaklarynda, “Garaşsyz,baky Bitarap Türkmenistan-bedew batly at-myradyň mekany” ýylyna bagyşlanyp saz-söhbetli dabara geçirildi. Bu dabaradaky çykyşlarda Hormatly Prezidentimiz Arkadagly Gahryman Serdarymyzyň tagallasy bilen ýurdumyzda gazanylýan beýik ösüşler, milli mirasymyza goýulýan sarpa we erkana, asuda watanymyzda her bir ýylyň mynasyp atlandyrylyşy, üstümizdäki ýylyň hem behişdi bedewlerimiz bilen baglanyşdyrylmagynda çuňňur many-mazmunuň barlygy dogrusynda aýratyn durlup geçildi. Eýle hem bedew atlarymyzyň gözelligi, ýyndamlygy dogrusyndaky gürrüňler hem dabarada edilen çykyşlaryň içinden eriş-argaç bolup geçdi. Bu ýerde etrabyň medeniýet merkeziniň döredijilik işgärleriniň döwrebap aýdym – sazly çykyşlaryna uly orun berildi. Asuda, parahat, erkana  Watanymyzy, agzybir halkymyzy hem-de “Garaşsyz, baky Bitarap Türkmenistan-bedew batly at-myradyň mekany” ýylyny wasp edýän aýdymdyr-sazlar we joşgunly tanslar dabara gatnaşanlaryň buýsançly kalbyny belende göterip, olara egsilmejek ruhy-lezzet paýlady. Merjen Çaryýarowa.

    Berkarar döwletimiziň täze eýýamynyň Galkynyşy döwründe  Hormatly Prezidentimiziň baştutanlygynda öz gözbaşyny müňýyllyklardan alyp gaýdýan milli medeniýetimiz we sungatymyz barha özgerýär we ösdürilýär. Taryhymyzy watandaşlarymyza we ösüp gelýän ýaş nesillerimize ýetirmekde uly işler durmuşa geçirilýär. Mary welaýatyň Türkmen döwlet Energetika institutynyň gurnamagynda Energetika institutynyň talyplary  bilen “Gadymy Merw” taryhy medeni döwlet goraghanasynyň ýadygärliklerinde gezelençde boldylar. Gezelenjiň dowamynda ýaşlara bu gadymy taryhy ýadygärliklerimiziň döreýşi, onda ýerleşýän “Soltan-Sanjaryň” kümmetiniň we “Gyzlar” galasynyň hem-de “Erik”galasynyň gurluş aýratynlyklary dogrusynda täsirli gürrüňler berildi. Şeýle hem bu ýadygärliklerde taryhy we tebigy ýadygärlikleri ýüze çykarmak boýunça alnyp barylýan işleri barada hem giňişleýin maglumat berildi. Talyp ýaşlar aýlanyp taryhy geçmişimiziň we tebigatyň täsin gözellikleri bilen ýakyndan tanyş boldylar. Ýurdumyzyň gelejegi bolan ýaş nesiller täsirli gezelenjiň dowamynda özleriniň  gyzyklanýan soraglaryna takyk jogap tapdylar. Maýa Annameredowa.

   “Garaşsyz baky Bitarap Türkmenistan – bedew batly at myradyň-mekany” ýyly mynasybetli geçirilýän çäreleriň çäginde Sakarçäge etrap häkimliginiň etrap medeniýet bölüminiň, Türkmenistanyň Zenanlar birleşiginiň etrap bölüminiň gurnamagynda hem dabara geçirildi. Etrap merkezindäki  Medeniýet öýünde “Mirasyma hormatym bar,sarpam bar” atly geçirlen medeni çärede Sakarçäge etrap medeniýet bölüminiň halk döredijilik merkeziniň medeniýet işgärleri çykyş etdiler. Hormatly Prezidentimiziň milli medeniýetimizi we edebi mirasymyzy ösdürmek barada edýän  aladalaryna mynasyp iş bilen jogap berýän medeniýet işgärleriň aýdym-sazly çykyşlary özboluşly aýratynlygy bilen tapawutlandy. Bu ýerde ýerne ýetirilen folklor çykyşlarynda ene-mamalarymyzdan miras galan nusgalyk el işleri, milli şaý seplerimiz görkezilip olar täze öwüşgine, many-mazmuna eýe boldy. Bagşy sazandalaryň,ussat aýdymçylaryň çykyşlarynda bolsa Hormatly Prezidentimiziň medeniýetimizi we sungatymyzy ösdürmekde amala aşyrýan rowaç işleri, ýylyň döwrebap atlandyrlan şygary astynda gazanylýan üstünlikler we ajaýyp döwrümiz joşgunly wasp edildi. Maýa Annameredowa.

    Mary welaýat kitaphanasynda ,,Garaşsyz, baky Bitarap Türkmenistan-bedew batly at-myradyň mekany” ýylynyň many-mazmunyny, ähmiýetini wagyz-nesihat etmek maksady bilen, “şanly ýylyň  şygry-ýürekleriň kelamy” atly maslahat geçirilip, oňa Türkmenistanyň Mejlisiniň deputatlary, welaýat, etrap, şäher Halk maslahatynyň agzalary, welaýatyň jemgyýetçilik guramalarynyň wekilleri hem-de medeniýet, bilim, saglyk ulgamlarynyň işgärleri uly ruhubelentlik bilen gatnaşdylar. Mary welaýat häkimliginiň, Demokratik we Agrar partiýalaryň welaýat komitetleriniň, Kärdeşler Arkalaşyklarynyň welaýat birleşmesiniň, welaýat Zenanlar bölüminiň hem-de  Ýaşlar guramasynyň welaýat geňeşiniň bilelikde gurnamagynda geçirilen bu maslahatda Hormatly Prezidentimiziň parasatly baştutanlygynda ýurdumyzda gazanylýan ösüşler, ,,Garaşsyz, baky Bitarap Türkmenistan-bedew batly at-myradyň mekany” ýylynyň şanly wakalary  dogrusynda buýsançly gürrüňler edildi. Bu ýerde çykyş edenler ýylyň şanly şygarynyň ähmiýeti, halkymyzyň köp asyrlyk taryhynda hem türkmen atlarynyň uly orny eýeländigi, onyň bütin dünýäde şan-şöhraty, meşhurlygy we häzirki günimizde-de bu milli gymmatlygymyza uly sarpa goýulýandygy dogrusynda täsirli gürrüňler etdiler. Şele hem maslahatda çykyş edenler ýurdumyzyň Garaşsyzlygynyň 35 ýyllyk,  baýramyna görülýän taýýarlyk işleri dogrusynda-da aýratyn durup geçdiler. Maslahata gatnaşanlar parahat ýurdumyzda dostlukly gatnaşyklary pugtalandyrmakda uly işleri durmuşa ornaşdyrýan türkmen halkynyň milli Lideri Gahryman Arkadagymyza we Arkadagly Gahryman Serdarymyza alkyş we hoşallyk sözlerini aýtdylar. Altynaý Seýitnyýazowa.

   ,,Garaşsyz, Baky Bitarap Türkmenistan-Bedew batly at-myradyň mekany” ýyly mynasybetli Mary welaýatynyň Mary etrabynda  etrap häkimliginiň, Türkmenistanyň Demokratik partiýasynyň Mary etrap komitetiniň, Ýaşlar Guramasynyň etrap geňeşiniň, Agrar partiýanyň etrap komitetiniň we etrap medeniýet bölüminiň bilelikde guramaklarynda aýdym-sazly dabara geçirildi. Etrabyň döwrebap Medeniýet öýünde ,,Garaşsyz, Baky Bitarap Türkmenistan şan-şöhratyň dünýä ýaýylýar“- ady  bilen geçirilen bu dabaraly çärä Mary etrap bilim edaralarynyň işgärleri, ýaşuly gojalar, mährem eneler, we etrabyň dürli ulgamlarynda zähmet çekýän bagtyýar raýatlary gatnaşdylar. Bu ýerde etrabyň sungat ussatlary  hoş owazly aýdymlary bilen çykyş etdiler we etrabyň “Marguş” tans toparynyň uly ussatlyk bilen ýerine ýetiren döwrebap tanslary ruhubelentlik eçilip, bu ýere gelenleriň kalbyny has-da joşdurdy. Ýerine ýetirilen çykyşlarda Berkarar döwletiň Täze eýýamynyň Galkynyşy döwrüniň eşretli zamanasynyň barha şan-şöhrata eýe bolýan ajap döwrümiziň waspy giňden beýan edildi. Dabaradaky ýürekleri joşduran şirin mukamlaryň ählisi halkymyza baky bagtyýarlygy bagyş eden Türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň adyna tüýs ýürekden çykýan alkyş sözleri bolup ýaňlandy. Dabaranyň dowamynda Bedew batly öňe barýan Watanymyzyň  täze ady bilen baglanyşykly edilen täsirli gürrüňler bu ýere ýygnananlara ýakymly duýgulary bagyşlady. Nurjahan  Mämmedowa.

      Mary welaýatynyň Wekilbazar etrabynyň medeniýet öýünde Wekilbazar etrap häkimliginiň, Kärdeşler arkalaşyklarynyň Wekilbazar etrap birleşmesiniň, Demokratik we Agrar partiýalarynyň etrap komitetleriniň, Ýaşlar guramasynyň etrap geňeşiniň bilelikde gurnamaklarynda, “Garaşsyz,baky Bitarap Türkmenistan-bedew batly at-myradyň mekany” ýylyna bagyşlanyp saz-söhbetli dabara geçirildi. Bu dabaradaky çykyşlarda Hormatly Prezidentimiz Arkadagly Gahryman Serdarymyzyň tagallasy bilen ýurdumyzda gazanylýan beýik ösüşler, milli mirasymyza goýulýan sarpa we erkana, asuda watanymyzda her bir ýylyň mynasyp atlandyrylyşy, üstümizdäki ýylyň hem behişdi bedewlerimiz bilen baglanyşdyrylmagynda çuňňur many-mazmunuň barlygy dogrusynda aýratyn durlup geçildi. Eýle hem bedew atlarymyzyň gözelligi, ýyndamlygy dogrusyndaky gürrüňler hem dabarada edilen çykyşlaryň içinden eriş-argaç bolup geçdi. Bu ýerde etrabyň medeniýet merkeziniň döredijilik işgärleriniň döwrebap aýdym – sazly çykyşlaryna uly orun berildi. Asuda, parahat, erkana  Watanymyzy, agzybir halkymyzy hem-de “Garaşsyz, baky Bitarap Türkmenistan-bedew batly at-myradyň mekany” ýylyny wasp edýän aýdymdyr-sazlar we joşgunly tanslar dabara gatnaşanlaryň buýsançly kalbyny belende göterip, olara egsilmejek ruhy-lezzet paýlady. Merjen Çaryýarowa.

Ýakynda  etrap häkimliginiň mejlisler zalynda ýylyň şygary mynasybetli «Hemişelik Bitaraplygymyzyň we parahatçylygymyzyň özeni — Garaşsyzlyk göz guwanjymyz» ady bilen wagyz-nesihat çäresi geçirildi. Etrap häkimliginiň we TKA-nyň etrap birleşmesiniň bilelikde guramagynda geçirilen bu çärä etrabyň jemgyýetçilik guramalarynyň işgärleri we işjeň agzalary, bilim ulgamynyň wekilleri we mährem eneler gatnaşdylar.  Çärede etrabyň Hasyl geňeşliginiň ýaşaýjysy, Türkmenistanyň «Zenan kalby» ordeniniň eýesi Ogulgerek Şakulyýewa, etrap häkimliginiň bölüm müdiri, etrap zenanlar bölüminiň başlygynyň orunbasary Aýsoltan Ymamgulyýewa, etrapdaky daşary ýurt dillerine ýöriteleşdirilen 33-nji orta mekdebiň mugallymy, Türkmenistanyň Mejlisiniň deputaty Akmuhammet Bekmyradow çykyş etdiler. Çykyşlarda «Garaşsyz, baky Bitarap Türkmenistan — bedew batly at-myradyň mekany» ýylynyň syýasy we taryhy ähmiýeti, hormatly Prezidentimiziň alyp barýan içeri we daşary syýasaty netijesinde bedew batly Watanymyzda gazanylýan beýik ösüşler, ýetilýän belent sepgitler barada giňişleýin gürrüň edildi.  Wagyz-nesihat çäresinde çykyş edenler parahat ýurdumyzda bagtyýar durmuşda ýaşamaga, yhlasly zähmet çekmäge ähli mümkinçilikleri döredip berýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza egsilmez alkyş aýtdylar. Myratly AMANNAÝEW.  

Ýakynda  “Mary” myhmanhanasynyň mejlisler zalynda Türkmenistanda täze döredilen etraplaryň halk maslahatlarynyň agzalarynyň hem-de Türkmenistanyň Mejlisiniň deputatlarynyň ygtyýarlyk möhletinden öň çykyp giden welaýat, etrap, şäher halk maslahatlarynyň we geňeşleriň agzalarynyň 2026-njy ýylyň  29-njy martynda geçiriljek saýlawlaryna guramaçylykly taýýarlyk görmek maksady bilen okuw-maslahaty geçirildi.  Okuw-maslahatyna Türkmenistanda saýlawlary we sala salşyklary geçirmek boýunça merkezi saýlaw toparynyň edarasynyň wekilleri, welaýat, etrap, şäher, okrug we etrapdaky şäher, şäherçe geňeşlik saýlaw toparlarynyň başlyklary, syýasy partiýalaryň, welaýat, etrap, şäher komitetiniň  ýolbaşçylary gatnaşdylar.  Maslahaty Merkezi saýlaw toparynyň kätibi Amangeldi Annadurdyýew alyp bardy. Okuw-maslahatynda welaýat saýlaw toparynyň başlygy Jennet Halmyradowa, welaýat häkimliginiň wekili Tirkiş Amannaýew çykyş etdiler. Çykyşlarda welaýatymyzda täze döredilen Oguzhan etrabynyň halk maslahatynyň agzalarynyň şu ýylyň 29-njy martynda geçiriljek saýlawlary boýunça döredilen saýlaw okruglarynyň belgileri we araçäkleri barada giňişleýin düşündirildi. Şeýle-de, saýlawlaryň guramaçylykly geçirilmegine ykjam taýýarlyk görmek hakynda gürrüň edildi.  Aýparça AKYMOWA.  

      Sakarçäge etrap häkimliginiň, kärdeşler arkalaşyklarynyň etrap birleşiginiň we etrabyň beýleki jemgyýetçilik guramalaryň bilelikde  gurnamagynda “Garaşsyz, baky Bitarap Türkmenistan – bedew batly at-myradyň  mekany” ýyly bilen baglanşykly geçiren maslahaty işjeň häsiýete eýe boldy. Bu maslahata etrabyň ýaşuly nesilleri, mährem eneler, jemgyýetçilik guramalarynyň işjeň agzalary, bilim, saglygy goraýyş, medeniýet ulgamlarynyň işgärleri gatnaşdylar. Maslahatda çykyş eden adamlar Hormatly Prezidentimiziň parasatly ýolbaşçylygynda döwletimiziň beýik ösüşlerini alamatlandyrýan şöhratly ýylymyzda gazanylýan üstünlikler agzybir we merdana halkymyzy has-da buýsandyrýar. Taryhy wakalara beslenip, belent şygar astynda badalga alan ýylymyz arzuwlaryň hasyl bolýan, maslahatlarymyzyň myrat tapýan ýyly bolar –diýlip buýsanç bilen bellediler. Şöhratly ýylymyzyň bedewler bilen baglanşykly atlandyrylmagynyň hem uly manysy bar. Uçar ganatly bedewlerimiz halkymyzyň milli buýsanjydyr,-diýlip maslahatdaky çykyşlarda nygtaldy. Bu ýylyň  “Garaşsyz, baky Bitarap Türkmenistan – bedew batly at-myradyň mekany” diýlip atlandyrylmagy mynasybetli geçirlen maslahatyň dowamy etrabyň medeniýet we sungat işgärleriniň aýdym-sazly çykyşlary bilen utgaşdy.Medeniýet işgärleriniň bedew bady bilen öňe barýan Türkmenistan döwletimizi, Hormatly Prezidentimiziň alyp barýan rowaç işlerini wasp edip ýerine ýetiren çykyşlary Türkmen halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza alkyş sözleri bolup ýaňlandy. Çarymuhammet Saparow.

Köp asyrlyk geçmişi şan-şöhratly gadymy halkymyz Watan goragyny mukaddes borç hasaplap, ene topragymyzyň her daban ýeri üçin gan döküp, gorap gelipdir. Merdana pederlerimiziň Watan goragyndaky nusgalyk ýol-ýörelgeleri mynasyp dowam etdirilýär. Bu ýörelge Berkarar döwletiň täze eýýamynyň Galkynyşy döwrüniň ýyllarynda aýratyn many-mazmuna eýe bolýar. Türkmen halkynyň Milli Lideri Gahryman Arkadagymyzyň beýik başlangyçlaryny mynasyp dowam edýän hormatly Prezidentimiz Arkadagly  Gahryman Serdarymyzyň baştutanlygynda Watan goragçylary hakda ägirt uly işler durmuşa geçirilýär. Indi her ýylyň 27-nji ýanwarynda Watan goragçylarynyň gününiň giňden bellenilip geçilmegem asylly däbe öwrüldi. Şu günler bolsa, “Garaşsyz, baky Bitarap Türkmenistan — bedew batly at-myradyň mekany” diýlip yglan edilen ýylymyzda Watan goragçylarynyň gününiň baýramçylyk dabaralarynyň ýaňy belentden ýaňlanýar. Şu sene mynasybetli baýramçylyk çäreleri giň gerime eýe bolýar. Watan goragçylarynyň gününiň öňýanynda Türkmenistanyň Içeri işler ministrliginiň welaýat polisiýa müdirliginiň işgärleri üçin täze döwrebap ýaşaýyş jaýynyň açylyp, ulanylmaga berilmegi şanly senäniň dabarasyna dabara goşdy. Dört gatly, 24 öýli täze ýaşaýyş jaýynda onuň ýaşaýjylary üçin ähli amatlyklar döredilipdir. Gurluşyk işleriniň ýokary hilli ýerine ýetirilip, giň we ýagty otaglaryň zerur durmuş enjamlary bilen üpjün edilendigi baýramçylyk gününde guwanç duýgusyny döredýär. Her ýylda Watan goragçylarynyň gününiň dabaraly bellenilip geçilmegi halkymyzyň parahat, asuda durmuşynyň goragynda sak durýan merdana goragçylarymyza goýulýan belent sarpadan nyşandyr. Watan goragçylarymyza şanly sene mynasybetli ýaňlanýan gutlaglar baýramçylyk dabaralarynyň şatlygyna şatlyk goşýar. Baýram AMANOW.  

   Garaşsyz, Baky Bitarap Türkmenistan – bedew batly at – myradyň mekany” ýyly mynasybetli Türkmenistanyň Kärdeşler Arkalaşyklarynyň Mary welaýat birleşmesiniň gurnamagynda duşuşyk geçirilip, ol ,,Ösüşlere beslenýän, bedew batly at-myratly Watanym” diýlip atlandyryldy. Duşuşygyň dowamynda çykyş edenler Hormatly Prezidentimiziň parasatly ýolbaşçylygynda bedew bady bilen öňe barýan berkarar Watanymyzda ýyndamlygyň, maksada okgunlylygyň, çydamlylygyň kämil nusgasy hasaplanýan ahal-teke bedewlerimize goýulýan hormatyň belentdigini aýratyn bellediler. Çykyş edenler Ynsan gylykly türkmen bedewlerimiziň ähli döwürlerde milli buýsanjymyz, baýlygymyz, göz-guwanjymyz, türkmen halkynyň ygrarly ýoldaşy, ýakyn syrdaşy bolup gelendigi Gahryman Arkadagymyzyň, Arkadagly Gahryman Serdarymyzyň ýazan eserlerinde hem aýratyn bellenilip geçilýär – diýip buýsançly bellediler. Duşuşyga gatnaşanlar halkymyzy bagtyýar durmuşda ýaşadýan türkmen halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza alkyş sözlerini beýan etdiler.  Toýmyrat Gurbanow.

2026-njy ýylyň ýurdymyzyň jemgyýetçilik, syýasy durmuşynda “Garaşsyz, baky Bitarap Türkmenistan – Bedew batly at-myradyň mekany” diýip atlandyrylmagy mynasybetli geçirilýän maslahatlardyr, dabaralar giň gerime eýe bolup, şeýle dabraly maslahatlaryň biri hem Türkmenistanyň Döwlet Energetika Instituty we Kärdeşler Arkalaşyklarynyň Mary welaýat birleşmesi bilen bilelikde institutyň dabaralar jaýynda “Ösüşlere beslenýän bedew batly Watanym”  ady bilen geçirildi. Aýdym-sazly dabaraly maslahata Kärdeşler Arkalaşyklarynyň işgärleri we işjeň agzalary hem-de bagtyýar talyp ýaşlar gatnaşdylar. Bu ýerde çykyş edenler ýurdumyzyň ösüşleri, geçen 2025-nji ýylda gazanylan üstünlikler, ýylyň şanly şygarynyň taryhy ähmiýeti, halkymyzyň köp asyrlyk taryhynda hem türkmen atlarynyň uly orny eýeländigi, onyň bütin dünýäde şan-şöhraty, meşhurlygy we häzirki günimizde-de bu milli gymmatlygymyza uly sarpa goýulýandygy dogrusynda täsirli gürrüňler etdiler. Maslahatyň dowamy institutyň “Kuwwat”aýdym-saz toparynyň ýerine ýetiren çykyşlaryna utgaşyp, onda ýylyň şanly şygaryna bagyşlanan, asuda, abadan Watanymyzy, ajaýyp zamanamyzy wasp edýän aýdymdyr-sazlar ýerine ýetirildi. Dabara gatnaşanlar halkymyzyň bagtyýar durmuşy ugrynda taýsyz tagallalary edýän Hormatly Prezidentimiz Arkadagly Gahryman Serdarymyza, Milli Liderimiz Gahryman Arkadagymyza çäksiz hoşallyklaryny we alkyşlaryny beýan etdiler. Azat Beglanow.

Bahar paslynyň ajaýyp gözelligi

Fotoreportaj: Futbol boýunça Türkmenistanyñ çempionaty 12-nji tapgyr Altyn Asyr - Merw

Fotoreportaj: Futbol boýunça Türkmenistanyñ çempionaty Merw 1-1 Altyn Asyr

Fotoreportaž: Mary welaýaty: Çagalary goramagyň halkara güni mynasybetli geçirilen dabaralardan pursatlar

Fotoreportaž: Mary welaýatynda Bütindünýä welosiped güni bellenilip geçildi.

Fotoreportaž: Mary welaýaty: Türkmenistanyň ÝUNESKO agzalygyna kabul edilmeginiň 30 ýyllygyna bagyşlanan dabaralardan pursatlar.

Fotoreportaj: DÇ-2026 saýlama tapgyry Türkmenistan 0-1 Eýran yslam respublikasy

Fotoreportaj: Mary şäheriniň Çagalar çeperçilik mekdebiniň okuwçylarynyň işleri