Hurma ABDYÝEWA. Ýolöten etrabyndaky sport mekdebiniň tälimçi-mugallymy, jiu-jitsu boýunça milli ýygyndy toparyň türgeni: — Men okuwçy wagtymdan bäri sportuň jiu-jitsu, sambo görnüşleri boýunça tälim alyp başladym. Türkmenistanyň at gazanan tälimçisi Azat Akmyradowdan göreşmegiň inçe usullaryny öwrendim. Tälimçimiň ýardamy bilen dürli ýaryşlara gatnaşyp, baýrakly orunlara mynasyp boldum. Etrap, welaýat, döwlet derejesinde gazanan üstünliklerimiň netijesinde halkara derejesinde geçirilen ýaryşlara- -da gatnaşmaga pursat boldy. Halkara ýaryşlarynda-da gazanan her bir ýeňşim meni, tälimçimi, maşgala agzalarymy, dost-ýarlarymy diýseň begendirdi.  Türkmen sportunyň at-abraýynyň arşa göterilmeginde şahsy goşandymyzy görkezýän biz — türgenler Gahryman Arkadagymyzyň, Arkadagly Gahryman Serdarymyzyň uly goldawyna mynasyp bolýarys. Ýyllar boýunça gazanylan üstünliklerim bu günki gün meni hormatly Prezidentimiziň Şa serpaýyna eýe bolmagyma getirdi. 2025-nji ýylyň awtoulagy bolan, ak reňkli “Toyota Camry HEV 2.5L” kysymly awtoulagyň açaryny hormatly Prezidentimiziň hut özüniň gowşurmagy meni örän tolgundyrdy, täze maksatlara has-da ruhlandyrdy.  Türkmen türgenlerine sport äleminde uly üstünlikleri gazanmaga giň mümkinçilikleri döredip berýän Gahryman Arkadagymyza, Arkadagly Gahryman Serdarymyza özümiň hem-de maşgalamyň adyndan çäksiz sagbolsunymy aýdýaryn.

Anna ÇARYÝEWA. Mary şäherindäki 25-nji orta mekdebiň okuwçysy, küşt boýunça milli ýygyndy toparyň türgeni: — Men 4 ýaşymdan bäri küşt bilen meşgullanyp, Türkmenistanyň at gazanan tälimçisi Ejegyz Ýalkanowadan tälim alýaryn. Ýurdumyzyň sport abraýyny ýokarlandyrmakda öz şahsy goşandymy goşmak üçin irginsiz türgenleşik okuwlaryna gatnaýaryn. Tälimçimden küştüň ähli ugurlaryndan göçümleriň inçe syrlaryny öwrendim. Ejegyz mugallymyň maňa berýän her bir maslahatyndan peýdalanyp, garşydaşymy utmagy başarýaryn. Elbetde, utulýan ýerlerimem bolýar, ýöne soňky wagtda yhlasly türgenleşmegim meni diňe ýeňişe eltýär.  Men ilki sport mekdepde geçirilýän ýaryşlara gatnaşdym. Soňra şäher, welaýat, döwlet derejelerinde geçirilýän ýaryşlara gatnaşyp başladym. Her bir ýaryşda gazanýan tejribäm hem üstünligim daşary ýurtlarda geçirilýän ýaryşlara gatnaşmaga mümkinçilik döretdi. Şeýlelikde birnäçe gezek halkara ýaryşlarynda baýrakly orunlara eýe boldum. Şeýle yhlasly ýeňişlerim maňa uly bagt getirdi. Has takygy, Arkadagly Gahryman Serdarymyzyň Şa serpaýyna — 40 000 manat pul baýragyna mynasyp bolmagym meni hem meniň maşgalamy diýseň begendirdi, buýsandyrdy. Gazanan üstünliklerimize guwanyp, bize serpaý ýapan Arkadagly Gahryman Serdarymyza köp sagbolsunlarymy aýdýaryn.   

Türkmen halkynyň Milli Lideri Gahryman Arkadagymyzyň beýik başlangyçlaryny mynasyp dowam edýän hormatly Prezidentimiz Arkadagly Gahryman Serdarymyzyň ýöredýän parasatly içeri we daşary syýasaty Garaşsyz, baky Bitarap döwletimizi okgunly ösdürmekde uly ähmiýete eýe bolýar. Berkarar döwletiň täze eýýamynyň Galkynyşy döwrüniň ýyllarynda ýurdumyzy syýasy, ykdysady, durmuş we medeni taýdan ösdürmekde belent sepgitlere ýetilýär. Aýratynam, milli ykdysadyýetimiziň öňdebaryjy we iri pudagy bolan nebitgaz senagatynda uly üstünlikler gazanylýar.  Halkara parahatçylyk we ynanyşmak ýylynyň taryhy wakasy — Bitaraplygymyzyň 30 ýyllygynyň uly toýunyň yzysüre ýurdumyzda giňden bellenilýän Nebitgaz senagaty we geologiýa işgärleriniň güni zähmetsöýer gazçylarymyzy buýsandyrýar.  Bilşimiz ýaly, hormatly Prezidentimiziň goldaw-ýardamy netijesinde gazçylarymyzyň kuwwatly tehnikalar we enjamlar bilen üpjünçiliginiň ýokarlanmagy tebigy gazyň akymynyň artdyrylmagyna giň mümkinçilikleri açýar. Muňa müdirligimiziň düzüm birlikleriniň edermen gazçylarynyň gazanýan zähmet üstünlikleriniň mysalynda-da göz ýetirmek bolýar. “Galkynyş” we beýleki gaz känlerinde gaz çykaryjylarymyzyň döredijilikli zähmeti bilen mawy ýangyjyň akymyny artdyrmakda netijeli işler bitirilýär.  Mälim bolşy ýaly, tebigy gazyň çykarylyşyny ýokarlandyrmakda geologiýa işgärleriniň, burawlaýjylaryň, gaz gurluşykçylarynyň we müdirligimiziň gaz çykaryjylarynyň sazlaşykly tagallalary derwaýys bolup durýar. Şonuň üçinem bu möhüm wezipede şeýle sazlaşyk gazanylýar. Bu bolsa tebigy gaz bilen diňe bir ýurdumyzyň sarp edijilerini doly üpjün etmekden başga-da, bu energiýa çeşmesini daşary ýurtlara ygtybarly eksport etmäge mümkinçilik berýär. Nebitgaz senagaty we geologiýa işgärleriniň hünär baýramçylygy şanly ýylymyzda has-da şatlyk-şowhuna beslener. Müdirligimiziň gazçylary bu senä zähmet sowgatly barýarlar. Şeýle-de, aýdym-sazly baýramçylyk çäreleri geçirip, önümçiligiň öňdebaryjylary höweslendirilýär. Gazçylarymyzy we geologiýa işgärlerini hünär baýramçylyklary bilen gutlaýarys. Begmuhammet ATAÝEW.

Berkarar döwletiň täze eýýamynyň Galkynyşy döwründe Diýarymyzda zenanlara aýratyn sarpa goýlup, olaryň yhlasly zähmet çekmegi, döwrebap bilim almagy ugrunda taýsyz tagallalar edilýär. Häzirki zaman jemgyýetinde uly orny eýeleýän zenanlar Gahryman Arkadagymyzyň, Arkadagly Gahryman Serdarymyzyň saýasynda ýurdumyzyň ähli ulgamlarynda alnyp barylýan beýik işlere özleriniň şahsy goşantlaryny goşýarlar. Munuň özi ýurdumyzda zenanlara uly ähmiýet berilýändiginden habar berýär. Türkmen jemgyýetiniň möhüm bölegini düzýän zenanlar häzirki wagtda döwlet dolandyryşynyň dürli düzümlerinde — kanun çykaryjy, ýerine ýetiriji edaralarda işlemek, daşary syýasy işlere gatnaşmak we telekeçilik bilen meşgullanmak arkaly Watanymyzy dünýäniň ösen döwletleriniň hataryna çykarmaga gönükdirilen giň gerimli maksatnamalaryň durmuşa geçirilmegine uly goşant goşýarlar. Şeýle-de, zenanlaryň hem-de çagalaryň goraglylygy, gender deňligi ugrunda ýurdumyzda ençeme işler alnyp barylýar. Bu babatynda dünýä ýüzünde döwletler bilen işjeň hyzmatdaşlyklar ýola goýulýar. Munuň şeýledigine geçirilýän halkara forumlar dolulygyna şaýatlyk edýär.  Üstümizdäki — Halkara parahatçylyk we ynanyşmak ýylynda “Awaza” milli syýahatçylyk zolagynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäklerinde zenan ýolbaşçylaryň duşuşygynyň, ýakynda “Häzirki zaman jemgyýetinde zenanlaryň orny: Durnukly ösüş maksatlaryna ýetmek ugrunda halkara hyzmatdaşlygyny ösdürmek” atly halkara maslahatynyň geçirilmegi ýokarda agzanlarymyza doly şaýatlyk edip, munuň özi ata-babalarymyzdan gelýän däplerimize eýerilip, zenanlaryň mertebesiniň sarpalanylýandygyny, olaryň jemgyýetdäki ornunyň uludygyny we möhüm ähmiýete eýedigini açyp görkezýär. Şeýle halkara forumlarynyň geçirilmegi bolsa, halklaryň arasyndaky hyzmatdaşlygy has-da ösdürmäge, zenanlaryň mümkinçiliklerini artdyrmaga uly itergi berýär. Mundan başga-da, bu forum zenanlaryň we çagalaryň abadan durmuşyny üpjün etmekde möhüm ähmiýete eýe bolar. Çünki, ata Watanymyzda zenanlaryň hem-de çagalaryň hukuklary goralyp, olaryň bagtyýar durmuşda ýaşamagy, yhlasly zähmet çekmegi, döwrebap bilim almagy, çagalaryň sagdyn bolup kemala gelmegi ugrunda birnäçe işler durmuşa geçirilýär.  Türkmenistan döwletimiziň at-abraýynyň has-da ýokarlanmagy, türkmen halkynyň bolelin durmuşda ýaşamagy, zenanlaryň mümkinçiliginiň artdyrylmagy, halkara hyzmatdaşlyklaryň mundan beýläkde giňeldilmegi ugrunda taýsyz tagallalary edýän Gahryman Arkadagymyza, Arkadagly Gahryman Serdarymyza köp sagbolsunlarymyzy aýdýarys. Zenan mertebesini belentde tutýan Milli Liderimiziň, hormatly Prezidentimiziň janlary sag, ömürleri uzak, beýik başlangyçlary hemişe rowaç bolsun! Sülgün ŞADYÝEWA.

Ýakynda TKA-nyň welaýat birleşmesiniň hem-de TDEI-niň bilelikde guramagynda institutyň mejlisler zalynda Halkara parahatçylyk we ynanyşmak ýyly mynasybetli aýdym-sazly dabaraly maslahat geçirildi. Oňa TKA-nyň welaýat birleşmesiniň işgärleri we institutyň mugallymlary hem-de talyp ýaşlary gatnaşdylar.  Dabaraly maslahatda TKA-nyň welaýat birleşmesiniň hukuk gözegçisi Toýly Garýagdyýew, TDEI-niň mugallymlary Ýazgeldi Ýakubow we Atajan Hojalyýew we beýlekiler çykyş etdiler. Olar çykyşlarynda ajaýyp ýylymyzyň her bir gününiň taryhy hem ýatdan çykmajak wakalara beslenýändigi, ähli ulgamlarda uly ösüşlere eýe bolunýandygy, Halkara Bitaraplyk gününde geçirilen halkara maslahatyň uly ähmiýete eýedigi barada nygtadylar.  Täsirli geçen maslahatyň dowamynda institutyň “Kuwwat” aýdym-saz hem-de tans toparlarynyň ýerine ýetirmeginde ajaýyp çykyşlara tomaşa edildi. Şirinden-şirin aýdymlar oňa gatnaşyjylarda ýakymly ýatlamalary galdyrdy. Bibihatyja HATAMOWA.

Düýn hemmelerde täsirli duýgulary, ýatdan çykmajak pursatlary galdyran Täze ýyl arçalarynyň yşyklaryny ýakmak dabarasy geçirildi. Ýurdumyzyň ähli ýerinde bolşy ýaly, biziň welaýatymyzda hem Baş arçanyň yşyklaryny ýakmak dabarasy bolup, ol gün Garpamykdyr Aýazbaba körpeje çagalar bilen bilelikde Mary şäheriniň gözel künjeklerine gezelenç etdiler. Ak lybasly, elleri yşyklar bilen owadan hatary gurap barýan çagajyklar Aýazbabadyr Garpamyk bilen bilelikde welaýatymyzdaky “Türkmeniň Ak öýi” binasynyň öňündäki meýdançada bezelen Baş arçanyň ýanyna bardylar. Göreni haýrana goýýan bu meýdança diýseň owadan bezelipdir. Baş arçanyň gözelligini bolsa, görmäge göz gerek, wasp etmäge — söz.  “Türkmeniň Ak öýi” binasynyň meýdançasynda welaýatymyzyň medeniýet we sungat işgärleriniň, bagtyýar çagalaryň ýerine ýetirmeginde aýdym-sazly dabaralara giň orun berildi. Ondaky ýaňlanan şirin owazlardyr ajaýyp tanslar baýramçylyk şowhunyny has-da artdyrdy. Çagajyklar bezemen arçanyň daşynda el-ele berip, aýdym aýdyp, şatlandylar. Garpamykdyr Aýazbaba çagalaryň şowhunyna goşulyp, arçanyň daşynda aýlandylar. Şatlyk-şowhuna beslenen pursatlarda Baş arçanyň yşyklary ýakyldy. Aýdym-sazlara utgaşyp gidýän owadan yşyklar baýramçylyk şowhunyny has-da artdyrdy.  Sülgün ŞADYÝEWA.

Ýakynda Türkmenistanyň Magtymguly adyndaky Ýaşlar guramasynyň welaýat geňeşiniň mejlisler zalynda Türkmenistanyň hemişelik Bitaraplygynyň 30 ýyllygy mynasybetli ýaş nesilleriň zehinini, döredijilik ukybyny ýüze çykarmak maksady bilen mekdep okuwçylarynyň arasynda Türkmenistanyň Magtymguly adyndaky Ýaşlar guramasynyň welaýat geňeşiniň hem-de “Maru — şahu jahan” gazetiniň redaksiýasynyň bilelikde yglan eden “Bitaraplyk — parahatçylygyň senasy” atly bäsleşigiň ýeňijilerini sylaglamak dabarasy boldy. Oňa bäsleşigiň netijeleri boýunça ýeňiji bolan mekdep okuwçylary gatnaşdylar. Täsirli geçen dabarada “Maru — şahu jahan” gazetiniň baş redaktory Muhammetdurdy Saparlyýew, Türkmenistanyň Magtymguly adyndaky Ýaşlar guramasynyň welaýat geňeşiniň başlygynyň orunbasary Kakajan Täçgulyýew çykyş etdiler. Olar ýeňiji bolan ýaşlary gazanan üstünlikleri bilen gutlap, geljekde hem uly ýeňişlere eýe bolmagyny arzuwladylar. Ýene-de şeýle guraljak bäsleşiklere işjeň gatnaşyp, öz ukyp-başarnyklaryny görkezmelidigini we geçirilýän bäsleşikleriň uly ähmiýete eýedigini nygtadylar. Ajaýyp çykyşlardan soň ýeňijilerimiz yglan edilip, olara Hormat hatlarydyr ýadygärlik sowgatlary uly dabara bilen gowşuryldy. Sülgün ŞADYÝEWA.

   Hormatly Prezidentimiz Arkadagly Gahryman Serdarymyzyň hem-de türkmen halkynyň Milli Lideri Gahryman Arkadagymyzyň taýsyz tagallalary netijesinde Berkarar döwletiň täze eýýamynyň Galkynyşy döwründe ýurdumyzyň ähli ulgamlaryny  düýpli ösdürmek we edara-kärhanalaryň tehniki binýadyny berkitmek maksady bilen daşary döwletlerden kuwwatly tehnikalar yzygiderli satyn alynýar. Ýurdumyzyň Hemişelik Bitaraplygymyzyň 30 ýyllyk baýramçylygynyň bellenilýän günlerinde Mary welaýat häkimliginiň Mary welaýat Jemagat hojalygy birleşigine Hormatly Prezidentimiziň Hytaý Halk Respublikasyndan satyn alyp beren  ,,Zoomlion” kysymly awtoulaglarynyň we beýleki tehnikalaryň uly topary gelip gowuşmagy Mary welaýatynyň bagtyýar ýaşaýjylarynyň baýramçylyk şatlygyny goşalandyrdy.                                    Berkarar döwletiň täze eýýamynyň Galkynyşy döwründe ýurdumyzyň halk hojalygynyň dürli ugurlaryna dünýäniň ösen döwletlerinde öndürilen täze tehnologiýaly enjamlary, innowasiýalary ornaşdyryp, şol ulgamlaryň edara – kärhanalarynyň tehniki binýady täzelenýär. Täze tehnikalaryň gelip gowuşmagy türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň beýik başlangyçlaryny üstünlikli dowam etdirýän Arkadagly Gahryman  Serdarymyzyň halkymyzyň ýaşaýyş – durmuş derejelerini ýokarlandyrmakda amala aşyrýan il – ýurt bähbitli işleriniň aýdyň netijesidir. Täze ýokary basyşly lagym sorujy ulgamlary arassalaýjy, zeý suw sorujy, süpüriji, ýuwujy, zir – zibil gapdalyndan ýükleýji, konteýnerli zir – zibil daşaýan awtoulaglar, ýol ýuwujy – süpüriji kiçi awtoulaglar, ýük göteriji, suw daşaýjy we ýol ýuwujy, gidrogaldyryjy, göteriji enjamly ýol ýuwujy, göçme ussahana awtoulaglar, awtobuslar, ýükleýji ekskowatorlar, öň tarapyndan ýükleýji traktorlar, tekerli ekskowatorlar, aýratyn dakylýan enjamlar Mary welaýat Jemagat  hojalygy birleşiginiň işgärlerine işleri ýokary derejede guramaklyga ýardam eder. Welaýatyň bagtyýar ýaşaýjylary Mary welaýat Jemagat  hojalygy birleşigine gelip gowşan täze awtoulaglary türkmen halkymyzyň asyrlardan aşyp gelýän üzärlik tütetmek, un sepmek we alaja daňmak ýaly ajaýyp däp-dessurlaryna eýerilip, ýagşy dileg – arzuwlar bilen garşyladylar. Welaýatyň il sylagly ýaşulylary bu täze awtoulaglary sowgat beren Hormatly Prezidentimiz Arkadagly Gahryman Serdarymyzyň hem-de türkmen halkynyň Milli Lideri Gahryman Arkadagymyzyň rowaç işleriniň üstünliklere beslenmegini beýik biribardan dileg etdiler. Dünýä ölçegleriniň derejesinde öndürilen bu kämil, ýöriteleşdirilen awtoulaglar welaýatyň ilatyna Jemagat hyzmatlaryny ýokary derejede guramaklyga, welaýatyň şäherleriniň, şäherçeleriniň abadançylygyny has-da gowulandyrmaklyga niýetlenilendir. Gelip gowşan täze awtoulaglar ozaldan bar bolan tehnikalaryň  üstüni ýetirdi. Şu kuwwatly hem-de ýokary öndürijilikli awtoulaglaryň iň tejribeli sürüjilere berkidilmegi bu gymmatly mehanizmleriň aýawly hem netijeli peýdalanylyp, uzak möhletleýin hyzmat etmegini  üpjün  eder. “Halkara parahatçylyk we ynanyşmak” ýylynyň her bir gününi zähmet üstünliklerine besleýän Mary welaýatynyň bagtyýar ýaşaýjylary hem-de Mary welaýat Jemagat hojalygy birleşiginiň işgärleri täze taryhy eýýamda halkymyzyň hal-ýagdaýyny ýokarlandyrmakda, edara-kärhanalaryň tehniki binýadyny pugtalandyrmakda  alyp barýan döwlet bähbitli  işleri üçin  Hormatly Prezidentimiz Arkadagly Gahryman  Serdarymyza hem-de türkmen halkynyň Milli Lideri Gahryman Arkadagymyza alkyş sözlerini beýan etdiler. Toýmyrat Gurbanow.

     Şu gün Mary welaýatynyň Baýramaly şäheriniň Medeniýet öýünde Mary welaýat häkimliginiň gurnamagynda ýurdumyzda her ýylyň 14-nji dekabrynda giňden bellenilýän Nebitgaz senagaty we geologiýa işgärleriniň güni mynasybetli baýramçylyk dabarasy geçirildi. Döwletimiziň milli ykdysadyýetiniň bu möhüm pudagynyň Mary welaýatyndaky edara – kärhanalarynyň öňdebaryjy hünärmenleridir işçileri, talyp ýaşlar dabaranyň hormatly myhmanlary boldular. Gazçylar Berkarar döwletiň täze eýýamynyň Galkynyşy döwründe Hormatly Prezidentimiz Arkadagly Gahryman Serdarymyzyň pudagyň işgärleriniň öňlerinde goýýan tabşyryklary esasynda täze gaz ýataklaryny ýüze çykarmak, tebigy gazyň çykarylýan möçberini artdyrmak, “mawy ýangyjy” sarp edijilere ýetirmek boýunça tutanýerli zähmet çekýärler. Şu ýylyň on bir aýyny üstünlikli jemlän gazçylar häzirki günlerde “Halkara parahatçylyk we ynanyşmak” ýylyny ýokary önümçilik görkezijilerine beslemek üçin öz zähmet gadamlaryny has-da batlandyrýarlar. Dabarada çykyş edenler şu ýyl uglewodorod çig malyny çykarmakda “mawy ýangyjy” daşary bazarlara eksport etmekde gazanylan üstünlikler, ýetilen belent sepgitler dogrusynda buýsanç bilen aýdyp, dünýä ýüzünde kuwwatly energetika döwlet hökmünde giňden ykrar edilen ýurdumyzda nebitgaz senagatyny ösdürmek barada taýsyz tagallalar edýän Türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza alkyş sözlerini beýan etdiler. Baýramçylyk dabarasynda Nebitgaz Senagaty we geologiýa işgärleriniň güni mynasybetli “Marygazçykaryş” müdirliginiň we pudagyň beýleki edara – kärhanalarynyň öňdebaryjy işgärlerine Hormatly Prezidentimiziň adyndan gymmat bahaly sowgatlaryň gowşurylmagy şu günki çäräniň iň bir dabaraly pursatlary boldy. Baýramçylykda şäheriň medeniýet, sungat ussatlarynyň aýdym – sazly çykyşy ýaýbaňlandyrylyp, belent heňlerde ýerine ýetirilen aýdymlarda, joşgunly tanslarda bedew bady bilen ösüşleriň täze belentliklerine çykýan Garaşsyz, hemişelik Bitarap döwletimiz, halkymyzyň bagtyýar, eşretli durmuşy, gazçylaryň päk zähmeti, Hormatly Prezidentimiz, Arkadagly Gahryman Serdarymyzyň il – halk, döwlet hem bütin adamzat bähbitli belent tutumly işleri giňden wasp edildi. Azat Beglanow.

Berkarar döwletiň täze eýýamynyň Galkynyşy döwründe Diýarymyzda zenanlara aýratyn sarpa goýlup, olaryň yhlasly zähmet çekmegi, döwrebap bilim almagy ugrunda taýsyz tagallalar edilýär. Häzirki zaman jemgyýetinde uly orny eýeleýän zenanlar Gahryman Arkadagymyzyň, Arkadagly Gahryman Serdarymyzyň saýasynda ýurdumyzyň ähli ulgamlarynda alnyp barylýan beýik işlere özleriniň şahsy goşantlaryny goşýarlar. Munuň özi ýurdumyzda zenanlara uly ähmiýet berilýändiginden habar berýär. Türkmen jemgyýetiniň möhüm bölegini düzýän zenanlar häzirki wagtda döwlet dolandyryşynyň dürli düzümlerinde — kanun çykaryjy, ýerine ýetiriji edaralarda işlemek, daşary syýasy işlere gatnaşmak we telekeçilik bilen meşgullanmak arkaly Watanymyzy dünýäniň ösen döwletleriniň hataryna çykarmaga gönükdirilen giň gerimli maksatnamalaryň durmuşa geçirilmegine uly goşant goşýarlar. Şeýle-de, zenanlaryň hem-de çagalaryň goraglylygy, gender deňligi ugrunda ýurdumyzda ençeme işler alnyp barylýar. Bu babatynda dünýä ýüzünde döwletler bilen işjeň hyzmatdaşlyklar ýola goýulýar. Munuň şeýledigine geçirilýän halkara forumlar dolulygyna şaýatlyk edýär.  Üstümizdäki — Halkara parahatçylyk we ynanyşmak ýylynda “Awaza” milli syýahatçylyk zolagynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäklerinde zenan ýolbaşçylaryň duşuşygynyň, ýakynda “Häzirki zaman jemgyýetinde zenanlaryň orny: Durnukly ösüş maksatlaryna ýetmek ugrunda halkara hyzmatdaşlygyny ösdürmek” atly halkara maslahatynyň geçirilmegi ýokarda agzanlarymyza doly şaýatlyk edip, munuň özi ata-babalarymyzdan gelýän däplerimize eýerilip, zenanlaryň mertebesiniň sarpalanylýandygyny, olaryň jemgyýetdäki ornunyň uludygyny we möhüm ähmiýete eýedigini açyp görkezýär. Şeýle halkara forumlarynyň geçirilmegi bolsa, halklaryň arasyndaky hyzmatdaşlygy has-da ösdürmäge, zenanlaryň mümkinçiliklerini artdyrmaga uly itergi berýär. Mundan başga-da, bu forum zenanlaryň we çagalaryň abadan durmuşyny üpjün etmekde möhüm ähmiýete eýe bolar. Çünki, ata Watanymyzda zenanlaryň hem-de çagalaryň hukuklary goralyp, olaryň bagtyýar durmuşda ýaşamagy, yhlasly zähmet çekmegi, döwrebap bilim almagy, çagalaryň sagdyn bolup kemala gelmegi ugrunda birnäçe işler durmuşa geçirilýär.  Türkmenistan döwletimiziň at-abraýynyň has-da ýokarlanmagy, türkmen halkynyň bolelin durmuşda ýaşamagy, zenanlaryň mümkinçiliginiň artdyrylmagy, halkara hyzmatdaşlyklaryň mundan beýläkde giňeldilmegi ugrunda taýsyz tagallalary edýän Gahryman Arkadagymyza, Arkadagly Gahryman Serdarymyza köp sagbolsunlarymyzy aýdýarys. Zenan mertebesini belentde tutýan Milli Liderimiziň, hormatly Prezidentimiziň janlary sag, ömürleri uzak, beýik başlangyçlary hemişe rowaç bolsun! Sülgün ŞADYÝEWA.

     “Halkara parahatçylyk we ýnanyşmak” ýylynda döwletimizde giňden toýlanylýan şanly senäniň – Garaşsyz Watanymyzyň hemişelik Bitaraplygynyň 30 ýyllygynyň hem-de Halkara Bitaraplyk gününiň baýramçylygy Mary welaýatynda-da belent toý tutumlary bilen hem-de ýokary ruhubelentlikde bellenip geçildi. Dünýäde halkara hyzmatdaşlygynyň we döwletleriň arasynda dost – doganlyk gatnaşyklarynyň ösmegine, jebisleşmegine itergi beren hemişelik Bitaraplygymyzyň şanly baýramçylygynyň dabaralary ir säher bilen welaýatyň merkezi Mary şäheriniň iň bir gözel künjegi bolan baş Baýdak meýdançasyndaky dabaralardan başlandy. Bu ýerde döwlet Senamyzyň dabaraly ýerine ýetirilmeginde mukaddes döwlet Baýdagymyz ýokary galdyrylýar. Mary welaýat we Mary şäher häkimlikleriniň, welaýat Zenanlar bölüminiň, Demokratik we Agrar partiýasynyň Mary welaýat komitetleriniň, Kärdeşler arkalaşyklarynyň welaýat birleşmesiniň, Ýaşlar guramasynyň welaýat Geňeşiniň, welaýat Baş bilim, Medeniýet we Saglygy goraýyş müdirlikleriniň bilelikde gurnamaklarynda geçirilen göwün göteriji dabarada eziz Watanymyzyň şanly baýramçylygy mynasybetli mähirli gutlag sözleri aýdylyp, bu gün parahatçylygyň, halklar arasyndaky ylalaşygyň, raýdaşlygyň merkezine öwrülen Türkmenistan döwletimizi bedew bady bilen ösüşleriň täze belentliklerine çykarýan, halkymyzy has rowaç, has eşretli durmuşa alyp barýan Hormatly Prezidentimiz, Arkadagly Gahryman Serdarymyza, Türkmen halkynyň Milli Lideri Gahryman Arkadagymyza tüýs ýürekden çykýan alkyş sözleri beýan edildi. Tutuşlygyna toý - baýramçylyga beslenen meýdançanyň daş-töweregini bezäp duran ýaşyl baýdaklarymyz döwletimiziň mukaddes Garaşsyzlygyny, hemişelik Bitaraplygyny, halkymyzyň bagtyýar durmuşyny, nurana geljegini alamatlandyryp, al-asmanda pasyrdaýar. Baş Baýdak meýdançasynda welaýatyň medeniýet, sungat ussatlarynyň şu şanly sene mynasybetli ýörite taýýarlan çykyşynyň ýaýbaňlandyrylmagy baýramçylyk dabarasynyň şatlyk-şowhunyny has-da artdyrdy. Mary welaýatynyň Kemine adyndaky döwlet drama teatrynyň sahna ussatlarynyň, welaýatyň birleşen tans toparlarynyň edebi – sazly çykyşy baýramçylyk dabarasyna aýratyn öwşgün çaýdy. Welaýat Medeniýet müdirliginiň iň saýlama aýdym – saz we tans toparlarynyň ýerine ýetiren aýdymlary, tanslary hemmeler tarapyndan el çarpyşmalar bilen garşy alyndy. Belent joşgun bilen ýerine ýetirilen aýdym – sazlarda, tanslarda Watanymyzyň mukaddes Garaşsyzlygy, hemişelik Bitaraplygy, milli buýsanjymyz bolan ýaşyl Tugumyz, Berkarar döwletiň täze eýýamynyň Galkynyşy döwri, Hormatly Prezidentimiz Arkadagly Gahryman Serdarymyzyň alyp barýan ynsanperwer daşary syýasaty, il-halk, döwlet hem bütin adazat bähbitli tutumly işleri joşgunly wasp edildi. Baýramçylyk dabarasyna gatnaşan welaýatyň bagtyýar ýaşaýjylary Bitarap Watanymyzy, Berkarar döwletimizi ösüşleriň batly gadamlary bilen öňe alyp barýan türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza alkyş sözlerini beýan etdiler. Parahat Gurbanow.

   Ýurdumyzyň ähli künjeginde bolşy ýaly Mary welaýatynda hem Halkara Bitaraplyk güni hem-de hemişelik Bitaraplygymyzyň 30 ýyllyk şanly toýy mynasybetli dabaraly çäreler giňden ýaýbaňlandyryldy. Welaýatyň çäginde geçirilen esasy dabaralaryň birem welaýata görk berip duran, depesi göge ýetýän ,,Türkmeniň ak öýi“ binasynda geçirilip, ony Mary welaýat häkimligi hem-de welaýat Medeniýet müdirligi bilelikde gurnady. Halkara parahatçylyk we ynanyşmak ýylynyň bütün dowamynda uly joşguna eýe bolan ýurt bitaraplygymyzyň şanly 30 ýyllyk baýramçylygy mynasybetli geçirilen dabarada welaýatyň medeniýet we sungat ussatlary özleriniň täzeden täze aýdym-sazlary bilen çykyş etdiler. Bu günk baýramçylyk dabarasynyň başy welaýatyň Kemine adyndaky döwlet drama teatrynyň artistleriniň hem-de birleşen tans toparlarynyň ýerine ýetirmeginde ,,Ata Watan-eziz ýurdum Bitarap!” atly edebi sazly kompozisiýa bilen başlandy. Türkmen halkynyň milli Lideri Gahryman Arkadagymyzyň belent başlangyçlaryny üstünlikli dowam etdirýän Hormatly Prezidentimiziň parasatly ýolbaşçylygynda ýurdumyzda gazanylýan ösüşler we baky Bitaraplygymyzyň halkymyza beren bagty bu edebi sazly kompozisiýanyň esasyny düzdi. Bu ýerde sungata höwesek ýaş nesilleriň joşgun bilen ýerine ýetiren ,,Akja kepderi” atly aýdymy hem parahat söýüjilikli Watanymyzyň asudalygynyň nyşany bolup uzaklara ýaň saldy. Baýramçylyk dabarasynda halypa we ussat aýdymçylaryň parahatçylygy döwletimiziň esasy ýörelgesine öwüren türkmen halkynyň milli Lideri Gahryman Arkadagymyzyň we Hormatly Prezidentimiz Arkadagly Gahryman Serdarymyzyň il-ýurt, dünýä ähmiýetli alyp barýan beýik işlerini we dünýäde parahatçylyk söýüjilik, dost-doganlyk, hoşniýetli goňşyçylyk, birek-birege özara hormat goýmakda türkmen bitaraplygynyň uly oruna eýedigini beýan edýän hoş owazly aýdymlary hem bagtyýarlyk mukamy bolup belentden belent ýaňlandy. Dürli öwüşgnli owadan sahnada welaýatyň etrapdyr şäher medeniýet merkezleriniň tans toparlarynyň doslukly döwletleriň milli tanslaryny uly joşgun bilen ýerine ýetirmeklerem baýramçylyk dabarasynyň täsirliligini hasam artdyrdy. Dabaranyň dowamynda welaýatyň ýaş zehinli we estrada aýdymçylarynyň dünýäniň dürli ýurtlaryň dillerinde dost-doganlygy, asudalygy, päk söýgüni we Garaşsyz, baky Bitarap Watanymyzy taryplap ýerine ýetiren aýajyp aýdymlary bolsa bu dabaranyň şowhunyny has-da artdyrdy. Baky Bitaraplygymyzyň şanly 30 ýyllyk baýramçylygyna bagyşlanyp geçirilen bu dabaranyň dowamynda ýerine ýetirilen şirinden-şirin hoş owazly aýdymdyr sazlar, göçgünli tanslar ýurdumyzy belent ösüşlere besleýän, halkymyza eşretli zamanany peşgeş beren türkmen halkynyň milli Lideri Gahryman Arkadagymyzyň hem-de Arkadagly Gahryman Serdarymyzyň adyna alkyş sözleri bolup ýaňlandy.  Merjen Çaryýarowa. 

Ýakynda Ýolöten etrap kazyýetiniň mejlisler zalynda etrap häkimliginiň, etrap prokuraturasynyň, etrabyň polisiýa bölüminiň, etrap kazyýetiniň, TMÝG-niň etrap geňeşiniň bilelikde guramagynda wagyz-nesihat çäresi geçirildi.  Çärede etrap häkimliginiň hukuk-maslahatçysy Oguljennet Baýhanowa, etrabyň ymamy Serdar Babaýew, TMÝG-niň etrap geňeşiniň bölüm müdiri Jennet Orazowa, TKA-nyň etrap birleşmesiniň başlygy Rozymuhammet Artykow, TAP-nyň etrap komitetiniň başlygy Ýagşymyrat Tairow çykyş etdiler. Olar çykyşlarynda raýatlaryň arasynda ýüze çykýan nogsanlyklaryň öňüni almak, şeýle-de, milliligimizi ösdürmek, tertip-düzgünleri berjaý etmek dogrusynda alnyp barylýan işler barada durup geçdiler.  Muhammetýaz SEÝITGULYÝEW.

Golaýda Mary etrap häkimliginiň, TDP-niň etrap komitetiniň, TKA-nyň etrap birleşmesiniň, TMÝG-niň etrap geňeşiniň hem-de TZB-niň etrap bölüminiň bilelikde guramagynda “Ýaşlar — Watanymyzyň guwanjy we buýsanjy” atly wagyz-nesihat duşuşygy geçirildi. Etrabyň S. Türkmenbaşy şäherçesindäki “Altyn yşyk” medeniýet öýünde geçirilen bu çärä syýasy partiýalaryň we jemgyýetçilik guramalarynyň jogapkär işgärleridir işjeň agzalary, bilim, saglyk, medeniýet ulgamlarynyň we geňeşlikleriň wekilleri gatnaşdylar. Wagyz-nesihat duşuşygynda etrap häkiminiň orunbasary, etrap zenanlar bölüminiň başlygy Bahar Hojamgulyýewa, etrabyň Jemgyýet geňeşliginiň ýaşaýjysy, pensioner Çarymyrat Saparow, TDP-niň etrap komitetiniň partiýa guramaçysy, etrap zenanlar bölüminiň başlygynyň orunbasary Täzegül Pirsýanowa, TMÝG-niň etrap geňeşiniň başlygy Yklymmyrat Tuwakmyradow, etrapdaky 29-njy orta mekdebiň müdiri Maksat Mämmäýew çykyş etdiler. Çykyşlarda olar sagdyn bedenli, giň dünýägaraýyşly, ýokary ahlakly, watansöýüji, zähmetsöýer ýaşlary terbiýeläp ýetişdirmek, olara ata-babalarymyzdan gelýän ýol-ýörelgelerimizi, milli däp-dessurlarymyzy öwretmek barada giňişleýin durup geçdiler. Muhammetgylyç NEPESOW.

Garaşsyz, hemişelik Bitarap Türkmenistan döwletimiziň syýasy, ykdysady-durmuş we medeni taýdan durnukly ösüş depgini halkara abraýynyň täze belentliklere çykýandygy bilen sazlaşykly utgaşýar. Bu guwançly ýagdaý hormatly Prezidentimiz Serdar Berdimuhamedowyň ýöredýän öňdengörüjilikli içeri we daşary syýasatynyň uly üstünliklere beslenýändigini doly subut edýär. Halkara parahatçylyk we ynanyşmak ýylynda döwlet Baştutanymyzyň Garaşsyz Türkmenistanyň BMG-niň Baş Assambleýasy tarapyndan üç gezek ykrar edilen hemişelik Bitaraplyk hukuk derejesine esaslanyp ýöredýän parasatly daşary syýasaty rowaçlanýar. Öňe sürülýän umumadamzat bähbitli beýik başlangyçlarda halkara abraýy täze belentliklere çykýar. Bitarap Türkmenistanyň Birleşen Milletler Guramasynyň Baş Assambleýasynyň belent münberinden yglan edýän başlangyçlary adamzadyň bähbidine gönükdirilendir. Bitarap Türkmenistanyň öňe sürýän başlangyçlarynyň özenini bütin dünýäde parahatçylygy, ählumumy howpsuzlygy, ynanyşmagy, halklaryň arasynda dost-doganlyk gatnaşyklaryny mundan beýläk-de pugtalandyrmak düzýär. Halkara ähmiýetli şeýle tagallalaryň giň gerime eýe bolup, dünýä jemgyýetçiliginde uly goldaw tapýandygy buýsandyrýar.  Berkarar döwletiň täze eýýamynyň Galkynyşy döwründe hormatly Prezidentimiziň baştutanlygynda Türkmenistanyň parahatçylyk dörediji döwlet hökmünde tutýan orny barha pugtalanýar. Çünki, Türkmenistanyň adamzadyň bähbitlerine gönükdirilen beýik başlangyçlary uly goldaw tapýar. Gadymy halkymyzyň asyrlar aşyp gelýän parahatçylyksöýüjilikli, ynanyşmak we ynsanperwerlik ýörelgeleri döwletimiziň daşary syýasatynda möhüm orna eýe bolýar we rowaç alýar. Arslan ÇARYÝEW.

Halkara parahatçylyk we ynanyşmak ýylynyň şygaryndan äşgär bolşy ýaly, üstümizdäki ýyl halkara ähmiýetli wakalary bilen dabaralanýar. Türkmenistanyň başlangyjy bilen BMG-niň Baş Assambleýasy tarapyndan “Türkmenistanyň hemişelik Bitaraplygy” atly Kararnamanyň üçünji gezek biragyzdan kabul edilmegi şanly ýylymyzyň möhüm wakalarynyň biri boldy. Munuň özi hormatly Prezidentimiziň öňdengörüjilikli daşary syýasatynyň guwançly miwesidir.  Türkmenistanyň hemişelik Bitaraplyk hukuk derejesine eýe bolanyna 30 ýyla golaý geçen döwrüň içinde Garaşsyz döwletimiziň Bitaraplyk taglymaty täze many-mazmun bilen baýlaşdy. Dünýäde parahatçylygy, ählumumy howpsuzlygy pugtalandyrmakda, birek-birege hormat goýup, deňhukukly hyzmatdaşlygyň, dost-doganlyk gatnaşyklarynyň işjeňleşdirilmegine oňyn täsiri ýokarlandy. Garaşsyz, Bitarap döwletimiziň halkara at-abraýy hil taýdan täze derejelere çykdy. Demokratik, hukuk we dünýewi döwlet bolan Türkmenistanymyzyň kanunçylyk-hukuk binýady ählumumy ykrar edilen halkara hukuk kadalaryna laýyklykda kämilleşdirildi. Döwletimiziň Bitaraplygy halkymyzyň parahat, asuda durmuşda abadançylygynyň ygtybarly kepilidigi il-günümiziň guwanjyny goşalandyrýar. Türkmenistanyň hemişelik Bitaraplygy parahatçylyksöýüjilik we hoşniýetli goňşuçylyk gatnaşyklarynyň däplerine wepaly bolan türkmen halkynyň gadymy milli däpleriniň esasydyr. Garaşsyz Türkmenistanyň halkara abraýy, öňe sürýän oňyn başlangyçlary sebit boýunça goňşy we dünýäniň dürli döwletleri bilen özara bähbitli we deňhukukly işjeň hyzmatdaşlygy has-da giňeltmäge mümkinçilik berýär. Ali RAHMEDOW.

Garaşsyz, hemişelik Bitaraplyk hukuk derejesine buýsanyp ýaşaýan türkmen halkynyň her bir güni şanly senelere, taryhy wakalara beslenýär. Ýurdumyzyň ähli pudagynda uly ösüşlere eýe bolunýar. Ata Watanymyzyň ösüşli menzillere rowana bolmagy ugrunda hormatly Prezidentimiziň taýsyz tagallasy bilen uly işler ýola goýulýar. Şol sanda, halkara gatnaşyklarynyň has-da pugtalandyrylmagy ugrunda ençeme işler durmuşa geçirilýär.  “Halkara parahatçylyk we ynanyşmak ýyly” diýlip atlandyrylan ajaýyp ýylymyzda Gahryman Arkadagymyzyň, Arkadagly Gahryman Serdarymyzyň saýasynda dünýä döwletleri bilen dost-doganlyk gatnaşyklarymyz barha berkeýär. Şu ýylyň dowamynda hem Gahryman Arkadagymyzyň, Arkadagly Gahryman Serdarymyzyň birnäçe döwletlere amala aşyran iş saparlary häzirki wagtda alnyp barylýan ykdysady, diplomatik hyzmatdaşlyklarynyň mundan beýläk-de rowaç aljakdygyna doly şaýatlyk edýär. Munuň özi ýurdumyzda dost-doganlyk gatnaşyklarynyň, işjeň hem hoşniýetli hyzmatdaşlyklaryň geljekde has-da pugtalandyrylmagynda uly ähmiýete eýedir. Amandurdy ŞADYÝEW.

 Özüniň hemişelik Bitaraplygynyň şanly 30 ýyllygynyň toýuny giňden toýlaýan Garaşsyz Watanymyz taryh üçin uzak bolmadyk döwürde bitaraplyk, dost- -doganlyk, hoşniýetli goňşuçylyk ýörelgeleri bilen halkara derejesinde uly abraý-mertebe gazandy. Häzirki wagtda döwletimiziň daşary syýasatda öňe sürýän parahatçylyksöýüjilikli ynsanperwer ýoly dünýä ýüzünde giň goldawa eýe bolýar.   Türkmenistan döwletimiziň bütin dünýäde parahatçylygy, howpsuzlygy pugtalandyrmaga, durnukly ösüşi üpjün etmäge we beýleki möhüm ugurlara gönükdirilen başlangyçlary rowaçlyklara beslenýär. Dünýä döwletleri bilen dürli ugurlarda özara bähbitli hyzmatdaşlygy ösdürmek, sebitde hem dünýäde ýüze çykýan meseleleri çözmek üçin oňaýly şertleri döretmek boýunça ýurdumyzyň halkara derejesindäki orny has-da pugtalanýar. Täze taryhy eýýamda bitaraplyk ýörelgelerine daýanýan hoşniýetli daşary syýasatymyz üstünlikli dowam etdirilýär.   Goý, halkymyzy rowaçlyklaryň ýoly bilen öňe alyp barýan, bütin dünýäde parahatçylygyň, ählumumy howpsuzlygyň pugtalanmagy ugrundaky tagallalaryň üstünlikli durmuşa ornaşdyrylmagyna mynasyp goşant goşýan Gahryman Arkadagymyzyň we hormatly Prezidentimiziň janlary sag, ömürleri uzak, at-abraýlary mundan beýläk-de belent bolsun! Myratgeldi ÇARYÝEW.

Bahar paslynyň ajaýyp gözelligi

Fotoreportaj: Futbol boýunça Türkmenistanyñ çempionaty 12-nji tapgyr Altyn Asyr - Merw

Fotoreportaj: Futbol boýunça Türkmenistanyñ çempionaty Merw 1-1 Altyn Asyr

Fotoreportaž: Mary welaýaty: Çagalary goramagyň halkara güni mynasybetli geçirilen dabaralardan pursatlar

Fotoreportaž: Mary welaýatynda Bütindünýä welosiped güni bellenilip geçildi.

Fotoreportaž: Mary welaýaty: Türkmenistanyň ÝUNESKO agzalygyna kabul edilmeginiň 30 ýyllygyna bagyşlanan dabaralardan pursatlar.

Fotoreportaj: DÇ-2026 saýlama tapgyry Türkmenistan 0-1 Eýran yslam respublikasy

Fotoreportaj: Mary şäheriniň Çagalar çeperçilik mekdebiniň okuwçylarynyň işleri