Türkmenistanyň Ministrler Kabinetiniň mejlisi

Habarlar

Iň täze habarlar

441 30.11.2024

Düyn hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşynyň birnäçe meselelerine garaldy.

Ilki bilen, Mejlisiň Başlygy D.Gulmanowa döwrüň talaplaryna we halkara hukugyň umumy ykrar edilen kadalaryna laýyklykda, Türkmenistanyň kanunçylyk binýadyny kämilleşdirmek boýunça alnyp barylýan işler barada maglumat berdi. Şeýle hem Mejlisiň şu ýylyň 30-njy noýabrynda geçiriljek nobatdaky maslahatyna taýýarlyk görlüşi barada aýdyldy. Onda “Türkmenistanyň 2025-nji ýyl üçin Döwlet býujeti hakynda” Türkmenistanyň Kanunynyň we “Türkmenistanyň 2023-nji ýyl üçin Döwlet býujetiniň ýerine ýetirilişi hakynda” Türkmenistanyň Mejlisiniň kararynyň taslamalary ara alnyp maslahatlaşylar. Şunuň bilen birlikde, maslahatyň gün tertibine administratiw hukuk bozulmalary, zähmet gatnaşyklary, Adalatçynyň hukuk ýagdaýy, döwlet gullugy, salgytlar, daşary ykdysady gatnaşyklarda puly kadalaşdyrmak we pula gözegçilik etmek, ýurdumyzyň halkara şertnamalary, daşary syýasy ugry boýunça gol çekilen ylalaşyklary tassyklamak, degişli konwensiýa goşulmak bilen bagly kanun taslamalary giriziler.

Daşary ýurtlaryň parlamentleri hem-de halkara guramalar bilen netijeli gatnaşyklary ösdürmek maksady bilen görülýän çäreler barada-da aýdyldy. Şunuň bilen baglylykda, ÝHHG-niň Parlament Assambleýasynyň Başlygy hem-de ABŞ-nyň Senatynyň Energetika we tebigy serişdeler boýunça komitetiniň agzasynyň ýolbaşçylygyndaky wekiliýetler bilen duşuşyklaryň geçirilendigi, deputatlaryň ABŞ-nyň Halkara ösüş boýunça agentliginiň, BMG-niň Çagalar gaznasynyň ýurdumyzyň degişli döwlet edaralary bilen bilelikde geçiren okuw maslahatlaryna gatnaşandyklary hakynda habar berildi. Deputatlar döwlet syýasatyny we maksatnamalaýyn özgertmeleriň ähmiýetini giňden wagyz etmek, kabul edilen kanunlaryň many-mazmunyny halk köpçüligine düşündirmek boýunça geçirilýän çärelere işjeň gatnaşýarlar.

Hormatly Prezidentimiz Serdar Berdimuhamedow ýurdumyzyň hukuk binýadyny berkitmek boýunça alnyp barylýan işleri dowam etdirmegiň, milli kanunçylyk ulgamyny döwrüň talaplaryna laýyklykda yzygiderli kämilleşdirmegiň zerurdygyny belledi.

Ministrler Kabinetiniň Başlygynyň orunbasary H.Geldimyradow ýurdumyzyň banklarynyň ýyllyk maliýe hasabatlaryna audit işlerini geçirmek boýunça görülýän çäreler barada hasabat berdi. Bu işleriň “Karz edaralary we bank işi hakynda” we “Auditorçylyk işi hakynda” Türkmenistanyň Kanunlaryna, Türkmenistanyň Prezidentiniň “Türkmenistanda buhgalterçilik hasaba alnyşy we auditi özgertmegiň maksatnamasy hakynda” Kararyna laýyklykda alnyp barylýandygy aýdyldy. Munuň özi banklarda maliýe hasabatlarynyň takyklygyny seljermäge, bank işiniň ugurlaryna we maliýe töwekgelçiliklerine baha bermäge mümkinçilik berer. Şunuň bilen baglylykda, döwlet Baştutanymyzyň garamagyna degişli teklip hödürlenildi.

Hormatly Prezidentimiz hasabaty diňläp, bank ulgamynyň işini kämilleşdirmegi we onuň hyzmatlaryny giňeltmegi mundan beýläk-de dowam etdirmegiň wajypdygyny belledi. Döwlet Baştutanymyz ýurdumyzyň banklary tarapyndan köpçülikleýin habar beriş serişdelerinde audit barlaglary boýunça halkara bäsleşikleri yglan etmek baradaky teklibi goldap, wise-premýere bu ugurda degişli işleri geçirmegi tabşyrdy.

Ministrler Kabinetiniň Başlygynyň orunbasary B.Amanow “Türkmennebit” döwlet konserniniň nebiti gaýtadan işleýän zawodlarynyň kuwwatyndan netijeli peýdalanmak, nebiti gaýtadan işlemäge ýöriteleşdirilen täze önümçilikleri döretmek, olary döwrebaplaşdyrmak boýunça görülýän çäreler barada hasabat berdi. Şunuň bilen baglylykda, wise-premýer Seýdiniň nebiti gaýtadan işleýän zawodynyň suw üpjünçilik ulgamyny döwrebaplaşdyrmak boýunça alnyp barylýan işler barada aýdyp, hormatly Prezidentimiziň garamagyna degişli teklibi hödürledi.

Hormatly Prezidentimiz hasabaty diňläp, «Türkmennebit» döwlet konserniniň garamagyndaky nebiti gaýtadan işleýän zawodlaryň önümçilik kuwwatyny netijeli peýdalanmak üçin degişli işleri alyp barmagyň, munuň üçin pudagyň maddy-enjamlaýyn binýadyny yzygiderli berkitmegiň zerurdygyny belledi. Şunuň bilen baglylykda, döwlet Baştutanymyz Seýdiniň nebiti gaýtadan işleýän zawodynyň suw üpjünçilik ulgamyny döwrebaplaşdyrmak baradaky teklibi goldap, wise-premýere degişli işleri geçirmegi tabşyrdy.

Ministrler Kabinetiniň Başlygynyň orunbasary T.Atahallyýew oba hojalyk pudagynda hem-de welaýatlarda möwsümleýin işleriň geçirilişi barada hasabat berdi.

Bellenilişi ýaly, oba hojalyk ekinlerine ideg etmek, ýetişdirilen hasyly ýygnap almak, geljek ýyl üçin hasylyň düýbüni tutmak boýunça möwsümleýin işler dowam edýär. Hususan-da, bugdaý ekilen meýdanlarda mineral dökünler bilen iýmitlendirmek, ösüş suwuny tutmak işleri ýerine ýetirilýär. Şeýle hem gowaça meýdanlarynda galan pagta hasylyny ýygnap almak, hasyly kabul ediş harmanhanalarynda kabul etmek we pagta arassalaýjy kärhanalarda gaýtadan işlemek babatda degişli işler geçirilýär. Ýerleri ýazky ekiş möwsümine taýýarlamak üçin gowaça ekiljek meýdanlarda ýerleri mineral dökünler bilen gurplandyrmak we sürüm işlerini geçirmek, oba hojalyk tehnikalaryny taýýarlamak boýunça işler dowam edýär. Ösdürilip ýetişdirilen şaly hasylyny ýygnamak işi tamamlaýjy tapgyrda alnyp barylýar. Mary welaýatynda bolsa gant şugundyryny ýygnap almak boýunça zerur çäreler ýerine ýetirilýär.

Ýurdumyzda daşky gurşawy gorap saklamak, ekologik abadançylygy üpjün etmek, Milli tokaý maksatnamasyny üstünlikli durmuşa geçirmek hem-de eziz Diýarymyzy bagy-bossanlyga öwürmek maksady bilen, güýzki bag ekmek möwsümi dowam edýär.

Hormatly Prezidentimiz hasabaty diňläp, oba hojalyk pudagyny toplumlaýyn ösdürmegi we onuň maddy-enjamlaýyn binýadyny pugtalandyrmagy dowam etdirmegiň, bugdaý ekilen meýdanlarda agrotehniki kadalara laýyklykda ideg işlerini alyp barmagyň zerurdygyny belledi. Döwlet Baştutanymyz gowaça meýdanlarynda galan hasyly soňky hanasyna çenli ýygnap almagyň, ýygnalan hasyly pagta arassalaýjy kärhanalarda gaýtadan işlemek boýunça degişli işleri geçirmegiň, maldarçylyk hojalyklarynda mallary dok we ýyly gyşlatmak üçin alnyp barylýan işleri berk gözegçilikde saklamagyň wajypdygyny belläp, wise-premýere birnäçe anyk tabşyryklary berdi.

Ministrler Kabinetiniň Başlygynyň orunbasary B.Annamämmedow Halkara Bitaraplyk gününe taýýarlyk görmegiň çäklerinde Aşgabat şäherinde alnyp barylýan işler barada hasabat berdi. Bellenilişi ýaly, Aşgabady bagy-bossanlyga öwürmek, paýtagtymyzyň ýaşaýjylarynyň we myhmanlarynyň medeniýetli dynç almaklary üçin amatly şertleri döretmek, baýramçylyk dabaralaryny ýokary derejede geçirmek boýunça zerur çäreler görülýär. Şunuň bilen baglylykda, medeni-durmuş maksatly binalaryň daş-töwereginde, seýilgählerde, suw çüwdürimlerinde abatlaýyş we abadanlaşdyryş, dürli görnüşli bezeg baglaryny, gülleri ekmek işleri yzygiderli alnyp barylýar. Köçeleriň, ýaşaýyş toplumlarynyň arassaçylygyna berk gözegçilik edilýär, şäheriň baýramçylyk bezegine aýratyn möhüm ähmiýet berilýär.

Hormatly Prezidentimiz hasabaty diňläp, ýurdumyzyň Bitaraplygynyň 29 ýyllygy mynasybetli baýramçylyk çärelerini ýokary derejede geçirmäge gowy taýýarlyk görmegiň möhümdigini belledi. Şunuň bilen baglylykda, döwlet Baştutanymyz wise-premýere paýtagtymyzyň ähli künjeklerinde abadanlaşdyryş we bezeg işleriniň talabalaýyk geçirilmegine berk gözegçilik etmegi tabşyrdy.

Ministrler Kabinetiniň Başlygynyň orunbasary N.Atagulyýew söwda toplumy tarapyndan Halkara Bitaraplyk güni hem-de Täze ýyl baýramy mynasybetli görülýän taýýarlyk işleri barada hasabat berdi.

Bellenilişi ýaly, ýurdumyzyň welaýatlarynda hem-de Aşgabat we Arkadag şäherlerinde ýerleşýän bazarlarda, söwda merkezlerinde şu ýylyň 5-nji dekabryndan başlap baýramçylyk söwdalaryny geçirmek, ýurdumyz boýunça jemi 850-den gowrak göçme söwda nokadyny guramak göz öňünde tutulýar. Şunuň bilen baglylykda, döwlet Baştutanymyzyň garamagyna degişli teklip hödürlenildi.

Hormatly Prezidentimiz hasabaty diňläp, Halkara Bitaraplyk güni hem-de Täze ýyl baýramy bilen baglylykda, bazarlarda ilatyň dürli önümlere bolan isleglerini doly kanagatlandyrmak üçin degişli çäreleri görmegiň, göçme söwda nokatlaryny gurnamagyň, bazarlary we dükanlary azyk, şol sanda gök-bakja, miwe önümleri bilen ýeterlik üpjün etmegiň möhümdigini nygtap, wise-premýere birnäçe tabşyryklary berdi.

Ministrler Kabinetiniň Başlygynyň orunbasary M.Mämmedowa Beýik Ýüpek ýolunyň Hazarýaka şahalaryny ÝUNESKO-nyň Bütindünýä mirasynyň sanawyna girizmek boýunça halkara bilermenleriň sebitleýin duşuşygyny geçirmäge görülýän taýýarlyk barada hasabat berdi.

Nygtalyşy ýaly, bu çäräni Daşary işler ministrligi we ÝUNESKO-nyň işleri barada Türkmenistanyň milli topary bilen bilelikde 6-7-nji dekabrda geçirmek meýilleşdirilýär. Duşuşyga gatnaşmak üçin ýurdumyza abraýly halkara we sebit düzümleriniň, daşary ýurtlaryň birnäçesiniň ylmy-barlag merkezleriniň wekilleri gelerler. Öňde boljak duşuşygyň gün tertibine taryhy-medeni ýadygärlikleri öwrenmek we dolandyrmak işine häzirki zaman tehnologiýalaryny ornaşdyrmak, atlas kartalaryny taýýarlamak işini ýola goýmak, Beýik Ýüpek ýolunyň Hazar — Wolga geçelgesiniň ugrundaky taryhy-medeni mirasyň obýektleri boýunça suratlary we çyzgylary toplamak bilen baglanyşykly meseleler giriziler.

Hormatly Prezidentimiz Serdar Berdimuhamedow hasabaty diňläp, Türkmenistanyň Birleşen Milletler Guramasy we onuň ýöriteleşdirilen düzümleri bilen işjeň hyzmatdaşlyk edýändigini belledi. Döwlet Baştutanymyz bu ugurda alnyp barylýan işleri has-da ösdürmek maksady bilen taýýarlanan teklibi goldap, wise-premýere degişli çäreleri görmegi tabşyrdy.

Soňra wise-premýer hasabatyny dowam edip, Halkara Bitaraplyk güni mynasybetli medeni çäreleri geçirmegiň guramaçylyk meseleleri barada aýtdy. Döwlet Baştutanymyz hasabaty diňläp, milli senenamamyzyň şanly senesi — ýurdumyzda hem-de halkara derejede giňden bellenilýän Halkara Bitaraplyk güni mynasybetli geçiriljek dabaralaryň ýokary guramaçylyk derejesini üpjün etmegi tabşyrdy.

Ministrler Kabinetiniň Başlygynyň orunbasary B.Orazdurdyýewa Myrat Garryýew adyndaky Türkmenistanyň Döwlet lukmançylyk uniwersitetiniň “Lukmançylyk ylmy we innowasiýalar” atly ylmy elektron žurnalyny döretmek boýunça görülýän çäreler barada hasabat berdi.

Bellenilişi ýaly, teklip edilýän žurnaly türkmen, iňlis we rus dillerinde ýylda iki gezek elektron görnüşde internet ulgamy arkaly okyjylar köpçüligine ýetirmek meýilleşdirilýär. Žurnalyň sahypalarynda ýurdumyzyň, şeýle hem daşary ýurtly professor-mugallymlaryň, lukmanlaryň, alymlaryň bejeriş-öňüni alyş, bejeriş-sagaldyş işleriniň nazary-amaly meselelerine bagyşlanan makalalaryny ýerleşdirmek göz öňünde tutulýar. Onda Gahryman Arkadagymyzyň we hormatly Prezidentimiziň lukmançylyk diplomatiýasy boýunça kesgitlän wezipelerine, ýurdumyzda saglygy goraýyş ulgamyny kämilleşdirmekde ýetilen sepgitlere, bu ugurda halkara bileleşik tarapyndan ykrar edilen üstünliklere, dünýäniň öňdebaryjy lukmançylyk ylmyndaky täzeliklere aýratyn orun berler. Şunuň bilen baglylykda, döwlet Baştutanymyzyň garamagyna degişli teklip hödürlenildi.

Hormatly Prezidentimiz hasabaty diňläp, ýurdumyzda saglygy goraýyş işgärlerini taýýarlamaga we olaryň hünär derejelerini kämilleşdirmäge aýratyn üns berilýändigini, bu ugurda alnyp barylýan işleri has-da ösdürmekde sanly ulgamyň giň mümkinçiliklerinden peýdalanmak üçin ähli şertleriň döredilýändigini belledi. Döwlet Baştutanymyz «Lukmançylyk ylmy we innowasiýalar» atly ylmy elektron žurnaly döretmek baradaky teklibi goldap, wise-premýere degişli işleri geçirmegi tabşyrdy.

Ministrler Kabinetiniň Başlygynyň orunbasary, daşary işler ministri R.Meredow şu ýylyň martynda Türkmenistanyň Prezidentiniň Karary bilen döredilen «Türkmenistan — Birleşen Milletler Guramasy» strategik maslahat beriş geňeşiniň nobatdaky mejlisine görülýän taýýarlyk barada hasabat berdi.

Bellenilişi ýaly, duşuşygyň çäklerinde esasy üç ugurda ikitaraplaýyn gatnaşyklaryň geljegine garamak göz öňünde tutulýar. Şunuň bilen baglylykda, ilkinji nobatda, ýurdumyzyň BMG bilen hyzmatdaşlygyny ösdürmek boýunça işlenip taýýarlanylan maksatnamalary we degişli resminamalary ara alyp maslahatlaşmak teklip edilýär. Şolaryň hatarynda “Türkmenistan bilen BMG-niň arasynda durnukly ösüş ugrunda 2026 — 2030-njy ýyllar üçin hyzmatdaşlygyň Çarçuwaly maksatnamasynyň”; BMG-niň agentlikleriniň «Ýaşlar, parahatçylyk we howpsuzlyk» atly bilelikdäki maksatnamasynyň; “Türkmenistanda adam söwdasyna garşy hereket etmek boýunça 2025 — 2029-njy ýyllar üçin Hereketleriň milli meýilnamasynyň”; Howanyň üýtgemegi, metan zyňyndylaryny azaltmak, “ýaşyl” energetika we sanlylaşdyrma ugurlary boýunça BMG-niň Türkmenistandaky düzüm birlikleriniň bilelikdäki maksatnamalarynyň taslamalary bar.

2030-njy ýyla çenli Durnukly ösüş maksatlaryny milli derejede durmuşa geçirmekde ulgamlaýyn çemeleşmeleri we oňyn tejribeleri ornaşdyrmak maksadyndan ugur alyp, BMG-niň Türkmenistandaky hemişelik utgaşdyryjysynyň wekilhanasy bilen ýurdumyzyň degişli ministrlikleriniň we pudak edaralarynyň bilelikde taýýarlan «2025 — 2027-nji ýyllarda Türkmenistanda Durnukly ösüş maksatlary boýunça hasabatlylygy berkitmek baradaky “Ýol kartasyny» maslahatlaşmak göz öňünde tutulýar. Mejlisiň çäklerinde BMG-niň Merkezi Aziýada howanyň üýtgemegi bilen bagly tehnologiýalar boýunça sebit merkezine, Durnukly ösüş maksatlaryny amala aşyrmak bilen bagly döwletimiziň üstünliklerine, şol sanda zerur bolan maglumatlary alyşmaga degişli meseleleri ara alyp maslahatlaşmak meýilleşdirilýär. Şunuň bilen baglylykda, BMG-niň Ösüş maksatnamasy, Ilat gaznasy, Çagalar gaznasy tarapyndan taýýarlanylýan hasabatlary ýurdumyzda durnukly ösüşde ýetilen sepgitler baradaky maglumatlar bilen üpjün etmegiň mümkinçilikleri babatda pikir alyşmak göz öňünde tutulýar.

Hormatly Prezidentimiz hasabaty diňläp, Türkmenistanyň Birleşen Milletler Guramasy we onuň düzüm birlikleri bilen maksatnamalaýyn esasda hyzmatdaşlyk edýändigini belledi. «Türkmenistan — Birleşen Milletler Guramasy» strategik maslahat beriş geňeşiniň işine uly ähmiýet berilýär diýip, döwlet Baştutanymyz aýtdy we wise-premýer, daşary işler ministrine geňeşiň nobatdaky mejlisine gowy taýýarlyk görmegi tabşyrdy.

Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew hormatly Prezidentimiziň baştutanlygynda amala aşyrylýan durmuş-ykdysady özgertmeleriň çäklerinde milli awiasiýa pudagynda awiasiýa howpsuzlygyny üpjün etmek boýunça alnyp barylýan işler barada hasabat berdi. Bellenilişi ýaly, ýurdumyzyň halkara şertnamalaryna, Türkmenistanyň Howa kodeksine we Halkara raýat awiasiýasy guramasy tarapyndan kabul edilen halkara standartlara laýyklykda, “Türkmenistanyň Raýat awiasiýasynyň awiasiýa howpsuzlygyny üpjün etmegiň Döwlet maksatnamasynyň” taslamasy işlenip taýýarlanyldy. Şunuň bilen baglylykda, döwlet Baştutanymyzyň garamagyna degişli teklip hödürlenildi.

Hormatly Prezidentimiz hasabaty diňläp, milli awiasiýa pudagynyň maddy-enjamlaýyn binýadynyň yzygiderli pugtalandyrylýandygyny, raýat awiasiýasynyň hukuk esaslaryny has-da kämilleşdirmek boýunça degişli işleriň durmuşa geçirilýändigini belledi. Şunuň bilen baglylykda, döwlet Baştutanymyz taýýarlanan teklibi goldap, agentligiň ýolbaşçysyna bu ugurda zerur çäreleri görmegi tabşyrdy.

Soňra hormatly Prezidentimiz Serdar Berdimuhamedow Ministrler Kabinetiniň agzalaryna ýüzlenip, ýakynda Gahryman Arkadagymyzyň «Hakyda göwheri» atly täze kitabynyň neşir edilendigini aýtdy. Kitapda ata-babalarymyzyň şöhratly geçmişi, taryhda yz goýan şahsyýetlerimiziň nusgalyk ýoly, halkymyzyň agzybirligi giňden beýan edilýär. Türkmen halkynyň dünýä siwilizasiýasyna goşan goşandy baradaky gymmatly taryhy maglumatlara möhüm orun berilýär diýip, döwlet Baştutanymyz belledi. Şunuň bilen baglylykda, Arkadagly Gahryman Serdarymyz Milli Liderimizi we mejlise gatnaşyjylaryň ählisini «Hakyda göwheri» atly kitabyň çapdan çykmagy bilen tüýs ýürekden gutlady.

Hormatly Prezidentimiz Serdar Berdimuhamedow Ministrler Kabinetiniň sanly ulgam arkaly geçirilen mejlisini jemläp, oňa gatnaşanlara berk jan saglyk, maşgala abadançylygyny, berkarar Watanymyzyň gülläp ösmegi ugrunda alyp barýan işlerinde uly üstünlikleri arzuw etdi.

14 05.05.2026

Saglygym — baş baýlygym

TDP-niň welaýat, Mary şäher komitetleriniň, TMÝG-niň şäher geňeşiniň bilelikde guramagynda welaýat kitaphanasynyň mejlisler zalynda sagdyn durmuş ýörelgelerine bagyşlanylyp, “Saglygym — baş baýlygym” ady bilen maslahat geçirildi. Maslahata Türkmenistanyň Mejlisiniň deputatlary, TDP-niň welaýat, şäher komitetleriniň işgärleri we işjeň agzalary, TMÝG-niň şäher geňeşiniň hünärmenleri gatnaşdylar. Maslahatda Baýramaly etrap hassahanasynyň lukmany, Türkmenistanyň Mejlisiniň deputaty Ýusup Annaýew, TDP-niň Mary şäher komitetiniň başlygy Hekimberdi Orazberdiýew, welaýat kitaphanasynyň kitaphanaçysy Aýsoltan Piriýewa çykyş etdiler. Çykyşlarda Arkadagly Gahryman Serdarymyzyň saýasynda halkymyzyň saglygy ugrunda möhüm işleriň durmuşa geçirilýändigi, ýurdumyzda jemgyýetiň we döwletiň iň gymmatly hazynasynyň adamdygy hakynda täsirli gürrüň edildi. Meňli MOMMADOWA.

14 05.05.2026

Ýyndam bedewleriň ýaryşy

Düýn Mary atçylyk sport toplumynda geçirilen at çapyşygy Murgap jülgesiniň bedew muşdaklary üçin ýene bir baýramçylyga öwrüldi. Döwrebap toplumyň giň aýlawynda geçirilen ýelden ýyndam bedewleriň ýaryşlary tomaşaçylar tarapyndan gyzgyn garşylandy. Dabarada ýaňlanan hoş owazly aýdym-sazlar bolsa şowhunly ýaryşlara özboluşly bir bezeg berdi. “Garaşsyz, baky Bitarap Türkmenistan — bedew batly at-myradyň mekany” ýylynyň ýaz paslynyň ýekşenbe gününde şatlyk-şowhuna beslenen at çapyşyklary 5 tapgyrdan ybarat boldy. Üçýaşar atlaryň arasynda geçirilen birinji çapyşyk 1200 metr aralyk bolup, oňa bäş sany bedew gatnaşdy. Onda Mary welaýat häkimliginiň aty bolan Ýeňiş 2 atly dor at 1 minut 28 sekunt wagt bilen pellehana birinji bolup geldi. K. Garýagdyýewiň seýislän bu atyny çapyksuwar T. Annaçaryýew ussatlyk bilen çapmagy başardy. Ikinji çapyşyk 1400 metr aralyk bolup, onda üçýaşar bedewleriň bäşisi özara güýç synanyşdylar. Bu çapyşykda Ş. Orazgeldiýewiň hojalyk aty — Garagyz atly gara gysrak 1 minut 36 sekunt wagtda gelip, ýeňiji bolmagy başardy. Ş. Orazgeldiýewiň seýislän atyna B. Gurbanow ezberlik bilen çapyksuwarlyk etdi. Üçünji çapyşyk ýene-de 1400 metr aralyga geçirildi we oňa üçýaşar atlaryň bäşisi gatnaşdy. Bu gezek Ş. Şamyradowyň hojalyk aty bolan Garajaoglan atly gara aty ýeňiş gazandy. D. Amandurdyýewiň seýislän bu atyna Ý. Amannazarow çapyksuwarlyk etdi. Garajaoglan atly bu at pellehana 1 minut 34 sekuntda geldi. Soňky iki çapyşyk 1800 metr aralyga geçirilip, olarda dörtýaşar we ulyýaşar atlar güýç synanyşyp öz ýyndamlyklaryny görkezdiler. Dördünji çapyşykda Mary döwlet athanasyna degişli Peýdaly atly gyr at bäş atyň arasyndan saýlanyp ýeňiji boldy. Ol bu aralygy B. Gurbanowyň çapyksuwarlyk etmeginde geçip, pellehana 2 minut 7 sekuntda geldi. Atyň seýsi K. Garýagdyýew. Bäşinji çapyşykda R. Läliýewiň hojalyk aty bolan Toýçy atly mele at bäş atdan saýlanyp pellehana birinji bolup geldi. Ş. Orazgeldiýewiň seýislän bu atyny çapyksuwar B. Gurbanow ussatlyk bilen çapmagy başardy. Bu at pellehana 2 minut 1,02 sekuntda gelmegi başaryp, ýeňiji boldy. Tolgundyryjy pursatlara baý bolan bu at çapyşygyna gatnaşan bedew janköýerleridir tomaşaçylar Milli Liderimiz Gahryman Arkadagymyza, hormatly Prezidentimiz Arkadagly Gahryman Serdarymyza ýürek buýsançlaryny beýan etdiler. Sähet HOJAGELDIÝEW.

14 05.05.2026

Bäsleşigiň welaýat tapgyry geçirildi

Hormatly Prezidentimiziň “Ýaşlar-Watanyň daýanjy” atly kitabynda “Ýaş zenanlaryň Berkarar döwletiň täze eýýamynyň Galkynyşy döwründäki mynasyp orny barada gürrüň edilende, olaryň milli keşdeçilik sungatynyň, dokmaçylygyň, ýüpekçiligiň, zergärçiligiň kämil derejede ösdürilmeginde, nesilden-nesle geçmeginde ýokary ussatlyk görkezýändiklerini aýtmak gerek” diýen parasatly sözlerden ugur alynyp, 2026-njy “Garaşsyz, baky Bitarap Türkmenistan-bedew batly at-myradyň mekany” ýyly mynasybetli Türkmenistanyň Zenanlar birleşiginiň Merkezi Geňeşiniň, Türkmenistanyň Kärdeşler arkalaşyklarynyň Milli merkeziniň hem-de ÝUNESKO-nyň işleri barada Türkmenistanyň Milli toparynyň sekretariatynyň bilelikde guramaklarynda halkymyzyň asyrlar aşyp gelen zergärçilik sungatyny dünýä ýaýmakda, kämilleşdirmekde, halal zähmetleri bilen ýurdumyzyň gülläp ösüşlerine goşantlaryny goşýan, öz ajaýyp eserleri, el işleri bilen halkymyzyň bagtly günlerini, toý-baýramlaryny bezeýän edara-kärhanalarda zähmet çekýän işgärleriň, höwesjeň zenanlaryň, talyp ýaşlaryň arasynda yglan edilen ,,Zergärçilik sungatym- miras daragtym” atly bäsleşigiň Mary welaýat tapgyry geçirilip, oňa etrap, şäher tapgyrynda geçirilen bäsleşikde ýeňiji bolan zenanlar we welaýatyň edara – kärhanalarynda zähmet çekýän dürli kärdäki işewür zenanlar gatnaşdylar. Türkmenistanyň Zenanlar birleşiginiň Mary welaýat zenanlar bölüminiň, welaýat häkimliginiň, medeniýet müdirliginiň guramagynda egsilmejek şatlyk-şowhuna beslenilip geçirilen bäsleşigiň welaýat tapgyrynda zenanlar öz saýlap alan hünärleriniň, kesp-käriniň ähmiýetini, öňlerinde goýan maksatlaryny watanymyzyň ähli pudaklarynda gazanylýan ösüşlerine türkmen zenanlarynyň goşýan saldamly goşantlaryny çeper sözüň üsti bilen wasp edip, gadymy milli şaý-sepleriň taýýarlanyş usullaryny iş gurralaryň üsti bilen görkezmek arkaly döredijilik ukyp-başarnyklaryny açyp görkezdiler. Bu ýerde zenanlaryň öz saýlap alan hünärleri, onuň wajyplygy barada beren gyzykly gürrüňleri bäsleşige tomaşa etmäge gelenlerde ýakymly duýgulary oýardy. Bäsleşigiň dowamynda medeniýet we sungat işgärleriniň aýdym-sazly çykyşlaram giňden ýaýbaňlandyrylyp, gelin-gyzlaryň ümä üýşüp bagtyýarlyk döwrümizi, eli çeper türkmen zenanlarmyzy gazallaryň üsti bilen wasp edip ýerine ýetiren aýdymlary bu günki bäsleşigiň şowhunyny has-da artdyrdy. Bu ýerde haly önümlerinden, şaý-sepleriň nusgalyk görnüşlerinden, türkmen milli lybaslaryndan we surat eserlerinden guralan sergem dabara özboluşly millilik ruhuny çaýdy.Bäsleşige gatnaşan zenanlaryň her biriniň çykyşyna emin agzalary tarapyndan mynasyp baha berilip, onda üstün çykan zenanlara Kärdeşler Arkalaşyklarynyň Mary welaýat birleşmesiniň ýadygärlik sowgatlary gowşuryldy. Bäsleşige gatnaşan zenanlar Watanymyzyň gülläp ösmegine özleriniň mynasyp goşantlaryny goşmakda döredip berýän ajaýyp mümkinçilikleri üçin Hormatly Prezidentimize zenan kalbyndan joşup çykýan ýürek buýsançlaryny, alkyşly sözlerini aýtdylar. Nurjahan Mämmedowa

14 05.05.2026

Nebit-gaz pudagy uly ösüşde

“Garaşsyz, baky Bitarap Türkmenistan bedew batly at-myradyň mekany” ýylynda Mary nebitgaz orta hünär okuw mekdebinde “Nebit-gaz pudagy uly ösüşde” ady bilen maslahat duşuşygy geçirildi. Bu maslahat duşuşygyna bu orta hünär okuw mekdebiniň mugallymlary, bagtyýar talyp ýaşlary we jemgyýetçilik guramalarynyň işgärleri gatnaşdylar. Bu maslahat duşuşygynda Gahryman Arkadagymyzyň, peder ýoluny mynasyp dowam etdirýän Arkadagly Gahryman Serdarymyzyň parasatly baştutanlygynda nebit-gaz pudagynda ýetilen belent sepgitler, bu pudakda alnyp barylýan ägirt uly işler dogrusynda gyzykly gürrüňler edildi. “Garaşsyz, baky Bitarap Türkmenistan – bedew batly, at-myradyň mekany” ýylynda ýokary ruhubelentlige beslenilip geçirilen bu maslahat duşuşygy duşuşyga gatnaşanlarda ýatdan çykmajak täsirleri galdyrdy. Maslahat duşuşygynyň ahyrynda oňa gatnaşanlar döredilýän giň mümkinçilikler üçin Türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza alkyş sözlerini beýan etdiler. Maýa Annameredowa.

11 05.05.2026

Usuly-amaly maslahat geçirildi

Mary welaýat Baş bilim müdirliginiň gurnamagynda Türkmenistanyň Bilim ministrliginiň ýyllyk iş meýilnamasynyň çäklerinde “Öňdebaryjy innowasion çemeleşmeleri we halkara iş tejribeleri bilim işine giňden ornaşdyrmak” ady bilen döwlet derejesinde usuly-amaly maslahat geçirildi. Mary şäherindäki 29-njy çagalar bakja-bagynda geçirilen bu usuly-amaly maslahata ýurdumyzyň mekdebe çenli çagalar edaralarynyň öňdebaryjy bilim işgärleri gatnaşdylar. Bu maslahatyň açylyş dabarasynda zehinli çagalaryň döredijilik çykyşlary giň gerimde ýaýbaňlandy. Soňra çagalar bagynyň giň eýwanynda taýýarlanan görkezme çykyşlary bu maslahata gatnaşan bilim işgärlerinde uly gyzyklanma döretdi. Olar çagalaryň taýýarlan çykyşlaryny mähirli el çarpyşmalary bilen garşyladylar. Soňra maslahata gatnaşanlar bu ýerde öňdebaryjy tejribeli bilim işgärleriniň okuw gollanmalaryndan we görkezme esbaplaryndan guralan giň sergini hem uly höwes bilen synladylar. Körpeleriň duýgularyny ösdürmek, daş-töwerek baradaky düşünjelerini kämilleşdirmek boýunça guralan öwrediji oýunlaryň ähmiýeti baradaky pursatlaryň görkezilmegi hem bu ýere ýygnananlarda aýratyn gyzyklanma döretdi. Usuly-amaly maslahatyna gatnaşan bilim işgärleri Berkarar döwletiň täze eýýamynyň galkynyşy döwründe ýaş nesle döwrebap bilim we terbiýe bermegiň möhüm meseleleri hem-de ýokary netijeli iş tejribeler, çaganyň irki ösüşini kämilleşdirmegiň innowasion usullary, mekdebe çenli Döwlet bilim standartyny çagalar baglarynyň işine ornaşdyrmak boýunça alnyp barylýan döwrebap işler barada giňişleýin gürrüň etdiler. Bu ýerde çaganyň hemmetaraplaýyn sazlaşykly ösüşini üpjün etmek we ony mekdebe taýýarlamakda mekdebe çenli çagalar edaralarynyň öňünde durýan wezipeleri durmuşa geçirmek bilen baglanyşykly geçirilýän çäreler dogrusynda hem durup geçdiler. Maslahatyň dowamyndaky çykyşlarda bilim işgärleri ýurdumyzyň bilim ulgamyny has-da kämilleşdirmekde we ony dünýä derejesine ýetirmekde alyp barýan ägirt uly işleri üçin türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza tüýs ýürekden çykýan alkyş sözlerini aýtdylar.

38 29.04.2026

Zenanlar bäsleşdiler

Hormatly Prezidentimiziň “Ýaşlar-Watanyň daýanjy” atly kitabynda “Ýaş zenanlaryň Berkarar döwletiň täze eýýamynyň Galkynyşy döwründäki mynasyp orny barada gürrüň edilende, olaryň milli keşdeçilik sungatynyň, dokmaçylygyň, ýüpekçiligiň, zergärçiligiň kämil derejede ösdürilmeginde, nesilden-nesle geçmeginde ýokary ussatlyk görkezýändiklerini aýtmak gerek” diýen parasatly sözlerden ugur alynyp, 2026-njy “Garaşsyz, baky Bitarap Türkmenistan-bedew batly at-myradyň mekany” ýyly mynasybetli Türkmenistanyň Zenanlar birleşiginiň Merkezi Geňeşiniň, Türkmenistanyň Kärdeşler arkalaşyklarynyň Milli merkeziniň hem-de ÝUNESKO-nyň işleri barada Türkmenistanyň Milli toparynyň sekretarlarynyň bilelikde guramaklarynda halkymyzyň asyrlar aşyp gelen zergärçilik sungatyny dünýä ýaýmakda, kämilleşdirmekde, halal zähmetleri bilen ýurdumyzyň gülläp ösüşlerine goşantlaryny goşýan, öz ajaýyp eserleri, el işleri bilen halkymyzyň bagtly günlerini, toý-baýramlaryny bezeýän edara-kärhanalarda zähmet çekýän işgärleriň, höwesjeň zenanlaryň, talyp ýaşlaryň arasynda yglan edilen ,,Zergärçilik sungatym- miras daragtym” atly bäsleşigiň etrap, şäher tapgyrlary geçirilýär. Welaýatyň Sakarçäge we Murgap etrap medeniýet öýünde etrap medeniýet bölümleriniň, Türkmenistanyň Zenanlar birleşiginiň Sakarçäge, Murgap etrap bölümleriniň we Türkmenistanyň Kärdeşler arkalaşyklarynyň Sakarçäge, Murgap etrap birleşmeleriniň bilelikde gurnamaklarynda „Zergärçilik sungatym- miras daragtym“ atly bäsleşigiň etrap tapgyrlary geçirilip, ol egsilmejek ruhubelentlige beslendi. Bäsleşigiň bu tapgyryna etrabyň dürli ulgamlarynda zähmet çekýän işewür zenanlar gatnaşdylar. Bäsleşigiň etrap tapgyryna gatnaşan zenanlar özleriniň döredijilik ussatlyklary, ukyp-başarnyklary we öňde goýlan maksatlary boýunça çykyş etdiler. Bäsleşigiň geçýän ýerinde muzeý gymmatlyklarynyň, haly we haly önümleriniň, ene-mamalarymyzdan miras galan, nepislik bilen bezelen el işleriniň we milli toý lybaslarynyň görnüşleriniň giň gerimde ýaýbaňlanan sergisem oňa özboluşly millilik ruhuny çaýdy. Bäsleşikde has tapawutly çykyş edip, ýeňiji bolan toparlara Türkmenistanyň Zenanlar birleşiginiň Sakarçäge we Murgap etrap bölümleriniň ýörite taýýarlan sowgatlary gowşuryldy we bäsleşigiň welaýat tapgyryna gatnaşmaga hukuk berildi. Bäsleşigiň dowamynda medeniýet we sungat ussatlarynyň aýdym-sazly, folklor çykyşlaram giň gerimde ýaýbaňlandy. Bagtyýarlyk döwrümiziň tarypyny ýetirýän şowhunly çykyşlar bäsleşige gatnaşanlaryň ruhuny göterdi. Egsilmejek ruhubelentlige beslenip geçirilen bu bäsleşikde oňa gatnaşan bagtyýar zenanlar halkymyzy bolelin durmuşda ýaşatmak ugrunda edýän bimöçber aladalary üçin Hormatly Prezidentimiziň adyna çyn ýürekden çykýan alkyş sözlerini aýtdylar. Nurjahan Mämmedowa.

44 29.04.2026

Ýüwrük ýaryşda belli

Berkarar döwletiň täze eýýamynyň Galkynyşy döwründe eziz Diýarymyzda atçylyk pudagyny ösdürmek, gözbaşy müňýyllyklara uzaýan milli atşynaslygyň gadymy mirasyny dowam etdirmek, atçylyk sportuny ösdürmek boýunça türkmen halkynyň Milli Lideri Gahryman Arkadagymyzyň başyny başlan işleri Arkadagly Gahryman Serdarymyz tarapyndan üstünlikli durmuşa geçirilýär. “Garaşsyz, baky Bitarap Türkmenistan — bedew batly at-myradyň mekany” ýylynyň aprel aýynyň soňky ýekşenbesinde Türkmen bedewiniň milli baýramy uly dabara beslenip giňden bellenilip geçildi. Gadymy Mary topragynda Türkmen bedewiniň milli baýramy mynasybetli baýramçylyk at çapyşyklary geçirildi. Dabaranyň geçen ýeri bolan welaýat atçylyk sport toplumynda atçapyşygyna gelen toý märekesini, bedew janköýerlerini medeniýet we sungat işgärleri, çagalar döredijilik toparlary aýdym-saz, tans bilen garşy aldylar. Belentden ýaňlanýan aýdym-sazyň owazy alyslara ýaýrap, toý dabarasyny has-da şowhuna besledi. Baýramçylyk mynasybetli geçirilen at çapyşyklary gyzykly we dabaraly häsiýete eýe boldy. At çapyşygy jemi bäş çapuwdan ybarat boldy. Birinji çapyşykda üçýaşar atlaryň bäşisi 1200 metr aralyga güýç synanyşmak üçin çapuw ýodasyna çykdylar. Bu çapyşykda welaýat häkimligine degişli Ýeňiş 2 atly dor at 1 minut 25,69 sekunt wagtda pellehana gelmegi başardy. Ýeňiji bolan atyň seýsi K.Garýagdyýew, çapyksuwary T.Annaçaryýew. Ikinji çapyşyga gatnaşan dokuz sany üçýaşar atlaryň arasyndan saýlanyp M.Orazmyradowyň hojalygyna degişli Düşümli atly al at 1 minut 35,74 sekunt wagt bilen ýeňiji bolmagy başardy. Atyň seýsi M.Orazmyradow, çapyksuwary R.Rahmanow. Atlar 1400 metr aralyga çapuwa goýberildi. Üçünji çapyşyk hem 1400 metr aralyga bolup, oňa üçýaşar atlaryň dokuzysy gatnaşdy. B.Orazowyň hojalyk aty bolan Garajaoglan atly gara at pellehana 1 minut 33,69 sekunt wagt bilen gelmegi başaryp, ýeňiji boldy. Bu atyň seýsi D.Amandurdyýew, çapyksuwary Ý.Amannazarow. Dördünji çapyşyk dörtýaşar we ulyýaşar atlaryň arasynda geçirilip, olar 2000 metr aralyga çapuwa goýberildi. Mary welaýat gümrük gullugyna degişli Goçýigit atly dor at 2 minut 14,95 sekunt wagtda pelehana ilkinji bolup gelmegi başardy. Onuň seýsi D.Amandurdyýew, çapyksuwary Ý.Amannazarow. Jemleýji, bäşinji çapyşyk hem dörtýaşar we ulyýaşar atlaryň arasynda geçirildi. Muhammet Balkan hojalyk jemgyýetine degişli bolan Alsakar atly al gysrak 2000 metr aralygy 2 minut 15,84 sekunt wagt bilen geçip, alty atyň arasynda ýeňiji boldy. Onuň seýsi A.Ýazlyýew, çapyksuwary D.Begmedow. At çapyşyklaryna gatnaşan bedew janköýerleri we ildeşlerimiz Milli Liderimiz Gahryman Arkadagymyza, hormatly Prezidentimize tüýs ýürekden çykýan hoşallyklaryny beýan etdiler. Sähet HOJAGELDIÝEW.

36 29.04.2026

Erteki hakykata öwrülýär

Berkarar döwletiň täze eýýamynyň Galkynyşy döwründe Gahryman Arkadagymyzyň peder kesbine eýerýän Arkadagly Gahryman Serdarymyzyň parasatly baştutanlygynda çagalar bagynda terbiýelenilýän körpejelerimiziň zehinli ýaşlar bolup ýetişmegi ugrunda yzygiderli alada edilýär. Golaýda welaýat kitaphanasynyň hyzmat ediş bölüminiň guramagynda Mary şäherindäki çagalar baglarynyň terbiýeçileriniň, körpejeleriniň gatnaşmagynda “Erteki hakykata öwrülýär” ady bilen çeper okaýyş geçirildi. Çeper okaýyşda körpejelere türkmen halk ertekileri bolan “Ejekejan”, “Öwez”, “Mämmetjan”, “Üç çopan” we çagalara niýetlenen goşguly kitaplar çeper, labyzly okaldy. Şeýle-de, körpejeler bilen “Kim bilmeşek” atly oýun guralyp, ertekilerden sowal-jogap alşyldy. Ertekileri uly höwes bilen diňläp, çeper okaýşa, sowal-jogap alyşmaga işjeň gatnaşan körpejelerimiz wagtlaryny örän hoş geçirdiler. Aýsoltan PIRIÝEWA.

50 29.04.2026

Täsirli boldy

TKA-nyň welaýat birleşmesiniň mejlisler zalynda TDP-niň welaýat komitetiniň, TKA-nyň welaýat birleşmesiniň bilelikde guramagynda sagdyn durmuş ýörelgelerine bagyşlanylyp maslahat geçirildi. Maslahata Türkmenistanyň Mejlisiniň deputatlary, ýokarda ady agzalan guramalaryň işgärleri we işjeň agzalary, ýaşuly nesliň wekilleri, medeniýet, bilim ulgamynyň işgärleri gatnaşdylar. Maslahatda Baýramaly etrap hassahanasynyň lukmany, Türkmenistanyň Mejlisiniň deputaty Ýusup Annaýew, TDP-niň welaýat komitetiniň bölüm müdiri Myrat Ataýew, TKA-nyň welaýat birleşmesiniň hukuk gözegçisi Toýly Garýagdyýew, TDP-niň Mary etrap komitetiniň partiýa guramaçysy Täzegül Pirsýanowa çykyş etdiler. Çykyşlarda hormatly Prezidentimiziň saýasynda halkymyzyň saglygy ugrunda ençeme işleriň durmuşa geçirilýändigi, ýurdumyzda jemgyýetiň we döwletiň iň gymmatly hazynasynyň adamdygy hakynda täsirli gürrüň edildi. Öwezmyrat KAKABAÝEW.

50 29.04.2026

Täsirli boldy

53 29.04.2026

Bellenilen kadalar berjaý edilmelidir

Berkarar döwletiň täze eýýamynyň Galkynyşy döwründe ilata edilýän bank hyzmatynyň hilini döwrebaplaşdyrmakda degerli işler ýola goýulýar. Şeýle tagallalaryň netijesinde bolsa bank hyzmatynyň hili ösüşli döwrüň talabyna laýyklykda ýokarlandyrylýar. Türkmenistanyň “Daýhanbank” döwlet-täjirçilik bankynyň Murgap etrap şahamçasynda guralan duşuşyk gürrüňi edilýän meselä bagyşlanyldy. Duşuşyga etrap prokuraturasynyň we ady agzalan şahamçanyň işgärleri gatnaşdylar. Duşuşykda etrap prokuraturasynyň sülçüsi, 1-nji derejeli ýurist Rejep Myradow, Türkmenistanyň “Daýhanbank” DTB-niň Murgap etrap şahamçasynyň dolandyryjysy Döwlet Berkeliýew çykyş etdiler. Çykyş edenler müşderilere bank hyzmaty ýola goýlanda bellenilen kadalaryň gyşarnyksyz berjaý edilmeginiň derwaýysdygynyň üstünde durup geçdiler. Ilata bank hyzmatyny etmekde has netijeli tagallalaryň alnyp barylýandygy barada gürrüň etdiler. Eziz GYZYLOW.

46 29.04.2026

Bäsleşikde özboluşly millilik ruhy çaýyldy

Hormatly Prezidentimiziň “Ýaşlar-Watanyň daýanjy” atly kitabynda “Ýaş zenanlaryň Berkarar döwletiň täze eýýamynyň Galkynyşy döwründäki mynasyp orny barada gürrüň edilende, olaryň milli keşdeçilik sungatynyň, dokmaçylygyň, ýüpekçiligiň, zergärçiligiň kämil derejede ösdürilmeginde, nesilden-nesle geçmeginde ýokary ussatlyk görkezýändiklerini aýtmak gerek” diýen parasatly sözlerden ugur alynyp, 2026-njy “Garaşsyz, baky Bitarap Türkmenistan-bedew batly at-myradyň mekany” ýyly mynasybetli Türkmenistanyň Zenanlar birleşiginiň Merkezi Geňeşiniň, Türkmenistanyň Kärdeşler arkalaşyklarynyň Milli merkeziniň hem-de ÝUNESKO-nyň işleri barada Türkmenistanyň Milli toparynyň sekretarlarynyň bilelikde yglan eden halkymyzyň asyrlar aşyp gelen zergärçilik sungatyny dünýä ýaýmakda, kämilleşdirmekde, halal zähmetleri bilen ýurdumyzyň gülläp ösüşlerine goşantlaryny goşýan, öz ajaýyp eserleri, el işleri bilen halkymyzyň bagtly günlerini, toý-baýramlaryny bezeýän edara-kärhanalarda zähmet çekýän işgärleriň, höwesjeň zenanlaryň, talyp ýaşlaryň arasynda yglan edilen ,,Zergärçilik sungatym- miras daragtym” atly bäsleşigiň etrap, şäher tapgyrlary geçirilýär. Şeýle bäsleşikleriň birem Türkmenistanyň Zenanlar birleşiginiň Merkezi geňeşiniň, Türkmenistanyň Kärdeşler arkalaşyklarynyň Sakarçäge etrap birleşmesiniň guramagynda Sakarçäge etrap medeniýet öýünde „Zergärçilik sungatym- miras daragtym“ atly bäsleşigiň Sakarçäge etrap tapgyry geçirilip, ol egsilmejek ruhubelentlige beslendi. Bäsleşigiň bu tapgyryna etrabyň dürli ulgamlarynda zähmet çekýän işewür zenanlar gatnaşdylar. Bäsleşigiň etrap tapgyryna gatnaşan zenanlar özleriniň döredijilik ussatlyklary, ukyp-başarnyklary we öňde goýlan maksatlary boýunça çykyş etdiler. Bäsleşigiň geçýän ýerinde muzeý gymmatlyklarynyň, haly we haly önümleriniň, ene-mamalarymyzdan miras galan, nepislik bilen bezelen el işleriniň we milli toý lybaslarynyň görnüşleriniň giň gerimde ýaýbaňlanan sergisem oňa özboluşly millilik ruhuny çaýdy. Bäsleşikde has tapawutly çykyş edip, ýeňiji bolan toparlara Türkmenistanyň Zenanlar birleşiginiň Mary etrap bölüminiň ýörite taýýarlan sowgatlary gowşuryldy we bäsleşigiň welaýat tapgyryna gatnaşmaga hukuk berildi. Bäsleşige gatnaşanlar Watanymyzyň gülläp ösmegine mynasyp goşantlaryny goşmakda döredip berýän ajaýyp mümkinçilikleri üçin Hormatly Prezidentimize özleriniň päk kalplaryndan çykýan ýürek buýsançlaryny, alkyşly sözlerini aýtdylar. Nurjahan Mämmedowa.

50 21.04.2026

Hoşallyk maslahaty geçirildi

Welaýat häkimliginde hoşallyk maslahaty geçirilip, ol Gahryman Arkadagymyzyň hem-de Hytaýyň Kommunistik partiýasynyň Merkezi komitetiniň Syýasy buýrosynyň hemişelik komitetiniň agzasy, Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň gatnaşmaklarynda Ýolöten etrabynda “Galkynyş” gaz känini özleşdirmegiň IV tapgyrynda ýylda 10 milliard kub metr harytlyk gazy taýýarlaýan desgany gurmak we şol möçberde harytlyk gazy çykarmak üçin ýeterlik boljak ulanyş guýularyny burawlamak işlerine badalga bermek dabarasyna bagyşlanyldy. Maslahata welaýat häkimliginiň ýolbaşçylary, edara-kärhanalaryň, syýasy we jemgyýetçilik guramalarynyň ýolbaşçylary we ýaşuly nesliň wekilleri gatnaşdylar. Şanly ýylymyzyň möhüm wakasy mynasybetli geçirilen hoşallyk maslahatynda welaýatyň häkimi Döwranberdi Annaberdiýew, Sakarçäge etrabynyň ýaşaýjysy, Türkmenistanyň Hormatly il ýaşulusy Allaberdi Çaryýew, TMÝG-niň welaýat geňeşiniň başlygy, Türkmenistanyň Mejlisiniň deputaty Maksat Janmyradow, Mary etrabyndaky 8-nji orta mekdebiň mugallymy Muhammet Allagulyýew, Murgap etrabynyň ýaşaýjysy, Türkmenistanyň Hormatly il ýaşulusy Annamyrat Hotjyýew we beýlekiler çykyş etdiler. Olar “Galkynyş” gaz käniniň çäginde düýbi tutulan desganyň tebigy gazy senagat taýdan gaýtadan işläp, sarp edijilere ugratmakdaky ähmiýeti barada giňişleýin gürrüň etdiler. Täze desganyň gurlup, ulanylmaga berilmeginiň ýurdumyzyň ykdysady kuwwatynyň mundan beýläk-de ýokarlanmagyna mümkinçilik berjekdigi dogrusynda durup geçdiler. Çykyşlarda Gahryman Arkadagymyza, Arkadagly Gahryman Serdarymyza alkyş sözleri buýsançly ýaňlandy. Maslahatda hormatly Prezidentimize Ýüzlenme kabul edildi. Dabarada medeniýet we sungat ussatlarynyň çykyşlaryna tomaşa edildi. Baýram AMANOW.

48 21.04.2026

Syýasy söhbetdeşlik geçirildi

Türkmenistanyň Demokratik partiýasynyň syýasy Geňeşiniň Mary welaýat, Mary şäher Wekilbazar etrap komitetleriniň Mary welaýat medeniýet müdirligi bilen bilelikde gurnamaklarynda Hormatly Prezidentimiziň Mary welaýatyna iş saparlarynyň jemleri, Gahryman Arkadagymyzyň Awstriýa Respublikasyna iş saparynyň jemleri barada syýasy söhbetdeşligi geçirildi. Hormatly Prezidentimiziň golaýda Mary welaýatyna bolan iş saparynda welaýatyň Ýolöten etrabynyň Ymambaba geňeşliginiň çäginde täze döwrebap şäherçäniň düýbüni tutup bermegi hem-de Aşgabat-Türkmenabat ýokary tizlikli Halkara awtomobil ýolunyň Mary-Türkmenabat böleginiň açylyp ulanmaga berilmegine bagyşlandy. Türkmenistanyň Mejlisiniň deputatlarynyň, partiýanyň işjeň agzalarynyň we dürli ulgamlarda zähmet çekýän raýatlaryň gatnaşmaklarynda geçirilen bu söhbetdeşligiň dowamynda çykyş edenler Berkarar döwletiň täze eýýamynyň Galkynyşy döwründe ýurdumyzy gülledip ösdürip bagtyýar halkymyzyň ýaşaýyş durmuş derejesini ýokarlandyrmak barada taýsyz tagallalary edýän Arkadagly Gahryman Serdarymyzyň Mary welaýatyna iş saparynyň dowamynda döwletli tutumyň başyny başlap, Ýolöten etrabynyň Ymambaba geňeşliginiň çäginde täze şäherçäniň düýbüni tutup bermegi Mary welaýatynyň ähli ýaşaýjylarynda begenç hem buýsanç duýgusyny döretdi. Çünki bu şäherçäniň gurulmagy bilen halkymyzyň ýaşaýyş-durmuş derejesiniň ýokary göteriljekligine bolan ynamy has-da berkidýär -diýip, uly buýsanç bilen bellediler. şeýle hem bu ýerde çykyş edenler Hormatly Prezidentimiziň Lebap welaýatyna iş sapary wagtynda Aşgabat-Türkmenabat ýokary tizlikli halkara awtomobil ýolunyň Mary-Türkmenabat bölegini açyp ulanmaga bermegi hem ýurdumyzda ulag-logistika pudagynyň belent derejelerde ösdürilýänligine şaýatlyk edýänligi dogrusynda-da aýratyn belläp geçdiler. Söhbetdeşlige gatnaşanlar ýurdumyzy ösüşiň täze belentliklerine sary ynamly öňe alyp barýan türkmen Halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza hoşallyk sözlerini beýan etdiler. Maýa Annameredowa.

65 15.04.2026

Hoşallyk maslahaty geçirildi

Golaýda welaýat häkimliginde Ýolöten etrabynyň Ymambaba geňeşliginiň çäginde döwrebap şäherçäniň düýbüniň tutulmagy hem-de Aşgabat — Türkmenabat ýokary tizlikli awtomobil ýolunyň Mary — Türkmenabat böleginiň ulanylmaga berilmegi mynasybetli hoşallyk maslahaty geçirildi. Oňa welaýat häkimliginiň ýolbaşçylary we jogapkär işgärleri, edara-kärhanalaryň, jemgyýetçilik guramalarynyň ýolbaşçylary we ýaşuly nesliň wekilleri gatnaşdylar. Maslahatda welaýatyň häkimi Döwranberdi Annaberdiýew, Sakarçäge etrabynyň ýaşaýjysy Tuwakmyrat Jumaýew, Ýolöten etrabynyň ýaşaýjysy Lalmämmet Resulow, TKA-nyň welaýat birleşmesiniň başlygy Seýitmyrat Atamuradow, telekeçi Berdimuhammet Çaryýew, Ýolöten etrabyndaky 13-nji orta mekdebiň müdiriniň terbiýeçilik işleri boýunça orunbasary Peraýtun Jumaýewa, Ýolöten etrabynyň Soltanbent geňeşliginiň Gyzyl oba saglyk öýüniň lukmany Dürbibi Gulamowa we beýlekiler çykyş etdiler. Çykyş edenler Garaşsyz, Bitarap döwletimizi mundan beýläk-de ösdürmekde, halkymyzyň ýaşaýyş-durmuş şertlerini ýokarlandyrmakda alnyp barylýan il-ýurt bähbitli işler barada giňişleýin gürrüň etdiler. Çykyşlarda Gahryman Arkadagymyza, hormatly Prezidentimize alkyş sözleri buýsançly ýaňlandy. Hoşallyk maslahatynda hormatly Prezidentimize Ýüzlenme kabul edildi. Maslahatda medeniýet we sungat ussatlarynyň çykyşlaryna tomaşa edildi. Baýram AMANOW.

73 15.04.2026

Ösüşlere beslenýän, bedew batly at-myratly Watanym

,,Garaşsyz, Baky Bitarap Türkmenistan-bedew batly at-myradyň mekany” ýylynda ýurdumyzyň gazanan üstünliklerini, ýeten sepgitlerini wagyz etmek maksady bilen Mary welaýat kitaphanasynda Türkmenistanyň Magtymguly adyndaky Ýaşlar guramasynyň Mary welaýat Geňeşiniň we şäher, etrap Geňeşleriniň, Türkmenistanyň Döwlet energetika institutynyň hem-de Mary welaýat kitaphanasynyň bilelikde gurnamaklarynda ,,Ösüşlere beslenýän, bedew batly at-myratly Watanym“ atly maslahat duşuşygy geçirildi. Bu maslahata Türkmenistanyň Magtymguly adyndaky ýaşlar guramasynyň Mary welaýat şäher ,etrap geňeşliginiň işjeň agzalary hem-de Türkmenistanyň Döwlet energetika institutynyň talyplary gatnaşdylar. Maslahatyň dowamynda Berkarar döwletiň täze eýýamynyň Galkynyşy döwründe Hormatly Prezidentimiziň ýolbaşçylygynda ýurdumyzda bagtyýar raýatlaryň asuda , bolelin durmuşda ýaşamaklary üçin döwlet derejesinde edilýän ägirt uly aladalar hem-de ýaş nesilleriň beden taýdan berk, ruhy taýdan sagdyn bolmaklary barada giňişleýin gürrüňler edildi. Maslahata gatnaşanlar il-ýurt bähbitli giň möçberli işleri amala aşyrýan we ýurdumyzyň bagtyýar raýatlarynyň saglygyny hemme zatdan ileri tutýan Hormatly Prezidentimiziň adyna çyn ýürekden çykýan alkyş sözlerini aýtdylar. Nurjahan Mämmedowa.

81 09.04.2026

Geljegi aýdyň täze şäherçe

Bilşimiz ýaly, hormatly Prezidentimiziň baştutanlygynda Berkarar döwletiň täze eýýamynyň Galkynyşy döwri uly üstünliklere beslenip, şanly wakalary bilen şöhratlanýar. Halk hojalygynyň ähli pudaklarynda ýetilýän belent sepgitler beýleki ulgamlarda gazanylýan üstünlikler bilen utgaşýar. “Döwlet adam üçindir!” diýen taglymatdan gözbaşly adam hakda alada giň möçberli işlerde durmuşa geçirilýär. Soňky ýyllarda döwrebap täze şäherçeler gurlup, ulanylmaga berilýär. Döwletli zaman şäherçesi bu gün behişdi mekany ýadyňa salsa, Wekilbazar, Türkmengala, Sakarçäge etraplarynda täze şäherçeleriň gurluşygy dowam edýär. “Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda” bellenen wezipeleri üstünlikli durmuşa geçirmek, ilatymyzyň ýaşaýyş-durmuş derejesini has-da ýokarlandyrmak, şeýle hem welaýatymyzyň Ýolöten etrabynyň Ymambaba geňeşliginiň çäginde täze, döwrebap şäherçäni gurmak maksady bilen, Türkmenistanyň Prezidenti Karara gol çekdi. Resminama laýyklykda, bu şäherçäni 2026 — 2030-njy ýyllarda tapgyrlaýyn gurmak bellenildi. Hormatly Prezidentimiz Arkadagly Gahryman Serdarymyzyň kabul eden bu Karary welaýatymyzyň ýaşaýjylarynda ýokary ruhubelentlik, çäksiz hoşallyk, buýsanç duýgularyny döretdi. Döwlet baştutanymyz welaýatymyza iş saparyny amala aşyryp, täze, döwrebap şäherçäniň düýbüni tutmak dabarasyna gatnaşdy. Bu şanly waka Garaşsyz, Bitarap döwletimiziň ilatynyň ýaşaýyş-durmuş şertlerini mundan beýläk-de ýokarlandyrmaga gönükdirilen tutumly işleriň rowaçlanýandygynyň aýdyň subutnamasy boldy. Hormatly Prezidentimiz welaýatymyza iş saparynda Ýolöten etrabynyň Ymambaba geňeşliginiň çäginde täze, döwrebap şäherçäniň gurluşygyna ak pata berdi. 22,5 müňden gowrak ýaşaýja niýetlenen täze şäherçede jemi 4500 sany ýaşaýyş jaýlaryny gurmak meýilleşdirilýär. Şeýle hem bu döwrebap şäherçede orta mekdepleriň 6-syny, çagalar baglarynyň 8-sini gurup, ulanmaga bermek göz öňünde tutulýar. 800 gektar meýdany tutjak täze şäherçäniň çäginde hassahana hem-de iki sany saglyk merkezlerini gurmak meýilleşdirilýär. Bu döwrebap şäherçede onuň ýaşaýjylary üçin ähli amatlyklaryň göz öňünde tutulandygyny ýatlamak ýakymlydyr. Elbetde, täze şäherçäniň gurluşygyna berlen ak pata “Garaşsyz, baky Bitarap Türkmenistan — bedew batly at-myradyň mekany” şygarly ýylymyzyň şanly wakalarynyň biri bolup, guwanç duýgusyny döretdi. Munuň özi Gahryman Arkadagymyzyň beýik başlangyçlaryny üstünlikli dowam edýän Arkadagly Gahryman Serdarymyzyň il-gün bähbitli tagallalarynyň ýeňişlere beslenýändigine şaýatlyk edýär. Şanly ýylymyzyň iri möçberli tutumly işleri rowaç alyp, olar il-günümiziň eşretli durmuşda ýaşamagyna gönükdirilendir. Medeni-durmuş babatda ähli amatlyklar dörediljek täze şäherçäniň gurluşygyna ak pata berilmegi möhüm waka bolup, il-günümizde guwanç we buýsanç duýgusyny döretdi. Täze şäherçäniň düýbüni tutmak dabarasynda şirinden-şirin aýdym-sazlaryň owazy belentden ýaňlanyp, tansçylaryň şowhunly tanslary dabaranyň şatlyk-şagalaňyny artdyrdy. Baýram AMANOW.

65 08.04.2026

Bähbitli işleriň rowaç gadamlary

Ajap eýýamymyzyň ýyllarynda Garaşsyz, hemişelik Bitarap Türkmenistan döwletimiziň ösüş-özgerişli aýdyň ýoly bilen “Garaşsyz, baky Bitarap Türkmenistan — bedew batly at-myradyň mekany” ýyly rowaç alýar. Ýurdumyzy syýasy, ykdysady-durmuş we medeni taýdan çalt depginlerde ösdürmekde belent sepgitlere ýetilýär. Bitarap döwletimiziň halkara giňişligindäki at-abraýy täze belentliklere çykýar. Ösüş-özgerişlerimiziň gözbaşynda bolsa, türkmen halkynyň Milli Lideri Gahryman Arkadagymyzyň döwlet ähmiýetli, il-gün bähbitli başlangyçlaryny üstünlikli dowam edýän hormatly Prezidentimiziň taýsyz tagallalary durýar. Döwlet Baştutanymyz Garaşsyz, Bitarap döwletimizi ähli ugurlar boýunça çalt depginlerde ösdürmekde giň möçberli işlere badalga berýär. Hormatly Prezidentimiziň alyp barýan parasatly we öňdengörüjilikli içeri we daşary syýasaty netijesinde milli ykdysadyýetimizi ösdürmekde ýokary netijeler gazanylýar. Türkmen halkynyň maddy hal-ýagdaýyny gowulandyrmakda giň möçberli işler durmuşa geçirilýär. Şeýle tutumly işler bolsa, “Döwlet adam üçindir!” diýen ynsanperwer taglymatyň rowaç alýandygyna şaýatlyk edýär. Mälim bolşy ýaly, ýurt Baştutanymyzyň öňe süren “Watan diňe halky bilen Watandyr! Döwlet diňe halky bilen döwletdir!” diýen şygaryna eýerýän türkmen ili eziz Watanymyzyň mundan beýläk-de gülläp ösmeginiň hatyrasyna döredijilikli zähmet çekýär. “Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň” çäklerinde uly işler amala aşyrylýar. Öňdebaryjy tehnologiýaly döwrebap kärhanalar gurlup, ulanylmaga berilýär. Sanly ykdysadyýetiň halk hojalygynyň ähli pudaklaryna, beýleki ulgamlara giňden ornaşdyrylmagynda uly işler bitirilýär. Önümçilik we medeni-durmuş maksatly binalary we desgalary gurmakda ýokary netijeler gazanylýar. Şeýle ösüş-özgerişler “Garaşsyz, baky Bitarap Türkmenistan — bedew batly at-myradyň mekany” ýylynda-da rowaçlanýar. Hormatly Prezidentimiziň parasatly baştutanlygynda ýurdumyzda azyk bolçulygyny döretmekde ähli tagallalar edilýär. Has takygy, milli ykdysadyýetimiziň iri pudagy bolan oba hojalygynda belent sepgitlere eýe bolunýar. Daýhanlarymyz döwlet Baştutanymyzyň berýän goldaw-ýardamyna daýanyp, dänäniň, pagtanyň, gant şugundyrynyň, gök we bakja önümleriniň, miwäniň bol hasylyny almakda uly ýeňişleri gazanýarlar. Şeýle ösüş-özgerişler bolsa, Garaşsyz döwletimiziň dünýäniň ösen döwletleriniň hataryndaky ornunyň has-da pugtalandyrylmagyna kuwwatly itergi berýär. Ýurt Baştutanymyzyň tagallalary bilen telekeçiligiň ösdürilmegine uly üns berilýär. Bu bolsa täze öndüriji güýjüň milli ykdysadyýetimizde uly orna eýe bolmagyna ýardam edýär. Hususyýetçilerimiziň yhlas-tagallalary bilen halkyň köp sarp edýän harytlarynyň we önümleriniň bolçulygy döredilýär. Hormatly Prezidentimiz Arkadagly Gahryman Serdarymyzyň Türkmenistanyň hemişelik Bitaraplyk hukuk ýagdaýyndan ugur alyp ýöredýän öňdengörüjilikli daşary syýasaty uly üstünliklere beslenýär. Hemişelik Bitaraplygy BMG-niň Baş Assambleýasynyň kabul eden Kararnamalarynyň üçüsi bilen ykrar edilen Türkmenistan Watanymyzy bütin dünýä parahatçylyksöýüji döwlet hökmünde tanaýar. Türkmenistanyň başlangyjy bilen BMG-niň Baş Assambleýasy tarapyndan kabul edilen Kararnamalar Arkadagly Gahryman Serdarymyzyň öňdengörüjilikli daşary syýasatynyň täze belentliklere çykýandygyna aýdyň subutnamadyr. Türkmen halky Gahryman Arkadagymyzyň, Arkadagly Gahryman Serdarymyzyň saýasynda beýik Garaşsyzlygymyzyň 35 ýyllygynyň uly toýuny toýlar. Giňden belleniljek bu şanly sene Garaşsyz, Bitarap döwletimiziň şan-şöhratly taryhyna altyn harplar bilen ýazylar we bu uly toýuň dabarasy dag aşar. Baýram AMANOW.